|
|
Dear God
Dear Ewurade, For how long you go make we endure this pain?
Sacof eky33 since ma pastor tell me say make I just focus na you go make erain!!!!
Ma paddy Sly wedge ky33 den he no go fit take am anymore so he turn to cocaine.
The prayers Kwesi Fosu dey do, adey do same.
Buh as adey Ghana, yedee the whole day the only thing aget chop be sugar cane.
Kwesi call me den he dey chop shawarma for Spain.
So rydee me wey abi good boy, adey do what you dey want buh ano dey see top too then what adey gain?
You tell me say you get reason why everything dey happen wey rydee grandpa die who make I blame?
Aporsor sef no die. Ewurade, ein se he be insane.
The people dem dey claim say dem see you before nu dem really see you or dem just dey do am for the fame?
If God be name given to a supreme being, wey you be my father, my brother my friend, den why anor know your real name?
Dem say prayer be conversation, wey adey talk to you every day so why you no dey do same?
I never see you before, so excuse me to ask if you even know my name.
Despite all these doubts, I really dey believe you so adey beg please the plenty efforts amake in making sure I follow whatever you say, make you no make ebe in vain.
If ebi say ado something wey you bore plus me, adey beg ano go do am again.
Sacof one day one day, I know say you no go let me down.
You go make my blessings all dey pop for ma top like champagne.
Copyright ©
Mccyril Akussah
|
|