Get Your Premium Membership

Agar

Agar Kya hota agar Uss raat mai chup hi rehat Kya hota agar Uss raat hi mujhe iss din ki chavi dikh jaati Kya hota agar Uss raat hi mai khudko rokk leta Kya hota agar Uss Raat mai tumhe jaane na deta Agar uss raat, din ki ek halki si jhalak mil jaati toh shayad hum kabhi durr na hote. Agar uss raat halki si baarish ho jaati toh shayad subah ki maasum hasi hamara gussa thanda kr jaati. Agar uss ghadi me samay ka behta paani mai rokk pata toh shayad mujhe thoda aur samay mil jata Agar uss raat mai chuppi ka saath na chodta toh shayad abhi bhi mera haq tum par barkarar hota. Safar jo saath shuru kiya tha hum dono ne, kya hota agar hum woh poora kar jaate. khushiyan jo mili thi hume ek dusre me gumm hone par, kya hota agar hum firse kahin gumm ho paate. Ghum jo raat ki chadar odhey aai thi humare darwaaze pr, kya hota agar uss raat hum darwaze ki khat khatahat par gaur na krte. Samay se na toh lada hai koi aur na kabhi ladd paaega, Kya hota agr uss raat hum thodisi koshish kr jaate. Bachapne me samajhdaari ka ehsaas dilata tha, samajhdaari hi nhi kabhi kabhi bachpana bhi dikhata tha, sabb se ladd kr agar mere jhooth ko sach na banati tum toh shayd aaj bhi mai khudko gunehgaar batata tha! P.S - Shareefo sa tha mera pyaar, shareefo si thi meri aarzoo, gazab ka khel, khel gai sharafat meri jo dil se sharaft ka namo nishaan hata baithi! - Abhishek Kandare

Copyright © | Year Posted 2018




Post Comments

Poetrysoup is an environment of encouragement and growth so only provide specific positive comments that indicate what you appreciate about the poem.

Please Login to post a comment

A comment has not been posted for this poem. Encourage a poet by being the first to comment.