830.
Paghingyo kay Dr. Alfon
Oh Dr. Alfon nga palangga
Sa CapSU System Tagdumala
Ako sa imo nagahingyo
Nga sa CapSU pabalikon ako
Sang yara ako diri sang una
Ginkay-o ko man ya akon pag-ubra
Bisan Underemployed ako
Ako masaligan niyo nga maestro
Sa pagtudlo may lisensiya
UP Graduate sa Tertiarya
Ang Masteral ko puro “Uno”
Yara tanan sa Transcript ko
Ako indi lamang pang-eskwela
Pwede man ako sa opisina
May Experience ako
Sa pribado kag publiko
Sa Munsipyo kag Kapitolyo nakaubra
Sa AO works may eksperiensiya
Ako indi lamang pang-maestro
Pwede man ako mangin AO
Kon hatagan mo ako sang tiyansa
Ini para guihapon sa inyo.
-10/30/2022
(Dumarao)
*My CapSU Comeback
829.
Paghingyo kay Ma'am Penson
Oh Dr. Penson nga palangga
Sa CapSU-Dumarao Tagdumala
Ako sa imo nagahingyo
Nga sa CapSU pabalikon ako
Sang yara ako diri sang una
Sa History Quiz Bee kampeon kita
Kabay pa ini madumduman mo
“Vision” sg aton Campus natuman ko
Sang sa TED ako Sekretarya
Nahimo naton ang “Ang Bunga”
Sang sa Crim ginbutang ako
Nagdamo ang enrollees didto
Ang Agri, VetMed kag ComEd ara
Sa Salingsing sang ako nagdumala
Indi lang TED kag Crim ang ara didto
Yara tanan nga departamento
Ari pa sa akon ang mga ebidensiya
Sg akon pagpalangga sa iya
Ako indi lamang pang-maestro
Pwede man ako mangin AO
Kon hatagan mo ako sang tiyansa
Ini para guihapon sa inyo.
-10/29/2022
(Dumarao)
*My CapSU Comeback
501.
Akon ang Boto Mo
Juan! Juan! Sa diin na ang palangga ko nga Juan?
May dapat vlah ikaw mahibaluan
Ako sa imo may kinahanglan
Simple malang ang akon ginapangayo
Nga ako ang pagapilion mo
Pila ang gusto mo nga ihatag ko?
Sige don…indi timo maghinulsol kaja ah
Para man ja sa imo ikaayo kg ikasadya
Di vlah gusto mo nga mag-umwad ka?
Indi ka? Sige guys, kamo na bahala sa iya
Himua ang tanan para siya akon makuha
Ang dungog, pag-apin kg boto niya
Hahahah! Juan! Juan… Akon ang boto mo!
-sometime in 02/2016
(Dumarao)
*for Lit. Day 2016
384.
Despedida Kay Hangaway
Oh akon isahanon nga Handsome Hangaway
Pamatii ang akon simple nga binalaybay
Para sa imo bag-o kita mag-say “goodbye”
Imo guid nga tandaan bisan diin ikaw makadto
Isa lang guid ang akon pangabay sa imo
Bisan ano pa ang magkalatabo, pakabuot ikaw nga tawo
Kay kon bangud sa itsura ang tawo mailaan
Bangud sa batasan ang tawo maakigan
Gani ang imo nga pagkatao imo guid nga halungan!
-10/14/2015
(Dumarao)
*for Charming Knight before he leaves for Manila
375.
Pag-ampo kay Lola Edith
Sang kami nagkari diri sa Dumarao
Wala nimo ginpabatyag nga kami pangayaw
Ang imo pagtatap gani pa nga naglabaw
Sang ako pa lamang naga-eskwela
Imo ako ginpabalunan sg kwarta
Sa imo pensiyon ako may tigana
Pero sa imo ako wala guid nakabalos
Ang imo pagpalangga nangin wala'y pulos
Oh Lola Edith, patawara ako sing lubos!
-08/08/2015
(Dumarao)
*Birthday of Lola Edith
374.
Pagdayaw kay Nuestra Señora Delas Nieves
Sang si Juan nga taga-Esquilino
Sg tanda sa Imo nagpangayo
Ikaw naghatag sg makatilingala nga milagro
Sg niebe ang bukid Imo ginlikupan
Bisan sa tag-ilinit nga kapanahunan
Ginhulma sa dagway sg isa ka simbahan
Sa ining hitabo nga maragtason
Ginpamatud-an nimo nga Ikaw bilidhon
Ikaw matuod ang Reyna sg Tanan nga Panahon!
-08/05/2015
(Dumarao)
*Town Fiesta of Dumarao…from the request of Ma'am Frenalyn Beladas, our choir leader
270.
Ikaw Sa Guihapon!
70 anyos ka don gakabuhi
Sugod sang mabun-ag diri tubtob nagradwar sa UP
Halin sang magkapamilya asta sa pulitika ginpili
43 ka tuig ka don nga pulitiko
Nagserbisyo sg mayo kg wala eskandalo
Ang ngalan malimpyo kg palangga sg tawo
32 anyos don ang buluthuan nga imo ginpatindog
Ang CapSU-Dumarao nga padayon nagapanikasog
Madamo na ka beses nga ginbagyo kg ginlinog
20 ka gobernador na sang ikaw magpungko
Ugaling ikaw guid ang may nabuligan sg damo
Gani para sa akon ikaw ang “Kampeon sg mga Capizeño”
13 ka president don ang imo naagyan
Sugod sa ti-on sg ikaduha nga digmaan
Asta sa ti-on sg tadlong nga dalan
2 na ang binalaybay nga halad ko sa imo
Kay ikaw indi guid madula sa akon painu-ino
Gob. Tanco, ikaw sa guihapon ang akon idolo!
1 duman ini ka maragtason nga ti-on
Kay ang Amay sg CapSU-Dumarao ara sa guihapon
Nagbuylog kg nagtambong sa amon pagtililipon!
-10/14-15/2014
(Dumarao)
*for Gob. Tanco's 70th Birthday
268.
Pag-ampo sa Espiritu Santo
Oh Makagagahom nga Espiritu Santo
Kabuhi sg tanan nga maayong tawo
Kami naga-ampo sa Imo sang mapainubuson
Nga kami Imo ubayan sa tanan nga ti-on.
-06/08/2014
(Dumarao)
*My Prayer Poems Collection
267.
Pagdangup Kay Maria
Oh Maria nga amon iloy
Dalangpan sg mga makaluluoy
Kami nagadangup sa Imo sg bug-os
Sa ti-on sg amon pag-antos.
-05/31/2014
(Dumarao)
*written this end of Flores De Mayo/Mayflower Offering to Mama Mary
230.
Ikaw don guid!
Isa ini ka ti-on
Ginakabig nga maragtason
Bangud yara ikaw upod namon
Oh halangdon ang imo ngalan
Kay kami sa imo labi sa tanan
Kanami pamati-an, kanami pamatyagan
Sa imo pagtatap ipahamtang
Kon kami yara sa alang-alang
Ikaw isa ka mananabang
Gani imo ipadayon ang edukasyon,
Maayong lawas, agrikultura nga mainuswagon,
Pangabuhian kg pagbuhis nga eksaktuhanon
Gob. Tanco, ikaw don guid! Ikaw don guid…
Ang tampad nga naga-ulikid
Gani salamat guid! Salamat guid!
Lantawa kay naghugpong ang bilog nimo nga banwa
Agud ipakita sa bug-os naton nga probinsya
Nga kami naga-apin guid sa imo kg sa iya
Matuod nga malipayon man ini nga ti-on
Para sa amon tanan nga mga Dumaraonon
Bangud amon kasimanwa ang subong gobernador namon!
-10/13-14/2013
(Dumarao)
*for Gob. Tanco's 69th Birthday
210.
Mahisaon!
Ang tawo nga mahisaon
Bisan ano hambalon
Agud ang iban ikaw libakon…
Mahisaon! Mahisaon! Dapat ka nga buyayawon!
Ang tawo nga mahisaon
Tanan iya papatihon
Agud maguwa ikaw nga tikalon…
Mahisaon! Mahisaon! Dapat ka nga sumpaon!
Ang tawo nga mahisaon
Bisan ano himuon
Agud sa iban ikaw samaron…
Mahisaon! Mahisaon! Dapat ka nga tapungulon!
Ang tawo nga mahisaon
Tanan sa imo gusto dulaon
Agud malipay siya dayon…
Mahisaon! Mahisaon! Dapat ka nga waskon!
-06/09/2013
(Dumarao)
*My Stormy Morning Poems Collection
190.
Salamat Gob
Sa pihak sg mga kabudlayan, salamat sa guihapon
Kay imo ako takus nga ginbaton
Ang kis-a nangin urugtasan nga uripon
Patawara ako kon wala nagbalikid
Kon ang akon prinsipyo nagtakilid
Sa pihak sg imo tawhanon nga pag-ulikid
Gob, ang akon reputasyon hinali natiphag
Sang ako sa inyo nagluib kg nagbulag
Tani sa liwat ako hatagan ninyo sg paglaum kg kasanag.
-08/21/2012
*My Twilight Poems Collection
longing is an ab imo pectore link between distant kindred souls...
playing out from the back
a slow sideways
- defensive form of attack
with such a premium on possession
-back&across
soccer with such goals
-loses its gloss
for fear of defeat
- brings negativity
boredom & much wasted opportunity
Wara na san mas mayumhok pa sa imo,
Amo man an pagkalubay mo,
Wara san maka pugong san imo kumo,
Bisan an tanan na pader kag kamino.
Maski an pinaka-matarum na minasbad,
Kakalawangon pag ikaw tinadtad.
Ihulog man an pundo sa arong,
Kaya suludon lalo na kun mag bagrong!
Kun ikaw nakapatay, ikaw man nakabuhay,
Nagaistar an turay, naga inom an garay.
Habu man sa imo kun lubog an kadamuan,
An pabay-an ka nakapalinaw man.
Sub Categories
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.