raah-e-amn mein akshar khaaiyaan banaate hain
pyaar karne waalon mein dooriyaan banaate hain
aao ham gale milkar maat den siyaasat ko
jo bhi faasle apne darmiyaan banaate hain
zaalimon bhala kaise tum hamein ujaadoge
ham to vo hain jo dil mein bastiyaan banaate hain
haq bayaan karne se ham kabhi nahin darte
gaur se ye sun len jo bediyaan banaate hain
pur-sukoon hote hain khoo se tar-b-tar karke
hamko qatl kar ke vo surkhiyaan banaate hain
unko ye khabar kar do sach ka paasbaan hai rab
jo charaagh kii khaatir aandhiyaan banaate hain
door rahte dekha hai ilm unke bachchon se
muddaton se walid jo takhtiyan banaate hain
fazl-e-rab se hi unka raasta nahin rukta
doosron kii khaatir jo seedhiyaan banaate hain
BeAdab gustakh jab aulad ho jaye
Chain sukh maa'n baap ka barbaad ho jaye
Cheen le budbakht jo walid ka sarmaya
Jeete jee kion baap na barbad ho jae
Aasteen ka saamp that beta nhi the woh
Maut ae usko woh barbad ho jae
Baap kee jo he raza Allah kee bhi he
Aashna is qaul se aulad ho jae
Maa'n ke hee pairoan talay jannat ko kar talash
Rah se bhatka jo too barbaad ho jae
Beta boorhay baap ka baazu he kehlata
Beta ye na samjhay toh barbaad ho jae
Nek o taabaydar ho aulad to wallah
Walideen ka dil khushi se shaad ho jae
Kia karein woh waladeen jab nakhalaf beta
Mayel e jaur o situm eejaad ho jae
Qibla o Ka'aba kuch kumtar nhi maa'n baap
Kaash hurmat aashna aulaad ho jae
Deen o dunya chin gaee naKhalf betay se
Baap per jo mayel e bedaad ho jae
Tu ne mera dil dukhaya to he mere lal
Hashr tak tu unsuni faryaad ho jae
Kion na ho jae pidar phir zinda dar-goar
Jab pisar badbakht hee sayyad ho jae
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.