Get Your Premium Membership

Shab e Gham--Evening of Sorrow

Aisa sila apni wafaoan ka mila he
Apne hee saaye se  dar ab  lagne laga he

Din to guzar jaaye ga laikin ay mere dil
sur pe jo mundlati shab e ghum he bala he

aadmi ke dekh ke kartoot samajh lo
Garcha khuda woh nhi laikin baKhuda he

Roothnay walay se gila hum nhi karte
hum jo kabhi roothay to karta woh gila he

Shoom kee yaari se to achi he tanhaee
Qurb mein koi na ho is mein bhala he

Abhi to door tha manzil ka nishaan bhi
Qafila kion tanha mujhe chor gaya he

Chaand  shabistan mein mere utra ho jaise
kaise yaqeen kr loon wohi mah laqa he

Zindagi kia he aray ghafil ye samajh le
Marne se pehle hee ye marne kee saza he

Mashq e sitam us ka hamein yoon he gawaara
ghair nhi apna he woh jaan e ada he

zauf ke maaray huay zehnoan ka gila kia
Tum bhi bhula do tumhein jo bhool chuka he

dil mera veeran kion rehta he sada se
mein to samjhta tha khuda dil mein basa he

Copyright © | Year Posted 2014




Post Comments
Please Login to post a comment

A comment has not been posted for this poem. Encourage a poet by being the first to comment.