Jose Radin Llorca Garduque Poet Rhyme

782 Ang Liwanag ni Hesukristo at Ang Dugo ng 44 na Sundalo

782.
Ang Liwanag ni Hesukristo
at Ang Dugo ng 44 na Sundalo

At nagtungo sa bundok si Hesukristo
Kung saan Siya ay nagbagong-anyo
Nasaksihan ito ng mga sumunod dito
Na sina Juan, Pedro at Santiago

Ang sinunod ay may premyo
May nakasaksi sa hiwaga nito
Gaya ba ito…
Ng premyo ng Commander-in-Chief na si Aquino?

Ang sumunod ay may premyo
Nasaksihan ang kadakilaan ng pinuno
Gaya ba ito…
Ng premyo ng 44 na sundalong namatay sa Mamasapano?

Ang sinunod at sumunod ay parehong may premyo
Sa isa't isa parehong nakinabang ang mga ito
Gaya ba ito…
Ng premyo nina Noynoy Aquino at 44 na sundalo nito?

5 patay na sibilyang nasangkot sa engkwentro
18 patay sa mga tinugis na Moro
44 patay sa Tropa ng Gobierno
Ito ba ang premyo ng pagsunod sa Gobiernong Aquino?

-03/08/2020
(Dumarao… based on today's Gospel)
*Ides of March

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment