Maranao Poems | Examples

Maranao Poem - Inowai So Ranon

| 07:49 AM | Thursday | 20 | October | 2022 |
Maranao Poem & Poetry

~ inowai so ranon ? ~

Inowai so ranon
a paganai ka ph'raon
a panagai ka phrang kom
a obadi ta anogon
na tantowa maki nogon
a maki phanganon 'anon ...

Dibo daita'a daon
i daita dibo ndodon
na sumiyayan sa ranon
a sasayan(a) maki anon
na dabo a ndodowa(n)on
ka perak'on i ndodoo'n ...

Di'boda dadaya'on
i sumayan sa takor'on
ka saken p'man so ranon
a apiya adata'daon
na daita mang'anogon
ka lalayamakoa'men'on ...

Antaa ka ko ranon?
na antaaka ko ranon
na antawako ko ranon
na antawa'ko korangon?
a palaya taman'ranon
a baden maka phânganon ...

Aya tangko so ranon
sa tongkop a kapranon
na aya tongkopo'raon
na tong a to'koporanon
na aya'tatangkapi ron
na sayan'a tapi anon ...

~ Khadaffy D. Mangondato / aka ditadawayen

Maranao Poem - Minandanga O Odang

Maranao Poem & Poetry
| 08:10P | Sunday | 30 | October | 2022 |
|
~ Minandanga o odang ~
|
Igira so min andang
na dimamin a minandang
na aw minandang ako andang
na aw mina andango akodang ...
|
Na Kagiya si minandang
na apayo minandangan
na diyanga i manadang
a danga danga a adang ...
|
Na dango a minandangan
na kagiya dangag andang
a antangagan ta andang
ko andang andang a dangag ...
|
Na minandangako o adang
a odang odanga gangkong
na ogagangkabo odang
na gagangka gangko gangkong ...
|
~ ditadawayen / Khadaffy D. Mangondato

Maranao Poem - Inged Akn Daa Rowar

| Sunday | 30 | April | 2017 | 21:02 |
|
~ inged akn daa rowar ~
I
" Inged akn daa rowar
-- a ina waan ko ska
na popodokan akongka
na dita séka khâbaraw
ka matanao ka ladan ko
na kén ka a Talabosaw
na mbaréndod ka walay
sa aiyang kabo apasá ... 
I
" inged akn daa rowar
-- na inithânan ko ska
ko manga tonganai akn
a malobai i sokatan
na a pasang ka inggiraw
a miyadarainon na
a mataman-taaman akon
na da lakit lambay owa ... 
I
" inged akn daa rowar
-- na inaampitan akongka
ko ibalinta(d) sa inged
ka oba masalimbtad
na mélek den im babid
i mataman den tumabid
na mamagula(ng) sa ulid
na baden atorn thôkid ...
I
" inged akn daa rowar
-- na inako phángangaloi
i matag ako bulawan
na dikobo a milauwang
o bako mapakalawan
ka saksi so galawan
na inimpitan impidan
sa diko iphângunaan ...
|
~ ditadawayen l Khadaffy D. Mangondato

Maranao Poem - Insana Ko Kanakan

~ Insana ko kanakan ~
|
Aya kingginauwai,
sa mapuro i kapândi,
Na phándapati-ngka laiyok,
Na dikawn phakisilaw,
A kailai-ilay angka ...
|
Na Lolopog angka malo, 
Sa obangka tatapada, 
Na malongka lolokhái, 
Sa karangan a dokauwan,
na kaizaangka niyan ...
|
Na inongka lolopoga, 
a dikabo thotomangkd?
na aiya tharo angkaun, 
na diyako phangunaan,
sa dako niyan mbinaan ...
|
Aya kakhakanakan,
na mapakay totondogn, 
odi na tatapadn a rinaw
na dingka pman pôdoki,
ka madakl di-khasorot ...
|
Na ba gowani imanto,
A madakl a Karina,
Na gdam ingka sa darm,
ka obakawn mibulog,
A matana-tanao ka ...
|
~ Ditadawayen
 | Khadaffy D. Mangondato

Maranao Poem - Malalong Kadn Man

~Malalong kadn 'man~
|
Malalong kadn Pikir
Sa kapipikir angkawn
a Manisan go matanos
na Mainam kadn Lalong
so Kalalongan nka ...
|
Mataid ko Rambayong
na Minirombayo a Lo'
a Masisinganin oto'
na inisayan Saniyan
Sa salakaw a antangan...
|
Matarintis a Bae
Na bako mikha karangan?
i Kararatan sa Darm
ka Oda so anta-anta
Na Diyako khapawalan...
|
Mawatan na Mataid
Na maraani na Mathangka
na Dadn a Kuranganon
inonta so Karangan
a Khagabiyan Thapoka...
|
Ko Manga Rnding a inged
a ana phamangrap on
na Dum'phak a DaLpk
na Makilang na Misibg
na iThmbala so Pitot...
|
na Maribogar so Otk
a kaphakatado Thingr
Na ramig sa khapitaan
na Lalangotn sa Barg
a Khap-Phanaro iyan...
|
Na giyayakon i Oso
o Kalombayan Mapanton
a Mala-ala i Lalag
na malalong ka dn man
a matag kadn mainam...
|
~ Ditadawayen 2016 | Khadaffy D. Mangondato

Maranao Poem - Phiya Piya Ka

~ phiya-piya ka~
|
Di' phiya-piya?
Phiya piya ka!
Odika phiya-piya
Phakapiya ka ...
|
Phipiya-piya?
Mapipiya ka
Phipiya piya kadn,
Mapiya-piya ...
|
Phipiya-piya.
Di Phiya-piya.
Apiya di palaya
Phiya-piya ka ...
|
Pamiya-piya ka dn
Odika phiya-piya
Khapiya angka
Khapaliyan' ka ...
|
~ Ditadawayen ® 2016 - Khadaffy D. Mangondato

Maranao Poem - Aynaw Kanogoniyan

| Thursday | 04 | August | 2016 | 12:28 AM |
|
~ Aynaw Kanogoniyan ~
|
Aynaw Kanogoniyan
ka obo o katawangco
na bacodn phiyapiya
ka baco ini katawi
i kapagipos o masa...
l
Aynaw Kanogoniyan
ka Miyadaramba akn
So kalawanda i lalag
na di khindod di-khiPaar
na maphámoco dn a dar...
l
Aynaw kanogoniyan
ka so mainot a iN'k
na daco kaPahâlai
a bacodn mingGoamay
na miniSarmpang ái...
l
Aynaw kanogoniyan
na insanaan so darm
sa oba kapharomani
ka Marasay a dan-dodan
a badn miyaginalang...
l
Aynaw kanogoniyan
na magudas ako badn
sa da rataang ginawa
ka andamanaya ini
na tigowan ta so pikir...
l
~ ditadawayen ® 2016 - Khadaffy D. Mangondato

Maranao Poem - Kawa Sa Tig O Digong

| Friday | 01 | July | 2016 | 05:12 AM
l
~ KaWa saTig o Digong
l
Ayday dingkadn kharaw?
A pangitk aya ingd
Na aya daging o Digong
Ko Kiyapangadap iyan
Ko myarangcom a ingd
Na Ayday kiyatabowan!
A kalalalongan iyo.
l
Kna a bolong ai
A zokho onta Kawasa
Ka oba makaOmplak
Na ibgay ko diGibon
A romororan sa Pura
A taman dn Manalangan
Ko Bangon a diniyan rk.
l
Na tapila kn ta Uzk
A malima-lima kiran
A isomaga Maganad
Na aya ranonta ko ig
A kararayaan a tao
Na ikakp a zurota
Ka obaka zalimbago.
l
Na bulongan ta so boNeg
A ipkhaLalong a dar
Na ditabo mandiLngan
Ka kawasaan so ingd
Na maLindg odiMara
Na langon makadampanas
Sa rondan o Pilimpinas.
l
Gowani a iroyn o
Makadmpas a Davao
A samaya iphamndg
Ko ikaTlo-ika nm
a idandg so Ruwaka
A Kalala-lungan o taw
Na inizaw izaw aTig.
l
Na dapn tanto thikna
Na lagid obabo Bnar
Ka kumi khn ta so Boneg
Na odika panizakay
A kyamotangka b’rg
Na maburokos kalilid
A minikh khntawai.
l
Paniyap ka ranon
ka kiyatokawan kapd!
a mindaganga a boneg
ka kaduratangka boneg?
a ngga-ganga ka a boneg
Na khdgn ka bono
a kaneg ka o phagingd.
l
~ dsr| khadaffy D. Mangondato

Maranao Poem - Phorongan Tano Ranao

Phôrongan tano Ranaw
Sa dika phagalang alang
Ka Mawa(g) sa ginawangka...

Dika phagilan-Tangan
Ka Parasa Lombayngka
A kilanga BontaLka...

Miyog ka Magnda ka
Na dingka bo mipmanis
So Salakaw Salad ka...

Na so Ranaw na Thikna
Na Khaoba angka niyan
Sa dingkadn Miphmowat...

Maranao Poem - Sapolid a Marawi

Saplid a Balaa î 
Saplid a Malâ wi' 
Saplid a Marawi.
|
Saplid a Mala ig
Saplid a Malapay
Saplid a Marawi.
|
Saplid a Mawaraw
Saplid o Mranaw
Saplid ki Marawi.
|
Sapolid o kawaraw
Saplid a Katalaw
Saplid Kakababaw.
|
Saplid a komoraw
'Sa polid ka Da warey
SongkLid kaMan arey.
|
SapLid ko Marawi
Sa apid ka man ari
Sa ka apd ko Marawi.
|
~ ditadawayen ® 2016 | All fights reserved

Maranao Poem - Inungka Rogo Rogod

Sunday | 07 | February | 2016 | 07:32 PM |
|
~ inungka rogo-rogod ~
|
Inongka rogo-rogod ?
i ng-gogodn ta so Btad
ka bamailay so Pasad
o datu miyangimasad
ko ompiya ini btad ...
|
Inungka rogo-rogod
A inungkaan so btad
O thetho so miphaPasad
Ka ba badn miyapasad
Na ompiya da mibtad ...
|
Inongka rogo rogod?
i daa suwatang ko pd
Ka phasad sa dimapasad
Na laabotn ka a klid
Ka skadn i Songklid...
|
Inungka rogo-rogod
Ka da sarig ko sabaad
Ka odi maphpangunod
Na dii ithoman sa pasad
Ko ompiya a phitukid...
|
Inungka an so Ingd
a tikayan on so sempad
A Rogo-rogod ko btad
Na nduyogn ta mapasad
Ka antano di khaKilid ...
|
~ Ditadawayen Sa Ranao| Khadaffy D. Mangondato

Maranao Poem - Dingkadn Phamnaga

~ Dingka dn Phamnaga ~

Dingka dn Phamnaga,
So Thetho a ingarang ko,
Ka Bapiya pn di Tanto,
Na ditabo khataOwa...

Dingka dn Phamnaga,
So Tanto a arangan ko,
Ka Mapiya pn maTanto,
Na Ayabo na MakOwa...

Odingka PhangiLaga,
So Totoo a Ranong ko,
ka mataya ako sa Btho,
Na Ayata bo KhisOwa ...

Odingka dn Khagaga,
So kaTanto an Ladan ko,
Ka mapaya o MapaPnto
Na ditabo MagayaOwa...

-- Ditadawayen sa Ranao, Khadaffy D. Mangondato

Maranao Poem-Bal Bgan Dn Abl

~ BaL Bgan dn aBL ~

Inikarasay a dar,
Na inim Boko a inam,
So lagaday o Panamar,
Na tiyamanan Ta Sangan,
Na Muri miyaka Ndamar,
Na Phi-pharo Paromanan,
Ka badi maSamporna...

Na ika pera Milakit ,
A akolan si Magayaw, 
Na ipon-ipon ta Sarat, 
A Sarig kadn Maganding,
Ka oba ndiyongkat Mkar,
Na di Sndita ta a iman,
A khilidn ta iranon...

Margen Mangimaloy,
Sa Daranda o Limpunas,
Ka Phgos a kawan-kawang,
Na Sndod a Lilimpanga,
Na mangUragis Akolan,
Ka obadi Lng-Lngn,
Sa Tamat a iphangAmpit...

Indawag kho sa inow,
Ko kadandan o Bangnsa,
A ikasoy so Salonoy,
Na Pendiyara a inam,
Na khowaan so Daradat,
Sa phaka Taman-Tamanan,
A di phagalang Alangan...

Na Phi pharasan imbitar,
Ka isisurat sa Lakam, 
Na saksi so Magandor, 
A Magokit na Bayaan,
Na kagiya makamBkn,
Na n'g n'gan  Ta Tangis,
Ka BalBg anta A bl...

Ayat Angko sa Linow,
A kalimo-Limo ka Dar,
Na kaksan dn kanDalog,
Sa Layak a Akal Akol,
Na badn paka dongkowa,
So Limokn Pagunayan,
A Mundas so Pizinganin... 

- Ditadawayen sa Ranao, Khadaffy D. Mangondato

Maranao Poem - Ndao Itogalin Ta Pman

~ Ndau itogalin ta Pman
~

Ndao rasai ranoni
a phnayaung ko ini
a maka tangki tangkiri
a diko mipn diri diri
a paraman ngko manari
ka oba sangka trangi

Ndao mapanga nganon
a badn maph phranon
na tamanan ta manganon
i da thaman sa ranon
a ba akn maph panganon 
na bakopn panganogon...

Ndao masakit aki
A kaphki lakit ami
na pakanayau ta muri
sa tamanan nta khauri
na madidi o thetui
na Kagia akal ari ...

Ndao bakodn rnk
ka anta maka gaga nk
a torogn ta a kank
ka ibata badn ra rnk
a biyadutan ta tnk
na inipo san talubk...

Ndao ndau akongka
ka angka mamaradika
na obaka makadkha
a miyathay inayawngka
na ndaungka bulayuka
na ayak a simbayaka...

By: ditadawayen sa ranao | Khadaffy D. Mangondato

Maranao Poem - Sndita Ko Muslim

~ Sndita ko Muslim ~
·
Badn khalalayami
a Biyaloy a sndita
o bala tano sa ingd
a ophoon ana mbto
na sndita so Muslim...
·
Na ba ini babago pn
a oman pha paromanan
i andang dn ko ingd
a lagid a Pilimpinas
a kilidn so Muslim...
·
Langon taman marata
na dawayen on so Moro
a miyaka mawlika
na sumpat ilano iyan
na balsn so Muslim...
·
Na ino makandadamar
a ingd mip'phanamar
ka pkharata so ongar
o marata i ngar-ngar
na lumawan dadn a dar...
·
Na mabarang sa mapanton
na bakodn panginophon
ko ingd ko a mabaton
adi mbaloy a tiphoon
ka ana ako miso soson ...
·
Na oba ka korawada
a mbida ta sa kabaya
na naino sumibaya
ka miyakam baya-baya
na anako makandaya...
·
~ dsr,Khadaffy D. Mangondato

• Short Maranao Poems
• Famous Maranao Poems
• Best Maranao Poems
• Read Maranao Poems
• Long Maranao Poems
• Maranao Quotes