900.
Sa Lahat ng mga Santo at Santa
(1) Oh mga Santo at Santa
Mga hinirang at pinagpala
(2) Dakila sa langit at lupa
Iginagalang at tinitingala
(3) Kayong mga Alagad ng Dios
Kaagapay ng Manunubos
(4) Sa pagtulong sa mga tao
Sa pamamagitan ng mga milagro
(5) Binigyan kayo ng kapangyarihan
Na tulungan ang mga nangangailangan
(6) Mga nangangailangang gaya ko
Na walang pera at trabaho
(7) Ako ay dumudulog sa inyo
Kailangan ko ang inyong saklolo
(8) Walang wala na ako
Kailangan ko ng trabahong ikawalo
(9) Trabahong bubuhay at susustento
Sa akin at sa pamilya ko
(10) Trabahong tatagal ako
Hanggang sa pagtanda ko
(11) Sa lahat ng mga Santo at Santa
Ako sana ay muling magkatrabaho na!
-11/01/2025
(Dumarao)
*All Saints' Day
680.
Hangad Ko Para sa Ating Bansa:
Ika-10 Utos ng Dios Ama
Ang pairalin ang Ika-10 Utos ng Dios Ama
Ay hangad ko para sa ating bansa
Huwag hangarin ang pag-aari na hindi atin
Mga ari-arian ng iba huwag nating hangarin
Huwag hangarin ang mga pag-aari ng iba sa pamamagitan ni Hesukristo
Na hindi naghangad ng pag-aari ng ibang tao
Huwag hangarin ang mga ari-arian na hindi iyo
Kung ayaw mong managot sa may-ari nito
Huwag hangarin ang mga pag-aari ng iba sa pamamagitan ng Espiritu Santo
Na Siyang naghahangad lamang ng kabutihan sa bawat tao
Huwag hangarin ang ari-arian ng iba, labag ito sa Banal na Espirito
Pumarito sa lupa upang ariin tayo
Huwag hangarin ang mga pag-aari ng iba sa pamamagitan ni Inang Maria
Na hindi naghangad ng mga ari-arian na hindi kanya
At siya ring nakuntento sa Panginoon natin
Nawa'y ang bansang Pilipinas kabutihan ang hangarin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
679.
Hangad Ko Para sa Ating Bansa:
Ika-9 na Utos ng Dios Ama
Ang pairalin ang Ika-9 na Utos ng Dios Ama
Ay hangad ko para sa ating bansa
Huwag hangarin ang asawang hindi atin
Asawa ng iba huwag nating hangarin
Huwag hangarin ang asawa ng iba sa pamamagitan ni Hesukristo
Na hindi naghangad ng asawa ng ibang tao
Huwag hangarin ang asawang hindi sa iyo
Kung ayaw mong managot sa asawa nito
Huwag hangarin ang asawa ng iba sa pamamagitan ng Espiritu Santo
Na Siyang naghahangad ng kadalisayan sa bawat tao
Huwag hangarin ang asawa ng iba, kataksilan ito sa Banal na Espirito
Pumarito sa lupa upang hangarin tayo
Huwag hangarin ang asawa ng iba sa pamamagitan ni Inang Maria
Na hindi naghangad ng ibang asawa para sa kanya
At Siya ring nagpakatapat sa Panginoon natin
Nawa'y ang bansang Pilipinas Dios ang hangarin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
678.
Hangad Ko Para sa Ating Bansa:
Ika-8 Utos ng Dios Ama
Ang pairalin ang Ika-8 Utos ng Dios Ama
Ay hangad ko para sa ating bansa
Huwag magsinungaling laban sa kapwa natin
Katotohanan ang siyang dapat pairalin
Huwag magsinungaling sa pamamagitan ni Hesukristo
Na Siyang tapat at hindi sinungaling na tao
Huwag magsisinungaling laban sa kapwa mo
Sa huli ay mananaig din ang totoo
Huwag magsisinungaling sa pamamagitan ng Espiritu Santo
Na Siyang katotohanan lang ang hatid sa mga tao
Huwag magsisinungaling, saksi sa katotohanan ang Banal na Espirito
Pumarito sa lupa upang pakatotohanan tayo
Huwag magsisinungaling sa pamamagitan ni Inang Maria
Na hindi sinungaling, mapagbintang at mapanlinlang sa kapwa
At siya ring nagpakatotoo sa Panginoon natin
Nawa'y ang bansang Pilipinas katotohanan ang pairalin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
677.
Hangad Ko Para sa Ating Bansa:
Ika-7 Utos ng Dios Ama
Ang pairalin ang Ika-7 Utos ng Dios Ama
Ay hangad ko para sa ating bansa
Huwag angkinin ang hindi atin
Ang hindi atin ay huwag nakawin
Huwag magnanakaw sa pamamagitan ni Hesukristo
Na hindi magnanakaw nang mamuhay bilang tao
Huwag angkinin ang anumang hindi sa iyo
Sa kung anung mayroon ka ay matutong makuntento
Huwag magnanakaw sa pamamagitan ng Espiritu Santo
Na Siyang nagbibigay ng biyaya ng Dios sa mga tao
Huwag magnanakaw, makuntento sa grasya ng Banal na Espirito
Pumarito sa lupa upang angkinin tayo
Huwag magnanakaw sa pamamagitan ni Inang Maria
Na hindi umangkin ng hindi sa kanya
At siya ring nakuntento sa Panginoon natin
Nawa'y ang bansang Pilipinas kabutihan ang angkinin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
676.
Hangad Ko Para sa Ating Bansa:
Ika-6 na Utos ng Dios Ama
Ang pairalin ang Ika-6 na Utos ng Dios Ama
Ay hangad ko para sa ating bansa
Kapwa tao ay huwag nating bastusin
Sila ay may karapatan na galangin
Huwag makikiapid sa pamamagitan ni Hesukristo
Na nanatiling dalisay nang mamuhay bilang tao
Huwag makikiapid sa taong hindi para sa iyo
Sa iyong napangasawa ay manatiling kuntento
Huwag makikiapid sa pamamagitan ng Espiritu Santo
Na Siyang nagpakadalisay sa ating mga tao
Huwag makikiapid, igalang ang Templo ng Banal na Espirito
Pumarito sa lupa upang dalisayin tayo
Huwag makikiapid sa pamamagitan ni Inang Maria
Na dalisay ang puso, pagkatao at kaluluwa
At siya ring nagpakadalisay sa Panginoon natin
Nawa'y ang bansang Pilipinas tao ay dalisayin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
675.
Hangad Ko Para sa Ating Bansa:
Ika-5 Utos ng Dios Ama
Ang pairalin ang Ika-5 Utos ng Dios Ama
Ay hangad ko para sa ating bansa
Kapwa tao ay huwag nating patayin
Sila ay kapareho nating may buhay din
Huwag papatay ng tao sa pamamagitan ni Hesukristo
Na nanggagamot at naghahatid ng buhay sa mga tao
Huwag papatay ng tao na kapwa mo at kapwa ko
Sila ay may buhay din na dapat ituring na sagrado
Huwag papatay ng tao sa pamamagitan ng Espiritu Santo
Na sa Kanyang kapangyarihan ay binubuhay ang mga tao
Huwag papatay ng tao na siyang Templo ng Banal na Espirito
Pumarito sa lupa upang buhayin tayo
Huwag papatay ng tao sa pamamagitan ni Inang Maria
Na kay Hesukristo lumuwal at nag-aruga
At siya ring bumuhay sa Panginoo natin
Nawa'y ang bansang Pilipinas buhay ng tao ay pakamahalin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
674.
Hangad Ko Para sa Ating Bansa:
Ika-4 na Utos ng Dios Ama
Ang pairalin ang Ika-4 na Utos ng Dios Ama
Ay hangad ko para sa ating bansa
Ating igalang ang mga magulang natin
Sila ay mahalagang biyaya ng Dios sa atin
Igalang ang mga magulang sa pamamagitan ni Hesukristo
Na ang mga magulang ay iginalang nang Siya ay naging tao
Igalang ang mga magulang na kumupkop at nag-aruga sa iyo
Sila ay itinalaga ng Dios para buhayin tayo
Igalang ang mga magulang sa pamamagitan ng Espiritu Santo
Na sa Kanyang grasya ay ipinanganak ang mga tao
Igalang ang mga magulang at ang Banal na Espirito
Pumarito sa lupa upang lalangin tayo
Igalang ang mga magulang sa pamamagitan ni Inang Maria
Na kay Hesukristo ay naging dakilang ina
At siya ring lumuwal sa Panginoon natin
Nawa'y ang bansang Pilipinas mga magulang ay galangin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
673.
Hangad Ko Para sa Ating Bansa:
Ika-3 Utos ng Dios Ama
Ang pairalin ang Ika-3 Utos ng Dios Ama
Ay hangad ko para sa ating bansa
Araw ng Dios ay ating pakabanalin
Ito ang araw upang siya ay alalahanin
Pakabanalin ang araw Niya sa pamamagitan ni Hesukristo
Na itinatag ang Kanyang simbahan para sa mga tao
Pakabanalin ang araw ng Dios na lumikha sa akin at sa iyo
Ito ang araw na dapat magsimba tayo
Pakabanalin ang araw Niya sa pamamagitan ng Espiritu Santo
Na sa Kanyang araw ay hinihimok magsimba ang mga tao
Pakabanalin ang araw ng Dios at ang Kanyang Banal na Espirito
Pumarito sa lupa upang akayin tayo
Pakabanalin ang araw ng Dios sa pamamagitan ni Inang Maria
Na sa lahat ng mga araw sa Dios sumasamba
At siya ring nagpapabanal sa araw ng Dios natin
Nawa'y ang bansang Pilipinas araw ng Dios ay pakabanalin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
672.
Hangad Ko Para sa Ating Bansa:
Ika-2 Utos ng Dios Ama
Ang pairalin ang Ika-2 Utos ng Dios Ama
Ay hangad ko para sa ating bansa
Ngalan ng Dios ay ating pakabanalin
Ito ay sagrado at nararapat galangin
Pakabanalin ang ngalan Niya sa pamamagitan ni Hesukristo
Na ipinakilala Siyang Ama sa lahat ng mga tao
Pakabanalin ang ngalan ng Dios na ipinakilala ng Anak nito
Pangalang higit sa lahat ng pangalan dito sa mundo
Pakabanalin ang ngalan Niya sa pamamagitan ng Espiritu Santo
Na ipinadarama ang kabanalan ng Kanyang ngalan sa mga tao
Pakabanalin ang ngalan ng Dios at ang Kanyang Banal na Ispirito
Pumarito sa lupa upang pakabanalin tayo
Pakabanalin ang ngalan ng Dios sa pamamagitan ni Inang Maria
Na mapalad din ang ngalan sa lahat ng mga bansa
At siya ring nagpapakabanal sa pangalan ng Dios natin
Nawa'y ang bansang Pilipinas ngalan ng Dios ay pakabanalin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
671.
Hangad Ko Para sa Ating Bansa:
Ika-1 Utos ng Dios Ama
Ang pairalin ang Ika-1 Utos ng Dios Ama
Ay hangad ko para sa ating bansa
Dios lamang ang tanging sambahin
Siya lamang ang nag-iisang Dios natin
Sambahin Siya sa pamamagitan ni Hesukristo
Na nagdulot ng Kanyang pagtubos sa mga tao
Sambahin ang Dios na nagkatawang-tao
Pumarito sa lupa upang iligtas tayo
Sambahin Siya sa pamamagitan ng Espiritu Santo
Na nagpamalas ng Kanyang pagpatnubay sa mga tao
Sambahin ang Dios at ang Kanyang Banal na Ispirito
Pumarito sa lupa upang gabayan tayo
Sambahin ang Dios sa pamamagitan ni Inang Maria
Na sa babaeng lahat ay bukod na pinagpala
At siya ring sumasamba sa Dios natin
Nawa'y ang bansang Pilipinas Dios lamang ang sambahin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
370.
Dakilang Tagumpay Para sa Dakilang Hangarin
Oh Pinakamakapangyarihang Dios Ama
Tagapaglikha ng tao, langit at lupa
Panginoon ng Silangan, Kanluran, Timog at Hilaga
Kailan Mo po diringgin
Ang sampung taon ko nang panalangin?
Pag-ahon sa karimlan ay akin nga bang sasapitin?
Kayraming tao sa mundo ang sadya Mong pinagpala
Hinandugan ng kapangyarihan at limpak na pera
Subalit kanilang ginamit sa mali at masama!
Ako na itong alam Mo kung saan gagamitin
Negosyong pangtustos sa pagkaparing nais tahakin
Puhunang tutulong sa mga taong may mabuting adhikain
Bakit ipagkakait sa nais pagsilbihan Ka?
Sa may hangaring tumulong sa kapwa at sa bansa?
Dakilang Tagumpay sa Philippine Lotto sa akin po ay itadhana!
-06/27/2015
(Dumarao)
*My Prayer Poems for Ultimate Victory Collection
208.
Hilaw Pa!
Kahapon, may isang bata
Na sa akin nakatingala
At ako'y tinirador nga
Upang malaglag sa tuwina
Pero huwag muna, huwag muna
Dahil ako ay hilaw pa
Ngayon naman, may matanda
Na sa akin nagnanasa
At ako'y sinusungkit nga
Upang mahulog sa lupa
Pero huwag muna, huwag muna
Dahil ako ay hilaw pa
Bukas, makalawa, maaaring may isa pa
Na sa akin magtangka
At ako'y hilahin pababa
Upang matuluyan na
Pero huwag muna, huwag muna
Dahil ako ay hilaw pa!
-05/19/2013
(Dumarao)
*My Stormy Morning Poems Collection
186.
Tumatarok 7
-Ang Alamat ng Ikalimang Lahi sa Gintong Lupa-
43 Ang lihim na pagsinta
Pagligtas ang bunga
44 Sa araw ng ikatlong buwan
Pinaghandaan ang isang paglisan
45 Si Tuma ang naatasang magbantay
Kay Tarok na bihag na manlalakbay
46 At nang makatiyempo ang may pagtitinginan
Mula pagkatali lalaki'y kinalagan
47 At sila'y kumaripas sa pagtakbo
Sa mga Amazona palayo
48 Nang sa kanila'y may nakakita
Mahiwagang bubuli nilamon sila
49 At nang tuluyan nang nakalisan
Sa Gintong Lupa ang kinasadlakan.
-07/26/2012
*Gintong Lupa Series
185.
Tumatarok 6
-Mapanganib na Pag-ibig-
36 Dalawang araw bago ang kasalan
Puso ni Tarok napaglamangan
37 Ng isa ring Amazona
Na pinakamaganda sa kanila
38 Ang babaeng iyon ay naghinagpis
Para sa lalaking ibinigkis
39 Tuma ang ngalan ng naturang Amazona
Na nakaramdam ng pag-ibig sa bihag nila
40 Tuwing nakikitang nahihirapan si Tarok
Puso'y parang tinutusok
41 Nais niya itong pakawalan
Bago sumapit ang kasalan
42 At nang nagkatitigan ang dalawa
Pag-ibig nadama sa isa't isa.
-07/25/2012
*Gintong Lupa Series
Sub Categories
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.