Bernardo F. Asuncion Poet Quatrain

Ang Pag-Ibig Na Wagas

Ang pag-ibig na wagas
ay walang pagdududa;
alinlanga’y di bakas
sa gabi ma’t umaga.

Sa gitna ng delubyo
ay totoong matibay;
tapat hanggang sa dulo,
hindi humihiwalay.

Sa lahat ng sandali
ay malinis ang hangad;
hindi mapagkunwari,
at lalong hindi huwad.

Sa lahat ng gawain
ay may basbas ng Diyos;
kahit may suliranin,
pagmamahal ay taos.

Mas higit kaysa ginto
sapagkat walang wakas;
kayamanan ng puso
ang pag-ibig na wagas.

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment