Maranao Poem - Muri a Kapagodas

MURI A KAPAGODAS l Magodas ako Gadong, a igagador ko Alam, na Sagayanan onSnang, ko Gapa a Simalawn, a Dayamonthaya ragat, ko alabat sa Slangan, a inikarantangadat, na Piyaladkho Marinaw, so inambar o Pakato, sa bapya pha-paroman, ka oba mBolanaw Mobar, na Kabayomboran Maog , So Lombay a Mitatandp… ll Sarmpangn Maidan, o pagalad sa sumpitan, So kareres o Kaprang, Na bapya ribon kami, A Lombay sa Gaganatan, Na inipanalao ami a ginawa mi ko alam, na oba nggtaw miyobar, so Kayopoan ko Linaw, go so Lama-lama Radiam, na bomborn niyo rakn, ka ndatadataron ladan, ko kaLnggaw o niyawa, ko ingd a pagadilan… III Amay ka maribon dn, a maklangon so Langit, na Lumiwalas a Kawang, na muri a sumaLangkap, o kiyarantang gawii, Na oba Phanton a Randang, Na bayombaran niyo ron, So pakaThak o To’ akn , Ka oba kilang solanaw, A Lomindaw ko Libotng… IV Taginpn ko rka, a dariday pn si ladn, Na miyokit sa singanin, ko kipsalonoy a dar, A mabangon so kotika, na somindaw so bitoon, Sa rndangan o alongan, Na masalosaw so gabon, A mrn ko pandang ka, Na phiya so langka aka, Sa mada so kawan nka … V Senang o nono akn, a rombosa puso akn, Ingoma dn so kalab, o diandi o niyawa, Ka tran-trang magokit, Na Rawatnso karibon Na asar a Phantaw ka, Na tomo so karinibon, Ka anyan kanapasi, Ka so waraano Bansa, A Lalnganan sa baya, Sa taman sa pakataman… VI O sii ko koborakn, Na Mainengka a kawn, A Mibida ko Otan non, a ObarObar miyOmbos, Na paki iyopn nka, Ko Sunggod o Niyawa ngka, Ka oba rakn Salinding, Ko sirong o dindingali, So inambar o bawngka, Go so Lanoon rka … VII Na sosoro-sorot angka, So kabotayag o Olan, A monong a kakasiyan, na so Kareres o Alongan, na Makaliwanagrka, Na o so ringgir a inow, Na pkhi-saRpang iyan, So Bantak o Panintiin, Na Oba Roro a Mra , Ko dair o kubor akn, Na daa inonta so Salaam, A paki Bonin kawn … VIII Mayon dn a ladn ko, a Ma-kh-Kh’n o alongan, so Tarintik ko tinpad, ka aniyanmi zombaka, sa badng sa kaotho-an, So Singanin Phlano-on, Sa naino Maka mbkn, So undasa okor iyan, a ini Tgl ma silang ka giyoto na singanin, Sa kapaka apt akn, sa ingda Pelombayan, na proyodn kawn, ko Kathikna an akn, ko KADNAN tangan iyan… IX Pizinganini ladn, so muna miyamayandg, a da panginon masorot, go siran i mi Thitegr, ko ata-at ine rompes, a Lbi a masupiit, taman ko manga ina, a ziyangt a balilit, goso paka sosondong, rakz o mga balo, rampat ko mga ilo, A lomiyalan sa songt, na pdon so ladn ka, Sa kapaka mbaya-baya… X NA gowani kakokosan, sa khnman dn so koba, na matana- tanao roo, so minirndan a inam, na dingka dn ph-ranona, so kiyatarosaniyan, sa owana Lakit rka, A n’G A p’Phangangaloy, nagiyoto man Ladn ko, na uni a di kharantan, A didawai’ btho rka… XI Na amay ka kalimngan, so pamomola-an rakn, ka apay o paza iyan, na miyaDaraynondn, na paki rakzn nka, a mabongkal o pmbasok, ka an maka liyawao, so baya-nk o badan ko, a poon a laya-layak a sapadan aya tmbak… XII na dadn a kawan akn, sa kismbor ko Barsak, ka romiyabrayladn, sa ginawa ngka rombosa, sii ko Kawang daya, pdon so kapalawan, taman ko kapantaran, sa marayaggo matanog, a kapkha ager tayaw, o sinar ago so kolaw, A Pompongan a inarap … XIII Inged kho masimalaw, a inimbokoa ranon, Na Pilimpinas Darimbang, A ingda kakasiyan, a inikarasaya dar, Na Ophkaneg akongka, Na insanakoa thoma, a PolimposanMabanding, Na sii sa Milik ka, na ron aknon ribona, so langowa bolawangko, a mamponay sa ginawa, a Langona lilang ka… Na Thogalin ako a dar, ko ingd a Matatanto, A daon so kandarasag, A goso ka TalaRompis Ka tingki-tingkion a tao, ka daa ka Thatandinganon, Inonta so Di Marn, Na Mnayon dn ladn ko, Sa kapkaribon a Dar, Ka so ka lab na Tikna… XIV Na magodas dn si ladan, ko langon a tunganayan, a dimaraw sa ginawa, rakz o manga layok, a tanan malaiskL, ko manga panagontaman, ko ingd a kalulutan, go so mga masipg… Na Sabar anyo rakn, a gaganatan sa ranon, ka khatamanan si ladan, ko ringasa ko ginawa, na pd a amanat akn, ko miyarasay a linang, na phakauriyan ko ron, sa tanan niyo dn langon, na ayat angko sa Ranon, ka so kakharibon ginawa , na tatap a idad-kha… By: ditadawayen sa ranao : Khadaffy D. Mangondato Original ---- English: My Last Farewell ---- Spanish: Mi Ultimo Adios

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem.

Please Login to post a comment

A comment has not been posted for this poem. Encourage a poet by being the first to comment.