Kurso: Kay Hirap Mo
Nang sa mundo ako ay nagkamulat
Sa isipan ko’y hindi ikaw ang hinangad,
Pangarap na maging ano o sino
Ang siyang sa puso ko’y namumuno.
Nang lisanin ko na ang sekundarya
Napatigil ako sa isang banda,
Bakit kaya noon kaydali mangarap?
Bakit kaya ngayon sobrang kayhirap?
Parang tinik sa lalamunan ang pagpili
Nang kursong magbibigay sayo ng galak at ngiti;
Halo-halong emosyon ang uusbong
Kahit sino-sino na lang ang tinalunton.
Mahabang panahon na ang aking ginugol
Sa pagpli ng pangarap na hindi mapupurol,
Iba’t ibang suhestiyon galing sa iba
Ngunit sa huli, ako pa rin ang magpapasya.
At nang araw ay dumating
Sa pagpasok sa paaralang Unibersidad
Tuliro ang isipan, pati ang damdamin
Ano bang kurso sa akin may kalidad?
Dumatal na ang dapithapon
Ngunit pasya ay di pa nabubuo
Litung-lito kung ano ang susundin
Si ama’t ina o aking isipan at damdamin?
Waring sana’y taimtim talagang pag-isipan
At tanawin ang mangyayari sa hinaharap
Lalong-lalo na ang gabay ni Amang Lumikha
Na siyang nagpukol sa atin ng buhay na dakila.
Copyright © Gerlyn Sojon | Year Posted 2014
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment