Short Nais Poems

Kung sakaling nalulumbay
Subukan mo na mahimlay,
Mahimbing at  managinip
Nang  mamatay abang isip.

Kung minsan namang masaya
At nais ‘wag nang matawa.
Ipikit ‘yong mga mata
Sa panaginip maluha.

At kung may pag-aalala,
Subukan mo ring mahiga
At maidlip sa ‘yong kama
Nang pangamba’y ‘ibsang kusa.

Iwan ‘tong mundong uma’pi,
Lim’tin tanang pagsisisi,
Poot ay sabay’ng iwaksi,
Ang managinip ay libre....

Read More

Nais ko nang mamatay
Matagal kong hinintay;
Tumabi sa'yo itay.
Putulin na ang buhay
Sa mundong walang saysay
Wala mang kaagapay,
Pantunaw lang ng atay.
Suko na Sa'yong kamay;
Ang walang kwentang bagay....
Puro sakin inilagay.
 Bandera'y winagayway
Sa darating kong lamay
Iyak niyong malumanay,
Sa tahanang napilay.
 Ngiti na walang kulay
Gabi na walang gabay
Concencia na nahalay...
Walang kamalay-malay...
Hindi na makasabay...
Wala nang pantay-pantay...
 Nais ko nang mamatay...

Read More