Written by
Robert Burns |
AULD chuckie Reekie’s 1 sair distrest,
Down droops her ance weel burnish’d crest,
Nae joy her bonie buskit nest
Can yield ava,
Her darling bird that she lo’es best—
Willie’s awa!
O Willie was a witty wight,
And had o’ things an unco’ sleight,
Auld Reekie aye he keepit tight,
And trig an’ braw:
But now they’ll busk her like a fright,—
Willie’s awa!
The stiffest o’ them a’ he bow’d,
The bauldest o’ them a’ he cow’d;
They durst nae mair than he allow’d,
That was a law:
We’ve lost a birkie weel worth gowd;
Willie’s awa!
Now gawkies, tawpies, gowks and fools,
Frae colleges and boarding schools,
May sprout like simmer puddock-stools
In glen or shaw;
He wha could brush them down to mools—
Willie’s awa!
The brethren o’ the Commerce-chaumer
May mourn their loss wi’ doolfu’ clamour;
He was a dictionar and grammar
Among them a’;
I fear they’ll now mak mony a stammer;
Willie’s awa!
Nae mair we see his levee door
Philosophers and poets pour,
And toothy critics by the score,
In bloody raw!
The adjutant o’ a’ the core—
Willie’s awa!
Now worthy Gregory’s Latin face,
Tytler’s and Greenfield’s modest grace;
Mackenzie, Stewart, such a brace
As Rome ne’er saw;
They a’ maun meet some ither place,
Willie’s awa!
Poor Burns ev’n Scotch Drink canna quicken,
He cheeps like some bewilder’d chicken
Scar’d frae it’s minnie and the cleckin,
By hoodie-craw;
Grieg’s gien his heart an unco kickin,
Willie’s awa!
Now ev’ry sour-mou’d girnin blellum,
And Calvin’s folk, are fit to fell him;
Ilk self-conceited critic skellum
His quill may draw;
He wha could brawlie ward their bellum—
Willie’s awa!
Up wimpling stately Tweed I’ve sped,
And Eden scenes on crystal Jed,
And Ettrick banks, now roaring red,
While tempests blaw;
But every joy and pleasure’s fled,
Willie’s awa!
May I be Slander’s common speech;
A text for Infamy to preach;
And lastly, streekit out to bleach
In winter snaw;
When I forget thee, Willie Creech,
Tho’ far awa!
May never wicked Fortune touzle him!
May never wicked men bamboozle him!
Until a pow as auld’s Methusalem
He canty claw!
Then to the blessed new Jerusalem,
Fleet wing awa!
Note 1.
Edinburgh.
[back]
|
Written by
Ogden Nash |
For years we've had a little dog,
Last year we acquired a big dog;
He wasn't big when we got him,
He was littler than the dog we had.
We thought our little dog would love him,
Would help him to become a trig dog,
But the new little dog got bigger,
And the old little dog got mad.
Now the big dog loves the little dog,
But the little dog hates the big dog,
The little dog is eleven years old,
And the big dog only one;
The little dog calls him Schweinhund,
The little dog calls him Pig-dog,
She grumbles broken curses
As she dreams in the August sun.
The big dog's teeth are terrible,
But he wouldn't bite the little dog;
The little dog wants to grind his bones,
But the little dog has no teeth;
The big dog is acrobatic,
The little dog is a brittle dog;
She leaps to grip his jugular,
And passes underneath.
The big dog clings to the little dog
Like glue and cement and mortar;
The little dog is his own true love;
But the big dog is to her
Like a scarlet rag to a Longhorn,
Or a suitcase to a porter;
The day he sat on the hornet
I distinctly heard her purr.
Well, how can you blame the little dog,
Who was once the household darling?
He romps like a young Adonis,
She droops like an old mustache;
No wonder she steals his corner,
No wonder she comes out snarling,
No wonder she calls him Cochon
And even Espèce de vache.
Yet once I wanted a sandwich,
Either caviar or cucumber,
When the sun had not yet risen
And the moon had not yet sank;
As I tiptoed through the hallway
The big dog lay in slumber,
And the little dog slept by the big dog,
And her head was on his flank.
|
Written by
Robert Burns |
WILLIE WASTLE dwalt on Tweed,
The spot they ca’d it Linkumdoddie;
Willie was a wabster gude,
Could stown a clue wi’ ony body:
He had a wife was dour and din,
O Tinkler Maidgie was her mither;
Sic a wife as Willie had,
I wad na gie a button for her!
She has an e’e, she has but ane,
The cat has twa the very colour;
Five rusty teeth, forbye a stump,
A clapper tongue wad deave a miller:
A whiskin beard about her mou’,
Her nose and chin they threaten ither;
Sic a wife as Willie had,
I wadna gie a button for her!
She’s bow-hough’d, she’s hein-shin’d,
Ae limpin leg a hand-breed shorter;
She’s twisted right, she’s twisted left,
To balance fair in ilka quarter:
She has a lump upon her breast,
The twin o’ that upon her shouther;
Sic a wife as Willie had,
I wadna gie a button for her!
Auld baudrons by the ingle sits,
An’ wi’ her loof her face a-washin;
But Willie’s wife is nae sae trig,
She dights her grunzie wi’ a hushion;
Her walie nieves like midden-creels,
Her face wad fyle the Logan Water;
Sic a wife as Willie had,
I wadna gie a button for her!
|