856.
Salamat, Liberal
(1) Ako ay tutula nang maikling-maikli
Para sa 78th Birthday ng Liberal Party
(2) Isang tula ng pasasalamat
Para sa inyong lahat
(3) Salamat dahil noong si PNoy ang Pangulo
Ako ay ginawa niyong isang guro
(4) Sa Capiz State University
Kung saan 2010-2016 ako nanatili
(5) Salamat dahil may papel akong ginampanan
Dito sa Dumarao na aming bayan
(6) Kahit kayong mga Liberal ay aking kinontra
Ako'y binuhay at tinulungan pa
(7) Kaya bilang munting ganti sa inyong kabutihan
Proverbs 16:17 sa inyo ay aking iiwan.
-01/19/2024
(Dumarao… my gift for the
78th Birthday of Liberal Party
of the Philippines)
791.
Si Hesukristo at si El Gordo
Sa Kanlungan ng Kamatayan
Pinapatay si Hesukristo
Ng mga kababayang Hudyo
Pinahatulan sa Imperyong Romano
Kamatayang tutubos sa buong mundo
Oh Kamatayan ni Hesukristo
Iligtas mo ang buong mundo
Ipakita Mo sa mga tao
Ang muling pagkabuhay Mo
Pinalaglag si EL Gordo
Ng mga kahalubilong Yellow
Pinatalsik sa Paaralang Maka-RoRo
Katapusang mumulat sa LPardo
Oh katapusan ni EL Gordo
Gisingin mo ang LPardo
Ipamulat mo sa mga Yellow
Ang muling pagbangon mo!
Sa Kanlungan ng Kamatayan inihihimlay ang tao
Upang maaninag ang kadiliman nito
Kadilimang mghahatid sa panibagong mundo
Kung saan ang liwanag ay sumasaiyo.
-04/11/2020
(Dumarao… Black Saturday)
*Unique Holy Week
790.
Ang Pagpako at Kamatayan sa Krus ni Hesukristo
at Ang Paglisan at Katapusan sa CapSU ni El Gordo
At isinalansan na si Hesukristo
Sa Krus upang dito ipako
Oras na! Oras na! Isinalansan na!
Nakapako na Siya!
Sila ang mga Romano
May hawak sa Imperyo
At sa Krus kung saan ipinako
Nagwakas ang sakripisyo
At isinaayos si El Gordo
Sa CapSU upang paalisin dito
Oras na! Oras na!
Nakaalis na siya!
Sila ang mga LPardo
May hawak sa Paaralang Tanco
At sa CapSU kung saan nagturo
Nagtapos ang serbisyo
Ang wakas sa CapSU ni El Gordo
Ay isa bang karma sa tumakbong Pangulo?
Oras na rin ba ng katapusan
Ng 6 na Taong Tuwad na Daan?
-4/10/2020
(Dumarao… Good Friday)
*Unique Holy Week
784.
Ang Bulag sa Siloa
at Ang Mga Magsasaka sa Mendiola
At dumaan si Hesukristo sa Siloa
Kung saan isang bulag Kanyang nakita
Siya mismo ang lumapit sa bulag na kawawa
Upang hilumin ang kapansanan ng dukha
Ang nilapitan ay di-nakakakita
Kusang hinilom pgkabulag niya
Ito ay gaya ba…
Ng nilapitang seniora?
Ang nilapitang seniora
At ang lumapit na mga magsasaka
Ito ay gaya ba…
Ng lumapit at nilapitan sa Siloa?
13 pinatay na mga magsasaka
74 sugatan sa mga nasabing nagwelga
Daan sa kanila karahasan ang napala
Ito ba ang nakikita ng bulag na hustisya?
-04/04/2020
(Dumarao… based on 3/22/2020 Gospel)
*Ides of March
783.
Ang Tubig ng Babae sa Samaria
at Ang Luha ng Babae sa Hacienda Luisita
At napadpad si Hesukristo sa Samaria
Kung saan nakatagpo niya si Photina
Humingi ng tubig ang Panginoon sa kanya
Na parang ayaw Siyang painumin sa una
Ang humingi ay taga-Judea
Ayaw bigyan Siya tila
Ito ay gaya ba…
Ng mga humingi na magsasaka?
Ang hiningan ay taga-Samaria
Ayaw mamigay yata
Ito ay gaya ba…
Ng mga hiningan na panginoong-maylupa?
Ang humingi at hiningan ay parehong Israelita
Sa isa't isa parehong magkababayan sila
Ito ay gaya ba…
Ng mga pinatay at pumatay sa Hacienda Luisita?
7 patay na mga magsasakang nagprotesta
121 sugatan sa kanila kabilang ang mga bata't matatanda
133 pinagdadakip at ikinulong pa
Ito ba ang tugon sa babaeng lumuha?
-03/15/2020
(Dumarao… based on today's Gospel)
*Ides of March
782.
Ang Liwanag ni Hesukristo
at Ang Dugo ng 44 na Sundalo
At nagtungo sa bundok si Hesukristo
Kung saan Siya ay nagbagong-anyo
Nasaksihan ito ng mga sumunod dito
Na sina Juan, Pedro at Santiago
Ang sinunod ay may premyo
May nakasaksi sa hiwaga nito
Gaya ba ito…
Ng premyo ng Commander-in-Chief na si Aquino?
Ang sumunod ay may premyo
Nasaksihan ang kadakilaan ng pinuno
Gaya ba ito…
Ng premyo ng 44 na sundalong namatay sa Mamasapano?
Ang sinunod at sumunod ay parehong may premyo
Sa isa't isa parehong nakinabang ang mga ito
Gaya ba ito…
Ng premyo nina Noynoy Aquino at 44 na sundalo nito?
5 patay na sibilyang nasangkot sa engkwentro
18 patay sa mga tinugis na Moro
44 patay sa Tropa ng Gobierno
Ito ba ang premyo ng pagsunod sa Gobiernong Aquino?
-03/08/2020
(Dumarao… based on today's Gospel)
*Ides of March
781.
Ang Tukso kay Hesukristo
at Ang Tukso kay Noynoy Aquino
At dumako sa mataas si Hesukristo
Kung saan tinukso Siya ng Demonyo
Na gawing tinapay ang bato
Magpakamatay at sumamba sa Diablo
Tinukso si Hesukristo
Na gawing tinapay ang bato
Gaya ba ito...
Ng paghingi ng mga magsasaka ng kanin kay Aquino?
Tinukso si Hesukristo
Na magpakamatay dahil ililigtas naman daw ito
Gaya ba ito...
Ng pagkamatay ng mga magsasakang nag-alsa sa Cotabato?
Tinukso si Hesukristo
Na sambahin ang demonyo
Gaya ba ito...
Ng ginawa ng mga kay Noynoy Aquino yumuko?
Namatay ay tatlo
Nawawala ay walumpu't walo
Sugatan ay daang katao
Sino ang tumukso sa Gobiernong Aquino?
-03/01/2020
(Dumarao… based on today's Gospel)
*Ides of March
772.
Christmas Gift – Simbolo ng Pasko
Sa bansang ito
Makahulugan ang Pasko
Kayrami nitong simbolo…
Makikita, mapapakinggan
Matitikman, mararamdaman
Oh anong karanasan?
Gaya ng “Christmas Gift” na mararamdaman mo
Saan ka mang sulok ng bansang ito
Isa sa mga “Simbolo ng Pasko”
Kahit butas ang bulsa
May ipangreregalo pa
Sagisag ng aming pagbibigay-galak at tuwa –
Isa lamang ito
Sa mga simbolo
Ng makahulugan naming Pasko!
-12/12/2019
(Dumarao)
*Mga Simbolo ng Pasko
770.
Christmas Winter – Simbolo ng Pasko
Sa bansang ito
Makahulugan ang Pasko
Kayrami nitong simbolo…
Makikita, mapapakinggan
Matitikman, mararamdaman
Oh anong karanasan?
Gaya ng “Christmas Winter” na mararamdaman mo
Saan ka man naroroon sa bansang ito
Isa sa mga “Simbolo ng Pasko”
Kahit walang niebe sa aming bansa
Mga snowflakes at snowman ay makikita
Sagisag ng aming pandaigdigang pakikiisa –
Isa lamang ito
Sa mga simbolo
Ng makahulugan naming Pasko!
-12/10/2019
(Dumarao)
*Mga Simbolo ng Pasko
370.
Dakilang Tagumpay Para sa Dakilang Hangarin
Oh Pinakamakapangyarihang Dios Ama
Tagapaglikha ng tao, langit at lupa
Panginoon ng Silangan, Kanluran, Timog at Hilaga
Kailan Mo po diringgin
Ang sampung taon ko nang panalangin?
Pag-ahon sa karimlan ay akin nga bang sasapitin?
Kayraming tao sa mundo ang sadya Mong pinagpala
Hinandugan ng kapangyarihan at limpak na pera
Subalit kanilang ginamit sa mali at masama!
Ako na itong alam Mo kung saan gagamitin
Negosyong pangtustos sa pagkaparing nais tahakin
Puhunang tutulong sa mga taong may mabuting adhikain
Bakit ipagkakait sa nais pagsilbihan Ka?
Sa may hangaring tumulong sa kapwa at sa bansa?
Dakilang Tagumpay sa Philippine Lotto sa akin po ay itadhana!
-06/27/2015
(Dumarao)
*My Prayer Poems for Ultimate Victory Collection
319.
Ikaapat na Araw ni Papa Francisco sa Pilipinas
Enero Diez y Otso, Dos mil Kinse
Kayrami paring mga sumalubong sa kalye
Unang tinungo Unibersidad ng Santo Tomas
Tuloy parin ang pangaral at pagbasbas
Nakipagkita mga pinuno ng ibang relihiyon
Humingi ng pag-unawa at kapayapaan sa mga nasyon
Nakinig sa hinaing ng mga kabataan
Inalo isang batang babaeng luhaan
Huling tinungo ang Grandstand sa Quirino
Kung saan may pinakamaraming dumalo
Tinig ng koro nakapangingilabot
Mensahe ng Dios abot na abot
Oh anong saya nang tawagin ng Santo Papa
Na dakila ang aming munting bansa
Ngayong kapistahan ni Santo Niño
Kanyang ipinaalaala halaga ng mga bata sa mundo.
-01/19/2015
(Dumarao)
*Pope Francis Fever Collection
191.
Saklolo, San Pedro Calungsod!
Ako po'y katulad niyo na nangaral din lamang
At layong ituwid ang ilang mga hakbang
Ngunit panganib ang siyang umabang
Itinuring na sigalot ng iba
Naging masakit sa kanilang mga mata
Kaya aking mga hakbangin ay sinawata
Inihulog sa dagat na malalim
Kung saan pag-ahon ay marilim
Tuluyang bumulusok pailalim
Maaaring ako'y hindi na makaahon
Tuluyang igugupo upang maturan din ng leksiyon
‘Di narin mahahampas pa ng mga alon
Subalit habang nariyan po kayo
Ako'y nananalig at hihingi ng saklolo
Nawa'y mapakinggan at matulungan po ako!
-10/24/2012
(Dumarao)
*My Twilight Poems Collection
173.
Alabir 5
-Sa Gitna ng Kagubatan-
29 Doon sa may pusod ng kagubatan
Kung saan una silang nagkakilanlan
30 Pumapalagi ang dalawang magsing-irog
Tuwing palubog ang araw na bilog
31 Sapagkat iyon din ang tuktok ng bundok
Kaya kita lahat ng sulok
32 Doon sila palaging nagkukwentuhan
Ng kanya-kanyang mga karanasan
33 Nireregaluhan ng lalaki linggu-linggo
Ang natatanging kasintahan nito
34 Lubos ligaya ang dalaga
Kaya ‘di rin napatitingin pa sa iba
35 Pareho silang unang beses umiibig
Sa sintang lubos na kinakabig.
-07/17/2012
*Gintong Lupa Series
169.
Alabir 1
-Ang Mag-uuling-
1 Ang mag-uuling na si Alyna
Bahid man ng itim, ang kutis sutla
2 Ipinaglihi sa labanos itong binibini
Kaya ang balat ay napakaputi
3 Subalit mukhang hindi bagay
Kung saan siya nakalagay
4 Araw-araw nagsisiga
Ng mga kahoy at sanga
5 Nagbabagang kahoy hinihintay
Na ang apoy ay mamatay
6 Iyon ang tanging kabuhayan
Nitong dalaga ng silangan
7 Tuwing dapit-hapon
Mga uling pinupunpon.
-07/15/2012
*Gintong Lupa Series
161.
Ihipna 5
-Sa Tuktok ng Bundok-
29 Sa pook kung saan sila unang nagkita
Pag-ibig ang nadama sa isa't isa
30 Sa araw na iyon parang ayaw mawalay
Mangyari man ay malulumbay
31 Oh anong saya ang nasa puso
Kagalakan sa damdamin ay puno
32 Nag-uumapaw na kaligayahan
Hindi maipaliwanang ninuman
33 Makikita sa mga mata
Ang taos-pusong pagsinta
34 Nang magkadaupang-palad
Animo'y ayaw nang umigtad
35 Mga hibla ng pagsinta'y saginsin
Ang muli pang magkita'y kanilang hangarin.
-07/09/2012
*Gintong Lupa Series
Sub Categories
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.