Get Your Premium Membership

Akeli Ladki

Akeli ladki, ji sahi suna aapne akeli ladki yeh wahi akeli ladki hai joh ghar sey nikalti hai school key liye Yeh wahi akele ladki hai joh subha nikalti hai college key liye jiski maa ko pareshani lagi reheti hai key uski beti sahi salamat ghar aajaye aur uski chinta kahi badalo mein gum hojaye Yeh wahi akeli ladki hai joh zindagi mein kuch bada kar rahi hai apne khawbon ko unchi udraan dey rahi hai, par saat hi saat dar bhi rahi hai Woh darr rahi hai isiliye nahi kyuke usney kuch galat kiya hai, isiliye key uske saat kuch galat nah hojaye aur woh kal ki akhbaar ka hissa nah banjaye jisko bhuljayenge log dusrey akhbaar padrne sey peheley hi. Woh darr ti hai jab bahar woh apne doston key saat ghumti ti hai Woh darr ti hai jab koi anjaan sa shaks usey baat karne lagjaye Woh tabhi bhi dar ti hai jab woh balcony mein jaaye apney kapdrey sukhaney key liye toh uspar kisi ki nazar nah padrey Mujhe yaad woh din jab main aur mera dost apne ghar key taraf chal rahey they humare aagey akeli ladki chalrahi thi aur usney mudr kar dekha humko jaise hum haiwan lagey usko aur woh apne kadam bandane lagi thi mann hi mann dua karne lagi thi ki uski manzil jaldhi aajaye aur yeh lamhe sey woh bahar nikal jaye Merey dost aur mujhko sharam si aani lagi aur hum rukh gaye jab tak woh ladki nah chalegayi duur jahan sey woh humein dekh nah paaye aur poori gabrahat bas sambhal jaaye Jaise hi us ladki ney dekha key hum rukh gayen hai uski cheherey ka sukoon wapas aaney laga tha Uskey maathey ka paseena gayab hone laga tha Aur us lamhe mein woh jitni khush thi nah thi woh itni khush koi aur lamhe mein jaise naya jeevan mila ho usey. Khush thi woh yeh baat sey key woh logo key gussey ka hissa nah bani joh dayr sey aata hai aur jaldhi chalajata hai Khush thi woh is baat sey key woh koi kisi debate ka topic nahi bani jaha usey koi kahe ke us samein woh waha kar kya rahi thi kya pata nahi usey key akeli ladki khuli tijori hoti hai Khush thi woh key uski maa key aansu nahi niklengey abh Akeli ladki khuli tijori jaise nahi hoti hai sharam ikhlaaq, gehena hai unka maan bhi lo abh Uss din mera seena phatne se laga Mera dil bechain sey hone laga Key agar woh meri behen hoti toh kya hota Uske cheherey ka sukoon tha joh beeta hua sach tha joh hum aaj bhi dhund rahey azadi key itney saal baad bhi Yeh woh sach hai joh humein dikh nahi raha hai humare aakhon par patti ho jaise Yeh woh sach hai jiska main gala ghotna chahata hu Par sunlo ek key baar akeli ladki khuli tijori nahi hoti kyuke sharam aur ikhlaaq unkey gehene hotey hai.

Copyright © | Year Posted 2019




Post Comments

Poetrysoup is an environment of encouragement and growth so only provide specific positive comments that indicate what you appreciate about the poem.

Please Login to post a comment

A comment has not been posted for this poem. Encourage a poet by being the first to comment.