834.
Wala Nang Pang-Family Needs
Nung ako ay tanggalin
Sa CapSU noong 2016
Family Needs ipinagkait sa'tin
Pambayad ng kuriente wala na
Para sa ilaw at iba pa
Sa pamilya nalang inaasa
Pambayad ng tubig wala na
Para sa inom, hugas, ligo at laba
Sa pangungutang nalang inaasa
Pambili ng gamot wala na
Para sa maintenance ng ina
Sa RHU nalang inaasa
Nang sa CapSU alisin ako
Wala a po
Na Pang-Family Needs tayo.
-11/07/2022
(Dumarao)
*My Losing CapSU
783.
Ang Tubig ng Babae sa Samaria
at Ang Luha ng Babae sa Hacienda Luisita
At napadpad si Hesukristo sa Samaria
Kung saan nakatagpo niya si Photina
Humingi ng tubig ang Panginoon sa kanya
Na parang ayaw Siyang painumin sa una
Ang humingi ay taga-Judea
Ayaw bigyan Siya tila
Ito ay gaya ba…
Ng mga humingi na magsasaka?
Ang hiningan ay taga-Samaria
Ayaw mamigay yata
Ito ay gaya ba…
Ng mga hiningan na panginoong-maylupa?
Ang humingi at hiningan ay parehong Israelita
Sa isa't isa parehong magkababayan sila
Ito ay gaya ba…
Ng mga pinatay at pumatay sa Hacienda Luisita?
7 patay na mga magsasakang nagprotesta
121 sugatan sa kanila kabilang ang mga bata't matatanda
133 pinagdadakip at ikinulong pa
Ito ba ang tugon sa babaeng lumuha?
-03/15/2020
(Dumarao… based on today's Gospel)
*Ides of March
153.
Daragus 12
-Paghihiganti ng Ina-
78 Ang ina ng pangunahing salarin
Mangkukulam na maramdamin
79 Sa tindi ng kalungkutan
Paghihiganti'y kagustuhan
80 Mga mamamayan siya'y minura
Tinagurian pa siyang kasumpa-sumpa
81 Galit at lungkot
Pighati at poot
82 Isang gabing may sigwa
Katakut-takot na delubyo tinawag niya
83 Tubig, hangin, buhangin magkasahog
Dumaluyong sa bayang ilulubog
84 At paggising ng bayan kinabukasan
Tumambad kalunus-lunos na kasiraan.
-06/27/2012
*Gintong Lupa Series
150.
Daragus 9
-Diwata ng Tubig-
57 Unti-unting si Agus ng tubig lamunin
Dahan-dahang lumayo bangka ng mga salarin
58 Ang prinsipe'y gupung-gupo
Wala nang pag-asa sa saklolo
59 Pilit mang kumawala sa pagkabuhol
Hindi makapalag sa himulmol
60 Anong klaseng hilahil?
Pagkalunod hindi pigil!
61 Subalit bago pa man malagutan ng hininga
May umagap na isang himala
62 Sa prinsipeng nalulunod, may nilalang na yumapos
Kaagad siyang pinaalpas sa pagkakagapos
63 Binuhayan mga luoy na bisig
Nitong bayaning Diwata ng Tubig.
-06/26/2012
*Gintong Lupa Series
146.
Daragus 5
-Ikalawang Pagsubok sa Magiging Prinsipe-
29 Ang ikalawang pagsubok ay pabilisan
Ng paglangoy mula dalampasigan
30 Ang mga lalaki na walo
Kailangang makuha ang bandilang ginto
31 Na nakatayo ng mga metrong labindalawa
Mula sa buhanging kinatatayuan nila
32 Mga banderang sa tubig nakalitaw
Na parang sa bangka'y mga paraw
33 Nakatusok ang patpat sa buhangin
Na mga paa'y aabot rin
34 Pangatlo si Agus na nakakuha
Malapit na sa dalampasigan ang una
35 Subalit kanyang ibinuhos lahat ng lakas
Naging pinakamabilis at nauna si Agus sa wakas.
-06/24/2012
*Gintong Lupa Series
140.
Siboloria 14
-Ang Alamat ng Unang Lahi sa Gintong Lupa-
92 Bago magbukang-liawyway ay nilamon
Ng bubuli ang prinsipe bago bumangon
93 Kumaripas sa kagubatan
Iniluwa't muling nagkita ang magkasintahan
94 Naroon din ang Diwata ng Lupa
Mga kabute't tubig ay dala
95 Pagkain at inumin isusuhay
Sa mahiwagang bubuli isasakay
96 Sa ‘di kalayuan ay umugong
Mula sa palasyo ang budyong
97 Pinaulan ni Bulawan ng buhangin ang kagubatan
Upang pabagalin mga kalaban
98 Tungo sa Gintong Lupa!
Unang Lahi ng mga tao roon – kina Sibo at Loria!
-06/21/2012
*Gintong Lupa Series
135.
Siboloria 9
-Ikalawang Pagsubok-
57 Limang araw bago ang kasalan
Sa umaga'y umulan ang kalangitan
58 Sina Sibo at Loria'y nagkita
Kasama ang Diwata ng Lupa
59 May ikalawa pang pagsubok
Na sa alipin naman nakatutok
60 Sisidlan ay sa kanya iniabot
Tubig dito'y ibubukot
61 Subalit ang lahat ng iyon
Magmumula lamang sa mga dahon
62 Kaya buong umaga'y nagtiyaga
Ang alipin na punuin ang botelya
63 ‘Di umabot ang tanghali
Sa paghamon siya'y nagwagi.
-06/19/2012
*Gintong Lupa Series
27.
Duguang Oble
O Obleng ibig, ba't ka inusig?
Binusalang higpit iyong bibig
Mata'y hinigop na parang tubig
Tenga'y sinuntok hanggang matulig
Dinakma't dinurog mga bisig
Ng mga buwetreng manlulupig!
Dugo'y ‘lang habas na umiilig!
O Obleng pantas, ba't ka ginago?
Itinuring kang peste't bilanggo
Dura't ihi sayo'y pinaligo
Sa hanap mong mga pagbabago
Ika'y lagi nalang binibigo
Ng sayo'y namugad na mga kwago!
Tinutuka habang dumudugo!
O Obleng bituin, ba't ka piniga?
Laman mo'y ngitim sa pamamaga
Pinipilipit ka't inuuga
Pangalan mo'y ipinansisiga
Kaylinaw na hangad kang ihiga
Ng mga ahas mong inaruga!
Duguang Oble! Ganti'y ibuga!
-04/03/2007
(Dumarao)
*just feel
Kaklaruhin ng lalim ng iyong pagmamahal ang mga guni-guning bulong kapag kinukumbulsyon ka na sa sakit.
Para itong tuwalyang binasa sa maligamgam na tubig.
Sisipsipin nito ang hindi imbitadong temperatura ng iyong katawan.
Maging ang mga basang una'y tutuyuin nito.
Hanggang sa ang pagtangis ng puso'y maging katumbas ng niluluray na kalamnan.
Magdudulot ito sa iyo ng pagkalito, sa pagitan ng damdaming alam ang nararapat para sa kanya at sa damdaming kaht mistulang inililibing ng buhay ay kukuha ng isang basong tubig, panulak sa gamot a iinumin sa tama nitong oras.
Titiisin ang pait dahil trangkaso lang naman.
Ikaw ang nagsimula, kailan ma'y 'di na mamawala
Dahil sayo' y binuo mo ang mundo
Ang ngayon ang bukas, ang pagkadakila
Mula sa isip, hangang sa entablado
Lunan ka maging sa saya at dalita
Pati na sa larawan milyong diwa ang tinuro
Ganyan ka kamakapangyarikan-Wika
Salamin ng kasaysayan, landas ng bukas
Dugong pagkakakilanlan, ang nilikha
Ginto sa lupa, sa tubig ay hiyas
Iyong Pinagyaman silang mga dukha
'Di dahil sa bilang kundi ika' y likas
Pinag-ugnay ang araw at buwan gamit ang pluma
Ganyan ka kamakapangyarikan-Wika.
Wara na san mas mayumhok pa sa imo,
Amo man an pagkalubay mo,
Wara san maka pugong san imo kumo,
Bisan an tanan na pader kag kamino.
Maski an pinaka-matarum na minasbad,
Kakalawangon pag ikaw tinadtad.
Ihulog man an pundo sa arong,
Kaya suludon lalo na kun mag bagrong!
Kun ikaw nakapatay, ikaw man nakabuhay,
Nagaistar an turay, naga inom an garay.
Habu man sa imo kun lubog an kadamuan,
An pabay-an ka nakapalinaw man.
R-umagasa man ang tubig,
A-ng tiwala'y hindi mababawasan;
N-aubos man ang tinatangkilik,
D-iyos pa rin ang
Y-aman.
P-ag-asa't pananampalataya
A-y mananatili pa rin;
A-lukin man ng diyablong kaaway,
L-akas ng Diyos ang nasa damdamin.
I-ka-labingwalo ng Setyembre,
S-a Diyos pa rin ang iyong pag-ibig;
B-umagyo man ay hindi tatalikod,
O-o, rumagasa man ang tubig.
J-ust
O-pen
Y-our
A-pparent
N-ewness
A-s
T-ime
U-ses
B-eacon
I-n
G-low
Topic: Birthday of Joyana Tubig (July 17)
Form: Vertical Monocrostic
Masarap ang berdeng bukong bilog,
Kunin ang matalas na tabak;
Mula sa bungang inihulog,
Huwag uminom ng alak.
Kunin ang matalas na tabak,
Tanggalin ang makapal na buhok;
Huwag uminom ng alak,
Mag-ingat sa hawak na gulok.
Tanggalin ang makapal na buhok,
Tingnan ang lawa ng sabaw;
Mag-ingat sa hawak na gulok,
Inumin ang tubig na malinaw.
Tingnan ang lawa ng sabaw,
Lasapin ang malambot na laman;
Inumin ang tubig na malinaw,
Basain ang uhaw na lalamunan.
Lasapin ang malambot na laman,
Mula sa bungang inihulog,
Basain ang uhaw na lalamunan,
Masarap ang berdeng bukong bilog.
Ilog na hindi natutuyo ang agos,
Pinagtularan sa biyaya ng Diyos;
Malinaw na tubig na dumadausdos,
Bumubukal at hindi nga nauubos.
Huwag wawasakin ang likas na yaman,
Kapalit ng walang habas na minahan;
Kapag nagalit ang nasa kalangitan,
Magdudulot ito ng kapahamakan.
Pagputol ng puno sa bundok at gubat,
Ang mga pagbaha ay ito ang ugat;
Pagguho ng lupa'y huwag ikagulat,
Dahil ang daigdig ay batbat ng lamat.
Dapat nating mahalin ang mga sapa,
Upang makinabang ang matanda't bata;
Magkaisa tayo't huwag magpabaya,
Maging Pilipino ka man o banyaga.
Tagtuyot man ay dumating at kumilos,
Ay hindi ka maliligalig na lubos,
Magandang dako na dapat mong matalos,
Ilog na hindi natutuyo ang agos.
Sub Categories
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.