|
| |
Tum
Aatish-e-junoon ki chingaari ho, beqaraar dil ka sukoon bhi
Androoni sard ki thandak ho, barf ko pighlaati maum bhi
Shab ki adhoori khwaab ho, sehar ka mukammal sapna bhi
Khayaali ek khooobsurat uljhan ho, suljhi hui haseen jawaab bhi
Dil ke taar se bajti tarannum ho, qalb mein chhupaane ki raaz bhi
Bewaqt khaamoshiyon ki wajah ho, arz ki hui dilkash ghazal bhi
Sannate mein saanson ki goonj ho, bandh darwaze ki dastak bhi
Ankahee lafzon ki zubaan ho, khuli kitaab ki bayaan-e-daastaan bhi
Azaad parindon ki parwaaz ho, insaani bandhishon ki aaghosh bhi
Guzarte raaston ki pechchan ho, faasiley par ek an-chooyi manzil bhi
Copyright ©
Aruna Iyer
|
|