This is where the road forks,
our path long since ended.
I’m stuck in place,
caught up in the idea of moving forward.
Constantly muling over retracing my steps,
in hopes of joining you once more.
And I’m torn between wanting to wait for you,
and choosing a new path of travel.
Categories:
muling, 10th grade, break up,
Form: Free verse
Sa kailaliman ng gabi ang diwa ay muling naliligalig
Sa twina'y nabubusog ang kalooban ng mga di maurirat na sapantaha
Mga tinig na nagmumutawing, "wala kang kalakasan, wala kang puwang"
Makulimlim na mga salita na nagpapabalisa
Kakambal wari mula nang ako ay magkahininga
Hindi ko maipagkukubli marupok kong damdamin
Tindig ko man ay hindi kababakasan ng lakas ng loob
Paano ako titingnan ng dako't paroon
Kahit kakampi ko man ang panalangin
Kung kaniig naman mga palad sa mukha
Habang sa isip laging umuukilkil mga imahe ng kapintasan
Dalisay kung pumapatay sa sariling katinuan
Sadyang kay hirap maigupo habang nabubuhay
Kung batid mong sarili man ay kaaway.
Categories:
muling, conflict, deep, emotions, identity,
Form: Free verse
Sa kanilang mga anino,
Kami’y kanilang itinago
Lagi kami ang sinusuyo
Na manatili lang sarado
Na dating walang pumapanig
Noong kami ay nalulupig
Ngunit ngayon, kami’y titindig
At sana’y kami ay marinig
At bakit naman kami matitinag?
Dahil ba kami ay babae lamang?
At bakit kami pa ang maduduwag,
Sa lupaing kami rin ang nag-silang?
Kailan pa nagging sukatan
Ang aming mga kasarian?
At ang taglay na kakayahan
Na ipagtanggol ang lipunan
Mag-dadamit, mag-hahayag ng malaya
May lakas ng loob at di nahihiya
Dahil di na nila kami madadaya
Sa pag-laban namin ng aming hustisya
Tatayo kami at titingala
Sa pag-tibay ng paniniwala
Ika’y babaeng dinadakila,
Na di na muling maalila.
PM, 2022
Categories:
muling, celebration, courage, woman, women,
Form: Other
Kaluluwa ko’y muling sinasariwa
Ang nangagngulatding-talulot ng tuwa
Na bibihira na lamang nadadalaw’t
Nadidiligan nitong abang gunita.
Dito ngayon sa ‘king pagbabalik-sulyap
Sa kahapong tila ‘di malip’rang-uwak;
Kaluluwa ko ay nasubsob sa dawag
Ng damuhan ng gun’tang nasawimpalad.
Dito ay aking pamuling namamalas
Ang mapanglaw’ng kagalakan ng lumipas.
‘tong galing buhat sa nasawing pagkasi
At pagtatangi sa isang binibini.
Saka mga mata ko ngayo’y uma’mbon
Ng luhang dito pala’y nagkukulong.
O ‘yong alaala nasawing pag-ibig…
Kinakamandag parin aking isip.
Categories:
muling, love, love hurts,
Form: I do not know?
Narito na naman ako sa isang tabi
Nalilito bawat araw at gabi,
Naguguluhan sa kung anong mararamdaman
Sa bagong pag-ibig na aking natagpuan.
Sinisigaw ng isip na ‘wag nang sumugal
Sapagkat ito ay hindi rin magtatagal,
Pigilan ang damdamin kung kinakailangan
Upang sa huli’y hindi ka masasaktan.
Araw-awar na lang ikaw ang laman nitong puso
Dati rati naman mundo nati’y di magkasuyo,
Paulit-ulit na lang bawat tao ikaw’y nakikita
Dati rati naman hindi tayo magkakakilala.
Ngunit hiyaw ng puso mo ay mahalin siya
‘pagkat mundo mo’y mabubuo tuwing siya’y kasama,
Liliwanag at kikislap ang madilim mong daan
Kung pag-ibig niya ang pipiliin mong madama.
Kaya hiling ko na lang sana ay makalimutan ka
Nang pusong hangal ay hindi na magdurusa,
Sapagkat pag-ibig sayo’y wala nang pag-asa
Nang malaman na may mahal ka na pa lang iba.
Categories:
muling, best friend, for him,
Form: Free verse
Sa muling pagpikit ng mga mata,
Dagling magbubukas ang panaginip,
Saglit akong mawawala,
Tungo sa kalawakan ng aking isip.
Tayo'y muling magtatagpo,
Sa gitna ng pagkakaidlip,
Sana'y di na magkalayo,
Pinipilit ko, pero isa ka lang kathang-isip.
Doon kung saan ikaw ay parang tunay,
Doon kung saan hawak ang iyong kamay,
Sana naman sa totoong buhay,
Makatagpo nang isang tulad mo.
Hilumin mo na ang sakit ng pag-iisa,
Buhay ko, bigyan mo na ng saya,
Marahil ngayon, isang ilusyon,
Balang araw mayroong tutugon.
Hanggang sa muling paglalakbay,
Makaharap ka na nang tunay...
Categories:
muling, dream, love, teen,
Form: Light Verse