787.
Ang Paglatigo sa Haligi
at ang Pagkastigo ng mga Haligi
At isinakdal si Hesukristo
Kina Caiaphas, Herodes at Pilato
Oras na! Oras na! Isinakdal na!
Lilitisin na Siya!
Sila ang mga pinuno
Mga haligi ng Imperyong Romano
At nilatigo ang nasa hukuman
Mga dugo nagsidanakan
At isinuplong si El Gordo
Kina Araneta, Penson at Oducado
Oras na! Oras na! Isinuplong na!
Uusigin na siya!
Sila ang mga LPardo
Mga haligi ng Paaralang Tanco
At kinastigo ang nasa sakdalan
Mga wangis nagsipulahan
Ang paghagupit ng Bagyong Yolanda
Ay isa bang marapat na parusa?
Ang paghamblos ng unos sa Bisayas
Ay hatol din ba ni Satanas?
-04/07/2020
(Dumarao… Holy Tuesday)
*Unique Holy Week
782.
Ang Liwanag ni Hesukristo
at Ang Dugo ng 44 na Sundalo
At nagtungo sa bundok si Hesukristo
Kung saan Siya ay nagbagong-anyo
Nasaksihan ito ng mga sumunod dito
Na sina Juan, Pedro at Santiago
Ang sinunod ay may premyo
May nakasaksi sa hiwaga nito
Gaya ba ito…
Ng premyo ng Commander-in-Chief na si Aquino?
Ang sumunod ay may premyo
Nasaksihan ang kadakilaan ng pinuno
Gaya ba ito…
Ng premyo ng 44 na sundalong namatay sa Mamasapano?
Ang sinunod at sumunod ay parehong may premyo
Sa isa't isa parehong nakinabang ang mga ito
Gaya ba ito…
Ng premyo nina Noynoy Aquino at 44 na sundalo nito?
5 patay na sibilyang nasangkot sa engkwentro
18 patay sa mga tinugis na Moro
44 patay sa Tropa ng Gobierno
Ito ba ang premyo ng pagsunod sa Gobiernong Aquino?
-03/08/2020
(Dumarao… based on today's Gospel)
*Ides of March
778.
The 2 Black Widows
May 2 ama…
Na naglahong parang bula…
Parehong namatay sila…
Sa eroplanong sakay nila…
At dahil doon, may 2 biyuda…
Na naghangad maging reyna…
Oh kawawang Kambal na Agosto…
Nabahiran ng dugo…
Nina Ninoy Aquino…
At Jesse Robredo…
Upang iluklok mga asawa nito…
Ang 2 Black Widows na yellow…
-02/22/2020
(Dumarao)
*EDSA 1 Anniversary
557.
Ang TED sa Puso Ko
Ang TED sa puso ko ay parang Lireo ng Encantadia
Bughaw ang simbolong kulay nila
Narito ang mga Sanggre o dugong bughaw ng Encapsudia
Danaya/Dela Cruz, Amihan/Arriola, Pirena/Penson, Alena/Araneta
Ang TED sa puso ko ay parang Terran sa Starcraft na laro
Bughaw ang sagisag na kulay ng mga ito
Nais nila ang pangunguna at pamumuno
Nasa dugo ng lahing tao – katangian ng pagiging guro
Ang TED sa puso ko ang nagturo sa akin
Kung paano ang pagiging guro ay tangkilikin at mahalin
Mag-aaral higit sa lahat ang dapat unahin
Responsibilidad sa klase ang dapat atupagin
Ang TED sa puso ko ay parang Terran at Lireo
Dito ko nadama ang pangarap kong totoo
Ang maging tao na makaguro, ang maging guro na makatao
Salamat sa mga taga-TED na naging bahagi ng buhay ko!
-10/23/2017
(Dumarao)
*a tribute to TED of CapSU-Dumarao
254.
Legasiya sg mga Pilipino
Aton sa liwat handurawon
Ang isa ka maragtason nga tini-on
Tini-on kon sa diin naghugpong kita
Agud tapuson ang diktadurya
Diktadurya nga sa aton nagpamigos
Naghatag sg kahadlok kg pag-antos
Gamit ang kamot nga salsalon
Mga krony naghari sa gobierno naton
Ang kahilwayan sa pagpahayag
Hinali nga natiphag
Naglala ang komunismo kg terorismo
Kg pagbayular sg kinamatarong sg tawo
Gani kita nagsinggit sa mga dalan
Nga ang gobierno dapat na islan
Kg sang ginpatay si Ninoy Aquino
Kg sang sa Sanap Election kita ginunto
Minilyon nga mga tawo naghugpong sa EDSA
Kg nagsinggitan nga “Tama na! Sobra na!”
Sa tunga sg mga soldado kg tangke
Imol, manggaranon, babayi, lalaki, estudyante, mga madre
Matawag ini nga isa ka mirakulo
Kay wala sg gamo kg nag-agay nga dugo
Isa ini ka rebolusyon nga mahidaeton
Inspirasyon sg tanan nga mga nasyon
Amo ini ang legasiya sg mga Pilipino
Nga dapat ipabugal sa tanan nga tawo!
-02/11/2014
(Dumarao)
*written this Evelio Javier Day in Panay…aired on Bombo News Analysis in Feb. 24, 2014
242.
Binyagan Mo Muli Ako
Oh Hesukristo
Ako'y muling binyagan Mo
Ibuhos Mo ang Iyong dugo
Upang mapawi ang mga sala ko
Ako ay Iyong pagmasdan
Nababalot ng karumihan
Punung-puno ng kasalanan
Parang wala nang kapatawaran
Baguhin Mo ang aking buhay
Itayong muli ang mga suhay
Tapusin ang pagkakaratay
Sa mga kasalanang nakamamatay
Pakawalan Mo ako sa mga kadena
Ng pagdurusang matagal na
Ako'y palayain Mo na
Bigyan ng panibagong pag-asa.
-01/12/2014
(Dumarao)
*written on this day of the Feast of the Baptism of Jesus
141.
Daragus 1
-Si Dara-
1 Isang prinsesang bawal yumapak sa lupa
Siya ang binukot na si Dara
2 Ang kanyang edad ay labimpitong taong gulang
Natatanging anak ng mga magulang
3 Matuwid at makintab ang maitim na buhok
Mana sa amang hari na mapusok
4 Maputi at makinis ang balat
Mana sa inang reyna na madalaing magulat
5 Tapang at nerbiyos sa dugo nananalaytay
Matapang sa buhay, natatakot mamatay
6 Sukdulan sa proteksiyon at pagka-sensitibo
Kaya ‘di pa nakalalabas ng kwarto
7 Subalit mayroon din naman siyang libangan
Kumanta at manood ng mga mangingisda sa durungawan.
-06/22/2012
*Gintong Lupa Series
Ipinagbabawal ng Panginoong Diyos
Ang pagkain ng dugo ng hayop o ibon;
Mula pa sa panahon ni Noe ay utos
Na ang dugo ay dapat sa lupa ibaon.
Sa bayang Israel ay ipinagbawal din,
Ang paglabag ay mabigat na kasalanan;
Itinitiwalag ang sinumang kumain
Ng dugo kahit hinaluan pa ng laman.
Hanggang sa panahon ng mga huling araw,
Ang kabawalang ito ay nagpapatuloy;
Dugo ng manok, kambing, baka o kalabaw,
Huwag kanin matapos iluto sa apoy.
Ang pantubos noong una'y dugo ng hayop,
Kaya ito'y banal, mabuti, at magaling;
Sumunod tayo sa Diyos at magpasakop,
Dugo ng hayop ay anino ng darating.
Sinubukan kitang tikisin,
Sadyang inaral ko kung paano ka saktan.
Pero ikaw ay siyang indulhensiya at indulhente
At ako ay sabik, sakim, at yamot sa katinuan.
Kaya't sa huli, ganoon paman din ang kalabasan;
Inuusig mo ako, at ako, ginugusto ko naman.
Pananaigin at papahintulutang lasunin mo
Ang dugo, utak, pananaw, at puso ko.
by Sir Jhucel
Kay lakas ng mga ulan
Tumatagaktak sa alinsangan,
Kay dami ng alingawngaw sa paligid
Kagat sa labi, ngipin sa bagang ay nagngingitngit
Dalawang bagay na tumitibok
Ang syang nagmula sa alikabok,
Padalos-dalos na pinagtatama
Nawala tila ang pangamba sa pagkatok
Magkahawak kamay na nilusong
Ang bahang sa kama’y umuugoy,
Mga nakaw na sandali ay sadyang nagpapatuloy
Sirkulasyon ng dugo sadyang kay bilis ng pagdaloy
Puno ng MAHIKA ang sarap ng paligid,
Nananatiling ang paghinga ng dalawa
Ay sakal at nakataling lingid…
Siguradong sa iba may halong pag-aalangan,
Pero ako hindi nangangambang sumugod ng bigla sa ambunan,
At MAAMBUNAN sya ng mga ulan
Dahil suot-suot ko ang aking mahiwagang kapote
Palagi ko ‘tong baon-baon
May kakambal pang pampasuwerte,
Nagbibigay sa akin ng proteksyon sa mga pasakit,
Kahit sa pagkakataong dalawa kong mga mata’y
Hindi na maimulat, tuluyan nang nakapikit
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.