Tubig
Wara na san mas mayumhok pa sa imo,
Amo man an pagkalubay mo,
Wara san maka pugong san imo kumo,
Bisan an tanan na pader kag kamino.
Maski an pinaka-matarum na minasbad,
Kakalawangon pag ikaw tinadtad.
Ihulog man an pundo sa arong,
Kaya suludon lalo na kun mag bagrong!
Kun ikaw nakapatay, ikaw man nakabuhay,
Nagaistar an turay, naga inom an garay.
Habu man sa imo kun lubog an kadamuan,
An pabay-an ka nakapalinaw man.
Copyright © Roger A Pautan Jr | Year Posted 2021
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem.
Please
Login
to post a comment