Best Wakas Poems
Salamat po, Ka Eduardo,
Sa inyo pong pagmamahal;
Inaakay n’yo ang tao
Patungo sa bayang banal.
Kahit mapagod, mapuyat
Ay hindi n’yo alintana;
Ang mahalaga'y matupad
Ang tungkulin n’yo sa Ama.
Ang Iglesia’y tinitipon
Sa lahat halos ng dako;
Panganib ay sinusuong,
Iniikot itong mundo.
Dama ng mga pinili
Ang inyo pong pagsasakit;
Kami‘y hindi masasawi,
Kaligtasa’y makakamit.
Walang iba pang hangarin
Kundi para sa Iglesia;
Nagtagumpay ang mithiin
Sa inyo pong pangunguna.
Sa inyong pangangasiwa,
Puso po ang nangungusap;
Kami ay di nagsasawa,
Pagsamba ay laging hanap.
Pasasakop kaming lubos
Sa Lider Pangkalahatan;
Kami na mga tinubos,
Pagsunod ay di iiwan.
Tutuparin ang tungkulin,
Totoo hanggang sa wakas;
Tatapusin ang takbuhin,
Pag-asa namin ay wagas.
Kayo po ay aming mahal,
Habang kami’y may hininga;
Ang inyo pong pangangaral
Sa amin ay mahalaga.
Dalangin namin sa Diyos,
Patnubayan kayong lagi;
Sa biyaya ay mapuspos,
Kalusuga’y manatili.
Ang Diyos ay pinupuri,
Kami’y Iglesia Ni Cristo;
At nagagalak po kami,
Salamat po, Ka Eduardo.
K-aramay sa lahat ng oras,
A-liw sa panahon ng lungkot;
I-sang mapagkakatiwalaan,
B-anayad sa salita at kilos.
I-law sa dakong madilim,
G-abay sa naligaw ng landas;
A-alalay kapag ikaw ay nabuwal,
N-amamalaging tapat hanggang wakas.
I. Ang Simula ng Simula
"Pintor, Manlililok, Anluwage't Arkitekto,
Retradista, Manunulat, isang Panadero.
Planado ang ngayon, bukas, maging ang kahapon.
Kahit ano paman, ika'y aming Panginoon."
II. Ang Paglikha
"Sa'yong salita, kanyamaso'y binigyang buhay,
Ginuhit ang layon, pinta'y ibat-ibang kulay.
Brotsang kay dakila, mas masilaw pa sa araw,
Gabi'y ipininta ng kumikimtab, umiilaw."
III. Mga Pinagmulan
"Hindi sa bato't kahoy, kundi dahil sa luwad,
Sa alikabok, hinulma't Sa'yo itinulad.
Paghinga't kaluluwa ibinigay kay Adan,
Tadyang nama'y kay Eva ito ang pinagmulan."
IV. Pag-ikot ng Kasalanan
"Nagsimula ang kasalanan, ang karahasan,
Nang mamulat sa kabutihan at kamalian.
Metro't iskwala, sukat parin ang kalayaan,
Mundo'y napako sa pag-ikot ng kasalanan."
V. Batong-panulok
"Tunay, matibay, kongkreto ‘yan ang Pag-ibig Mo.
Pinaghalong ga-buhanging himala ang mundo,
Pati kaming mga batong bubuo sa templo.
Ikaw ang pundasyon, ang proteksyon sa dilubyo."
VI. Ang Pagkakita
"Ang buong diwa ay ang pananampalataya;
Ang makakita't maniwala'y mamamanata.
Animo'y sa retrato, wala ngunit gunita.
Tanaw sa lente ng Iyong puso at haraya."
VII. Nag Markang Awa
"Ang dugo ang siyang nagsulat at siya ring nagbura;
Naglimbag ng awa at natanggal sa'ming sala.
Dahilan ng kabanata't ang unang salita.
Ang Simula, ang bukas, ang Magandang Balita."
VIII. Ang Tinapay ng Buhay
"Ang tinapay ng buhay, sa’ming mga nilalang;
Ang minasang aral, pag-asa lalo sa ilang.
Kahit na walang lebadura ang sanlibutan,
Aalsa ang pananalig, lakas makakamtan."
IX. Lahat ay may Dahilan
"Kung ang ngayon man ay sinubok ang katapangan,
Pagkakasala, siya ring aming pananagutan.
Dahil ang masining Mong balangkas ay patunay,
Lahat may dahilan, pagkat ikaw ang naghanay."
Wakas...
Walang napapala,
ang titik sa tugma.
Pilitin mang kumawala,
babalik pa rin sa rehas
at kulungang walang tanikala.
Hayaang magdusa
ng walang parusa:
Gumala ng gumala
sa pagitan ng luha at lupa!
At kung sa wakas man magmula,
‘wag papagtagpuin ang dulo
at kabila:
pabayaang maging tama
ang tama!
Hahayaan kong marinig mo, ang bawat pag kabog at paghagulgol nitong nasa loob ko.
Simula, mula simula ako ay tulala habang nag-iisip kung ano ang isusulat na tula.
Wakas, hanggang saw akas bakas parin ang nilagyang gapas
Noong ang loob ay nagdarasal na kumalas patungo sa bagong bukas.
Ngayon, pilit paring ginagamot ang pilat na sa akin ay iginapos.
Ngayon ako ay aahon at sasabihing gutom… ako po ay gutom kaya tulala.
Gutom hindi sa pagkain kung hindi sa salita.
Nauubusan na po ako ng mga salita.
Mga salitang makapag papaimbulog sa mga damdaming nais kumalas
at nais gumuhit sa kapirasong papel upang mailabas ang nararamdaman.
Katulad ng lawin-lawinan ang buhay,
Minsa'y sa itaas, minsa'y sa ibaba,
Nagiging masaya kapag nagtagumpay,
Nalulungkot sa panahon ng sakuna,
Mahalagang ang Diyos ang gumagabay,
Anumang sitwasyon ay di alintana,
Dahil laging tinuturuan ng aral
Mula sa Panginoon at Amang Banal.
Ang buhay, lawin-lawinan ang katulad,
Sa pagtaas ay humawak nang mahigpit,
Sa tuntunin ng Diyos dapat lumakad,
Manalangin sa Ama kung nagigipit,
Ang nagpapakababa'y siyang mapalad,
Sa Dakilang Lumikha siya'y malapit,
Ang pagkabigo ay isa sa pagsubok,
Sa pag-asa ay huwag maging marupok.
Huwag magtataka kung hindi pareho
Ang bawat isang nilalang sa daigdig,
Ang Diyos ang nagmamaneho sa tao
Na kung nais ng Diyos ay kinakabig,
Nababago rin ang pag-ikot ng mundo,
Ngunit ang wakas ay hindi na lalawig,
Sa Diyos kumapit kung nahihirapan,
Ang buhay ay tulad ng lawin-lawinan.
Ikwintas mo sa iyong leeg ang tali,
Itanim mo rin ito sa iyong puso,
Panghawakan mo sa lahat ng sandali,
Huwag mong bitawan nang dahil sa tukso,
Ito ang sa iyo ay magkakandili,
Kahit ano pa ang mangyari sa mundo,
Ibuhay mo nga ang salita ng Diyos,
Sundin ito nang buong ingat at lubos.
Sa iyong leeg ang tali ay ikwintas,
Laging magpasakop sa Pamamahala,
Huwag kang lalabag sa utos at batas,
Huwag itong ipagwawalang-bahala,
Upang sa araw ng wakas ay maligtas,
At matiyak ang biyaya't gantimpala,
Ang matulis ay huwag ngang sisikaran,
Sayang ang tiniis kapag kinalagan.
Manatiling tapat sa mga tuntunin,
Huwag kang titigil sa mga pagtupad,
Sa Amang banal ay maging masunurin,
Ang nasa pagsamba'y tiyak na mapalad,
Landas ng masama ay huwag tahakin,
Upang putong ng katwiran ay igawad,
Sa 'yong pag-ibig ay huwag manlalamig,
Ikwintas mo ang tali sa iyong leeg.
A-ng aguhon ng daang tama
N-a mahalaga upang di maligaw;
G-awin ang pagtahak doon, lahat sila, ako man, at ikaw.
A-ng aguhon ng daang tama,
G-amit na totoong kailangan;
U-tos ng Diyos ang katulad,
H-alina't sundin tungo sa kaligtasan.
O-ras na upang alamin, dakong itinuturo ng aguhon;
N-aroon ang gantimpala, pagdating ng akmang panahon.
N-ais ihayag ng aguhon, ang tunay at matuwid na landas;
G-anap na pagtalima sa Diyos, hanggang sa araw ng wakas.
D-ireksyong senyas ng aguhon
A-y hindi maitatanggi;
A-raw man maglakbay,
N-ariyan ang gabay kahit sa
G-abi.
T-aluntunin at ingatan
A-ng mga aral sa Biblia;
M-ahalin at panghawakan
A-ng aguhon ng daang tama.
Ang pag-ibig na wagas
ay walang pagdududa;
alinlanga’y di bakas
sa gabi ma’t umaga.
Sa gitna ng delubyo
ay totoong matibay;
tapat hanggang sa dulo,
hindi humihiwalay.
Sa lahat ng sandali
ay malinis ang hangad;
hindi mapagkunwari,
at lalong hindi huwad.
Sa lahat ng gawain
ay may basbas ng Diyos;
kahit may suliranin,
pagmamahal ay taos.
Mas higit kaysa ginto
sapagkat walang wakas;
kayamanan ng puso
ang pag-ibig na wagas.
Ang bukas ay walang hanggan,
Hinihintay ng sinuman;
Makita ang kagandahan,
Pangarap ng karamihan.
Ang bukas ay dumarating,
Sa pagtulog at paggising;
Ngunit ngayon ang kapiling,
Sa kahapon bumabaling.
Ang bukas ay mangyayari,
Di mapigil ng buhawi;
Kahit bundok na malaki
Ay hindi nga magwawagi.
Ganyan katindi ang bukas,
Kapag nangako ay wagas;
Ang buhay ay walang wakas,
Siya'y totoong malakas.
Ating pag-asa'y dagdagan,
Sa tiwala'y h'wag panawan;
Problema'y ating ngitian,
Ang bukas ay walang hanggan
320.
Huling Araw ni Papa Francisco sa Pilipinas
Enero Diez y Nueve, Dos mil Kinse
Tulad ng pagdating, pag-alis naging simple
Subalit tulad ng unang araw
Mga nag-antabay sa daan nag-umapaw
‘Di parin natinag ang hiyawan
Ng mga taong sumalubong sa lansangan
Tulad ng pagdatal, panahon ay maganda
Napakaganda ng araw sa umaga
Paglipas ng mga araw na inulan
Bumalik din sa maaraw na pinagmulan
Mula umpisa hanggang sa wakas
Lulan parin ng Pope Mobile na bukas
Sa Villamor meron paring sayawan
Tulad ng unang paglapag sa bayan
Salamat sa wakas maayos na nakabalik
Ang Supremo ng Simbahan na sa bansa humalik.
-01/20/2015
(Dumarao)
*Pope Francis Fever Collection
146.
Daragus 5
-Ikalawang Pagsubok sa Magiging Prinsipe-
29 Ang ikalawang pagsubok ay pabilisan
Ng paglangoy mula dalampasigan
30 Ang mga lalaki na walo
Kailangang makuha ang bandilang ginto
31 Na nakatayo ng mga metrong labindalawa
Mula sa buhanging kinatatayuan nila
32 Mga banderang sa tubig nakalitaw
Na parang sa bangka'y mga paraw
33 Nakatusok ang patpat sa buhangin
Na mga paa'y aabot rin
34 Pangatlo si Agus na nakakuha
Malapit na sa dalampasigan ang una
35 Subalit kanyang ibinuhos lahat ng lakas
Naging pinakamabilis at nauna si Agus sa wakas.
-06/24/2012
*Gintong Lupa Series
Siboloria 8
-Unang Pagsubok-
50 Anim na araw bago ang kasalan
Muling nagkita ang magkasintahan
51 Kasama nila ang Diwata ng Lupa
Sa pook na itinalaga
52 Unang pagsubok sa prinsipe
Tanggalin lahat ng mga kabute
53 Kanya itong kinayang mag-isa
Gamit ang matalim na espada
54 Mula umaga hanggang hapon
Oras at lakas niya'y itinuon
55 Habang si Loria'y tagapagpunas-pawis
At tagapagpa-inom sa prinsipeng pagod na labis
56 Sa wakas paglubog ng araw
Naubos lahat ‘di man nagpugnaw.
-06/18/2012
*Gintong Lupa Series
794.
Ang Alamat ng Bunggaitan
Bakit at paano nga ba
Na ang tawag sa
Kanilang inalagaan
Noong 2010 ay “Bunggaitan”?
Gayong ang salitang ito
Ay nagsimula lamang mauso
Noong 2011 sa isang programa
Na kung tawagin ay “Amaya”
Isang binukot na mahiwaga
Naging guro rin siya
Nagturo rin sa mga bata
Gaya ng Adviser ng “Ang Bunga”
Ito ang tawag nila
Sa babasahin kong nilikha
Tinawag nga rin itong muta
Ng isa sa ating tagapangalaga
Kakulay nga ng dilaw na dumi sa MATA
Ang logo nitong hinog na mangga
Na sa simula palang ay nais nang pitasin
Dahil sa laylayan lamang ito nakabitin
Itong Bunga ng Bunggaitan
Sa wakas ay natikman
Ilang buwan sa pagsisimula
Na mapanood si Amaya
Na kinamuhian din ng mga
Nakatataas sa kanya
Ani Aristotle: “Sa Ed, ang Bunga matamis
Samntalang ang mga ugat ay nakakainis.”
-07/25/2020
(Dumarao)
*Alamat ng Kanilang mga Expressions
790.
Ang Pagpako at Kamatayan sa Krus ni Hesukristo
at Ang Paglisan at Katapusan sa CapSU ni El Gordo
At isinalansan na si Hesukristo
Sa Krus upang dito ipako
Oras na! Oras na! Isinalansan na!
Nakapako na Siya!
Sila ang mga Romano
May hawak sa Imperyo
At sa Krus kung saan ipinako
Nagwakas ang sakripisyo
At isinaayos si El Gordo
Sa CapSU upang paalisin dito
Oras na! Oras na!
Nakaalis na siya!
Sila ang mga LPardo
May hawak sa Paaralang Tanco
At sa CapSU kung saan nagturo
Nagtapos ang serbisyo
Ang wakas sa CapSU ni El Gordo
Ay isa bang karma sa tumakbong Pangulo?
Oras na rin ba ng katapusan
Ng 6 na Taong Tuwad na Daan?
-4/10/2020
(Dumarao… Good Friday)
*Unique Holy Week