Ang Pagbabalik
Ang agos ng ilog ay dumadaloy,
ito’y hahantong din sa dagat,
tulad nating lahat
uuwi rin sa pinanggalingan.
Ang tuyong dahon ma’y
‘di magtatagal ay mapapagod din,
Ito’y kusang mahuhulog
sa ihip ng hangin.
Kapatid ko, ako’y naririto,
naghihintay sa iyo kung ika’y hapo.
Halika at sa bisig ko
ihinga ang mga hinanakit sa buhay.
Ako’y makikinig, hindi mo ba nakikita
umaga’y nasa isang dako lamang?
Lahat ng bagay dito sa lupa
babalik sa pinagmulan,
halina uuwi tayo
tungo sa isa’t isa.
Mahal kita, mahalin mo ako,
bigyan mo ng pag-asa,
ang buhay ay ligaya,
pag-ibig sa tuwina.
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment
Turn off ads, get more exposure for your poetry, and get more features with a
Premium Membership.
