Written by
Robert Burns |
WHEN wild war’s deadly blast was blawn,
And gentle peace returning,
Wi’ mony a sweet babe fatherless,
And mony a widow mourning;
I left the lines and tented field,
Where lang I’d been a lodger,
My humble knapsack a’ my wealth,
A poor and honest sodger.
A leal, light heart was in my breast,
My hand unstain’d wi’ plunder;
And for fair Scotia hame again,
I cheery on did wander:
I thought upon the banks o’ Coil,
I thought upon my Nancy,
I thought upon the witching smile
That caught my youthful fancy.
At length I reach’d the bonie glen,
Where early life I sported;
I pass’d the mill and trysting thorn,
Where Nancy aft I courted:
Wha spied I but my ain dear maid,
Down by her mother’s dwelling!
And turn’d me round to hide the flood
That in my een was swelling.
Wi’ alter’d voice, quoth I, “Sweet lass,
Sweet as yon hawthorn’s blossom,
O! happy, happy may he be,
That’s dearest to thy bosom:
My purse is light, I’ve far to gang,
And fain would be thy lodger;
I’ve serv’d my king and country lang—
Take pity on a sodger.”
Sae wistfully she gaz’d on me,
And lovelier was than ever;
Quo’ she, “A sodger ance I lo’ed,
Forget him shall I never:
Our humble cot, and hamely fare,
Ye freely shall partake it;
That gallant badge-the dear cockade,
Ye’re welcome for the sake o’t.”
She gaz’d—she redden’d like a rose—
Syne pale like only lily;
She sank within my arms, and cried,
“Art thou my ain dear Willie?”
“By him who made yon sun and sky!
By whom true love’s regarded,
I am the man; and thus may still
True lovers be rewarded.
“The wars are o’er, and I’m come hame,
And find thee still true-hearted;
Tho’ poor in gear, we’re rich in love,
And mair we’se ne’er be parted.”
Quo’ she, “My grandsire left me gowd,
A mailen plenish’d fairly;
And come, my faithfu’ sodger lad,
Thou’rt welcome to it dearly!”
For gold the merchant ploughs the main,
The farmer ploughs the manor;
But glory is the sodger’s prize,
The sodger’s wealth is honor:
The brave poor sodger ne’er despise,
Nor count him as a stranger;
Remember he’s his country’s stay,
In day and hour of danger.
|
Written by
Robert Burns |
UPON 1 a simmer Sunday morn
When Nature’s face is fair,
I walked forth to view the corn,
An’ snuff the caller air.
The rising sun owre Galston muirs
Wi’ glorious light was glintin;
The hares were hirplin down the furrs,
The lav’rocks they were chantin
Fu’ sweet that day.
As lightsomely I glowr’d abroad,
To see a scene sae gay,
Three hizzies, early at the road,
Cam skelpin up the way.
Twa had manteeles o” dolefu’ black,
But ane wi’ lyart lining;
The third, that gaed a wee a-back,
Was in the fashion shining
Fu’ gay that day.
The twa appear’d like sisters twin,
In feature, form, an’ claes;
Their visage wither’d, lang an’ thin,
An’ sour as only slaes:
The third cam up, hap-stap-an’-lowp,
As light as ony lambie,
An’ wi’a curchie low did stoop,
As soon as e’er she saw me,
Fu’ kind that day.
Wi’ bonnet aff, quoth I, “Sweet lass,
I think ye seem to ken me;
I’m sure I’ve seen that bonie face
But yet I canna name ye.”
Quo’ she, an’ laughin as she spak,
An’ taks me by the han’s,
“Ye, for my sake, hae gien the feck
Of a’ the ten comman’s
A screed some day.”
“My name is Fun—your cronie dear,
The nearest friend ye hae;
An’ this is Superstitution here,
An’ that’s Hypocrisy.
I’m gaun to Mauchline Holy Fair,
To spend an hour in daffin:
Gin ye’ll go there, yon runkl’d pair,
We will get famous laughin
At them this day.”
Quoth I, “Wi’ a’ my heart, I’ll do’t;
I’ll get my Sunday’s sark on,
An’ meet you on the holy spot;
Faith, we’se hae fine remarkin!”
Then I gaed hame at crowdie-time,
An’ soon I made me ready;
For roads were clad, frae side to side,
Wi’ mony a weary body
In droves that day.
Here farmers gash, in ridin graith,
Gaed hoddin by their cotters;
There swankies young, in braw braid-claith,
Are springing owre the gutters.
The lasses, skelpin barefit, thrang,
In silks an’ scarlets glitter;
Wi’ sweet-milk cheese, in mony a whang,
An’ farls, bak’d wi’ butter,
Fu’ crump that day.
When by the plate we set our nose,
Weel heaped up wi’ ha’pence,
A greedy glowr black-bonnet throws,
An’ we maun draw our tippence.
Then in we go to see the show:
On ev’ry side they’re gath’rin;
Some carrying dails, some chairs an’ stools,
An’ some are busy bleth’rin
Right loud that day.
Here stands a shed to fend the show’rs,
An’ screen our countra gentry;
There “Racer Jess, 2 an’ twa-three whores,
Are blinkin at the entry.
Here sits a raw o’ tittlin jads,
Wi’ heaving breast an’ bare neck;
An’ there a batch o’ wabster lads,
Blackguarding frae Kilmarnock,
For fun this day.
Here, some are thinkin on their sins,
An’ some upo’ their claes;
Ane curses feet that fyl’d his shins,
Anither sighs an’ prays:
On this hand sits a chosen swatch,
Wi’ screwed-up, grace-proud faces;
On that a set o’ chaps, at watch,
Thrang winkin on the lasses
To chairs that day.
O happy is that man, an’ blest!
Nae wonder that it pride him!
Whase ain dear lass, that he likes best,
Comes clinkin down beside him!
Wi’ arms repos’d on the chair back,
He sweetly does compose him;
Which, by degrees, slips round her neck,
An’s loof upon her bosom,
Unkend that day.
Now a’ the congregation o’er
Is silent expectation;
For Moodie 3 speels the holy door,
Wi’ tidings o’ damnation:
Should Hornie, as in ancient days,
’Mang sons o’ God present him,
The vera sight o’ Moodie’s face,
To ’s ain het hame had sent him
Wi’ fright that day.
Hear how he clears the point o’ faith
Wi’ rattlin and wi’ thumpin!
Now meekly calm, now wild in wrath,
He’s stampin, an’ he’s jumpin!
His lengthen’d chin, his turned-up snout,
His eldritch squeel an’ gestures,
O how they fire the heart devout,
Like cantharidian plaisters
On sic a day!
But hark! the tent has chang’d its voice,
There’s peace an’ rest nae langer;
For a’ the real judges rise,
They canna sit for anger,
Smith 4 opens out his cauld harangues,
On practice and on morals;
An’ aff the godly pour in thrangs,
To gie the jars an’ barrels
A lift that day.
What signifies his barren shine,
Of moral powers an’ reason?
His English style, an’ gesture fine
Are a’ clean out o’ season.
Like Socrates or Antonine,
Or some auld pagan heathen,
The moral man he does define,
But ne’er a word o’ faith in
That’s right that day.
In guid time comes an antidote
Against sic poison’d nostrum;
For Peebles, 5 frae the water-fit,
Ascends the holy rostrum:
See, up he’s got, the word o’ God,
An’ meek an’ mim has view’d it,
While Common-sense has taen the road,
An’ aff, an’ up the Cowgate 6
Fast, fast that day.
Wee Miller 7 neist the guard relieves,
An’ Orthodoxy raibles,
Tho’ in his heart he weel believes,
An’ thinks it auld wives’ fables:
But faith! the birkie wants a manse,
So, cannilie he hums them;
Altho’ his carnal wit an’ sense
Like hafflins-wise o’ercomes him
At times that day.
Now, butt an’ ben, the change-house fills,
Wi’ yill-caup commentators;
Here ’s cryin out for bakes and gills,
An’ there the pint-stowp clatters;
While thick an’ thrang, an’ loud an’ lang,
Wi’ logic an’ wi’ scripture,
They raise a din, that in the end
Is like to breed a rupture
O’ wrath that day.
Leeze me on drink! it gies us mair
Than either school or college;
It kindles wit, it waukens lear,
It pangs us fou o’ knowledge:
Be’t whisky-gill or penny wheep,
Or ony stronger potion,
It never fails, or drinkin deep,
To kittle up our notion,
By night or day.
The lads an’ lasses, blythely bent
To mind baith saul an’ body,
Sit round the table, weel content,
An’ steer about the toddy:
On this ane’s dress, an’ that ane’s leuk,
They’re makin observations;
While some are cozie i’ the neuk,
An’ forming assignations
To meet some day.
But now the L—’s ain trumpet touts,
Till a’ the hills are rairin,
And echoes back return the shouts;
Black Russell is na sparin:
His piercin words, like Highlan’ swords,
Divide the joints an’ marrow;
His talk o’ Hell, whare devils dwell,
Our vera “sauls does harrow”
Wi’ fright that day!
A vast, unbottom’d, boundless pit,
Fill’d fou o’ lowin brunstane,
Whase raging flame, an’ scorching heat,
Wad melt the hardest whun-stane!
The half-asleep start up wi’ fear,
An’ think they hear it roarin;
When presently it does appear,
’Twas but some neibor snorin
Asleep that day.
’Twad be owre lang a tale to tell,
How mony stories past;
An’ how they crouded to the yill,
When they were a’ dismist;
How drink gaed round, in cogs an’ caups,
Amang the furms an’ benches;
An’ cheese an’ bread, frae women’s laps,
Was dealt about in lunches
An’ dawds that day.
In comes a gawsie, gash guidwife,
An’ sits down by the fire,
Syne draws her kebbuck an’ her knife;
The lasses they are shyer:
The auld guidmen, about the grace
Frae side to side they bother;
Till some ane by his bonnet lays,
An’ gies them’t like a tether,
Fu’ lang that day.
Waesucks! for him that gets nae lass,
Or lasses that hae naething!
Sma’ need has he to say a grace,
Or melvie his braw claithing!
O wives, be mindfu’ ance yoursel’
How bonie lads ye wanted;
An’ dinna for a kebbuck-heel
Let lasses be affronted
On sic a day!
Now Clinkumbell, wi’ rattlin tow,
Begins to jow an’ croon;
Some swagger hame the best they dow,
Some wait the afternoon.
At slaps the billies halt a blink,
Till lasses strip their shoon:
Wi’ faith an’ hope, an’ love an’ drink,
They’re a’ in famous tune
For crack that day.
How mony hearts this day converts
O’ sinners and o’ lasses!
Their hearts o’ stane, gin night, are gane
As saft as ony flesh is:
There’s some are fou o’ love divine;
There’s some are fou o’ brandy;
An’ mony jobs that day begin,
May end in houghmagandie
Some ither day.
Note 1. “Holy Fair” is a common phrase in the west of Scotland for a sacramental occasion.—R. B. [back]
Note 2. Racer Jess (d. 1813) was a half-witted daughter of Poosie Nansie. She was a great pedestrian. [back]
Note 3. Rev. Alexander Moodie of Riccarton. [back]
Note 4. Rev. George Smith of Galston. [back]
Note 5. Rev. Wm. Peebles of Newton-upon-Ayr. [back]
Note 6. A street so called which faces the tent in Mauchline.—R. B. [back]
Note 7. Rev. Alex. Miller, afterward of Kilmaurs. [back]
|
Written by
Robert Burns |
WHAT ails ye now, ye lousie *****
To thresh my back at sic a pitch?
Losh, man! hae mercy wi’ your natch,
Your bodkin’s bauld;
I didna suffer half sae much
Frae Daddie Auld.
What tho’ at times, when I grow crouse,
I gie their wames a random pouse,
Is that enough for you to souse
Your servant sae?
Gae mind your seam, ye prick-the-louse,
An’ jag-the-flea!
King David, o’ poetic brief,
Wrocht ’mang the lasses sic mischief
As filled his after-life wi’ grief,
An’ bluidy rants,
An’ yet he’s rank’d amang the chief
O’ lang-syne saunts.
And maybe, Tam, for a’ my cants,
My wicked rhymes, an’ drucken rants,
I’ll gie auld cloven’s Clootie’s haunts
An unco slip yet,
An’ snugly sit amang the saunts,
At Davie’s hip yet!
But, fegs! the session says I maun
Gae fa’ upo’ anither plan
Than garrin lasses coup the cran,
Clean heels ower body,
An’ sairly thole their mother’s ban
Afore the howdy.
This leads me on to tell for sport,
How I did wi’ the Session sort;
Auld Clinkum, at the inner port,
Cried three times, “Robin!
Come hither lad, and answer for’t,
Ye’re blam’d for jobbin!”
Wi’ pinch I put a Sunday’s face on,
An’ snoov’d awa before the Session:
I made an open, fair confession—
I scorn’t to lee,
An’ syne Mess John, beyond expression,
Fell foul o’ me.
A fornicator-loun he call’d me,
An’ said my faut frae bliss expell’d me;
I own’d the tale was true he tell’d me,
“But, what the matter?
(Quo’ I) I fear unless ye geld me,
I’ll ne’er be better!”
“Geld you! (quo’ he) an’ what for no?
If that your right hand, leg or toe
Should ever prove your sp’ritual foe,
You should remember
To cut it aff—an’ what for no
Your dearest member?”
“Na, na, (quo’ I,) I’m no for that,
Gelding’s nae better than ’tis ca’t;
I’d rather suffer for my faut
A hearty flewit,
As sair owre hip as ye can draw’t,
Tho’ I should rue it.
“Or, gin ye like to end the bother,
To please us a’—I’ve just ae ither—
When next wi’ yon lass I forgather,
Whate’er betide it,
I’ll frankly gie her ’t a’ thegither,
An’ let her guide it.”
But, sir, this pleas’d them warst of a’,
An’ therefore, Tam, when that I saw,
I said “Gude night,” an’ cam’ awa’,
An’ left the Session;
I saw they were resolvèd a’
On my oppression.
|
Written by
Robert Burns |
SOME books are lies frae end to end,
And some great lies were never penn’d:
Ev’n ministers they hae been kenn’d,
In holy rapture,
A rousing whid at times to vend,
And nail’t wi’ Scripture.
But this that I am gaun to tell,
Which lately on a night befell,
Is just as true’s the Deil’s in hell
Or Dublin city:
That e’er he nearer comes oursel’
’S a muckle pity.
The clachan yill had made me canty,
I was na fou, but just had plenty;
I stacher’d whiles, but yet too tent aye
To free the ditches;
An’ hillocks, stanes, an’ bushes, kenn’d eye
Frae ghaists an’ witches.
The rising moon began to glowre
The distant Cumnock hills out-owre:
To count her horns, wi’ a my pow’r,
I set mysel’;
But whether she had three or four,
I cou’d na tell.
I was come round about the hill,
An’ todlin down on Willie’s mill,
Setting my staff wi’ a’ my skill,
To keep me sicker;
Tho’ leeward whiles, against my will,
I took a bicker.
I there wi’ Something did forgather,
That pat me in an eerie swither;
An’ awfu’ scythe, out-owre ae shouther,
Clear-dangling, hang;
A three-tae’d leister on the ither
Lay, large an’ lang.
Its stature seem’d lang Scotch ells twa,
The queerest shape that e’er I saw,
For fient a wame it had ava;
And then its shanks,
They were as thin, as sharp an’ sma’
As cheeks o’ branks.
“Guid-een,” quo’ I; “Friend! hae ye been mawin,
When ither folk are busy sawin!” 1
I seem’d to make a kind o’ stan’
But naething spak;
At length, says I, “Friend! whare ye gaun?
Will ye go back?”
It spak right howe,—“My name is Death,
But be na fley’d.”—Quoth I, “Guid faith,
Ye’re maybe come to stap my breath;
But tent me, billie;
I red ye weel, tak care o’ skaith
See, there’s a gully!”
“Gudeman,” quo’ he, “put up your whittle,
I’m no designed to try its mettle;
But if I did, I wad be kittle
To be mislear’d;
I wad na mind it, no that spittle
Out-owre my beard.”
“Weel, weel!” says I, “a bargain be’t;
Come, gie’s your hand, an’ sae we’re gree’t;
We’ll ease our shanks an tak a seat—
Come, gie’s your news;
This while ye hae been mony a gate,
At mony a house.” 2
“Ay, ay!” quo’ he, an’ shook his head,
“It’s e’en a lang, lang time indeed
Sin’ I began to nick the thread,
An’ choke the breath:
Folk maun do something for their bread,
An’ sae maun Death.
“Sax thousand years are near-hand fled
Sin’ I was to the butching bred,
An’ mony a scheme in vain’s been laid,
To stap or scar me;
Till ane Hornbook’s 3 ta’en up the trade,
And faith! he’ll waur me.
“Ye ken Hornbook i’ the clachan,
Deil mak his king’s-hood in spleuchan!
He’s grown sae weel acquaint wi’ Buchan 4
And ither chaps,
The weans haud out their fingers laughin,
An’ pouk my hips.
“See, here’s a scythe, an’ there’s dart,
They hae pierc’d mony a gallant heart;
But Doctor Hornbook, wi’ his art
An’ cursed skill,
Has made them baith no worth a f—t,
D—n’d haet they’ll kill!
“’Twas but yestreen, nae farther gane,
I threw a noble throw at ane;
Wi’ less, I’m sure, I’ve hundreds slain;
But deil-ma-care,
It just play’d dirl on the bane,
But did nae mair.
“Hornbook was by, wi’ ready art,
An’ had sae fortify’d the part,
That when I looked to my dart,
It was sae blunt,
Fient haet o’t wad hae pierc’d the heart
Of a kail-runt.
“I drew my scythe in sic a fury,
I near-hand cowpit wi’ my hurry,
But yet the bauld Apothecary
Withstood the shock;
I might as weel hae tried a quarry
O’ hard whin rock.
“Ev’n them he canna get attended,
Altho’ their face he ne’er had kend it,
Just —— in a kail-blade, an’ sent it,
As soon’s he smells ’t,
Baith their disease, and what will mend it,
At once he tells ’t.
“And then, a’ doctor’s saws an’ whittles,
Of a’ dimensions, shapes, an’ mettles,
A’ kind o’ boxes, mugs, an’ bottles,
He’s sure to hae;
Their Latin names as fast he rattles
As A B C.
“Calces o’ fossils, earths, and trees;
True sal-marinum o’ the seas;
The farina of beans an’ pease,
He has’t in plenty;
Aqua-fontis, what you please,
He can content ye.
“Forbye some new, uncommon weapons,
Urinus spiritus of capons;
Or mite-horn shavings, filings, scrapings,
Distill’d per se;
Sal-alkali o’ midge-tail clippings,
And mony mae.”
“Waes me for Johnie Ged’s-Hole 5 now,”
Quoth I, “if that thae news be true!
His braw calf-ward whare gowans grew,
Sae white and bonie,
Nae doubt they’ll rive it wi’ the plew;
They’ll ruin Johnie!”
The creature grain’d an eldritch laugh,
And says “Ye needna yoke the pleugh,
Kirkyards will soon be till’d eneugh,
Tak ye nae fear:
They’ll be trench’d wi’ mony a sheugh,
In twa-three year.
“Whare I kill’d ane, a fair strae-death,
By loss o’ blood or want of breath
This night I’m free to tak my aith,
That Hornbook’s skill
Has clad a score i’ their last claith,
By drap an’ pill.
“An honest wabster to his trade,
Whase wife’s twa nieves were scarce weel-bred
Gat tippence-worth to mend her head,
When it was sair;
The wife slade cannie to her bed,
But ne’er spak mair.
“A country laird had ta’en the batts,
Or some curmurring in his guts,
His only son for Hornbook sets,
An’ pays him well:
The lad, for twa guid gimmer-pets,
Was laird himsel’.
“A bonie lass—ye kend her name—
Some ill-brewn drink had hov’d her wame;
She trusts hersel’, to hide the shame,
In Hornbook’s care;
Horn sent her aff to her lang hame,
To hide it there.
“That’s just a swatch o’ Hornbook’s way;
Thus goes he on from day to day,
Thus does he poison, kill, an’ slay,
An’s weel paid for’t;
Yet stops me o’ my lawfu’ prey,
Wi’ his d—n’d dirt:
“But, hark! I’ll tell you of a plot,
Tho’ dinna ye be speakin o’t;
I’ll nail the self-conceited sot,
As dead’s a herrin;
Neist time we meet, I’ll wad a groat,
He gets his fairin!”
But just as he began to tell,
The auld kirk-hammer strak the bell
Some wee short hour ayont the twal’,
Which rais’d us baith:
I took the way that pleas’d mysel’,
And sae did Death.
Note 1. This recontre happened in seed-time, 1785.—R. B. [back]
Note 2. An epidemical fever was then raging in that country.—R. B. [back]
Note 3. This gentleman, Dr. Hornbook, is professionally a brother of the sovereign Order of the Ferula; but, by intuition and inspiration, is at once an apothecary, surgeon, and physician.—R. B. [back]
Note 4. Burchan’s Domestic Medicine.—R. B. [back]
Note 5. The grave-digger.—R. B. [back]
|
Written by
Robert Graves |
To the woods, to the woods is the wizard gone;
In his grotto the maiden sits alone.
She gazes up with a weary smile
At the rafter-hanging crocodile,
The slowly swinging crocodile.
Scorn has she of her master’s gear,
Cauldron, alembic, crystal sphere,
Phial, philtre—“Fiddlededee
For all such trumpery trash!” quo’ she.
“A soldier is the lad for me;
Hey and hither, my lad!
“Oh, here have I ever lain forlorn:
My father died ere I was born,
Mother was by a wizard wed,
And oft I wish I had died instead—
Often I wish I were long time dead.
But, delving deep in my master’s lore,
I have won of magic power such store
I can turn a skull—oh, fiddlededee
For all this curious craft!” quo’ she.
“A soldier is the lad for me;
Hey and hither, my lad!
“To bring my brave boy unto my arms,
What need have I of magic charms—
‘Abracadabra!’ and ‘Prestopuff’?
I have but to wish, and that is enough.
The charms are vain, one wish is enough.
My master pledged my hand to a wizard;
Transformed would I be to toad or lizard
If e’er he guessed—but fiddlededee
For a black-browed sorcerer, now,” quo’ she.
“Let Cupid smile and the fiend must flee;
Hey and hither, my lad.”
|
Written by
Ezra Pound |
Simon Zelotes speaking after the Crucifixion.
Fere=Mate, Companion.
Ha' we lost the goodliest fere o' all
For the priests and the gallows tree?
Aye lover he was of brawny men,
O' ships and the open sea.
When they came wi' a host to take Our Man
His smile was good to see,
"First let these go!" quo' our Goodly Fere,
"Or I'll see ye damned," says he.
Aye he sent us out through the crossed high spears
And the scorn of his laugh rang free,
"Why took ye not me when I walked about
Alone in the town?" says he.
Oh we drank his "Hale" in the good red wine
When we last made company,
No capon priest was the Goodly Fere
But a man o' men was he.
I ha' seen him drive a hundred men
Wi' a bundle o' cords swung free,
That they took the high and holy house
For their pawn and treasury.
They'll no' get him a' in a book I think
Though they write it cunningly;
No mouse of the scrolls was the Goodly Fere
But aye loved the open sea.
If they think they ha' snared our Goodly Fere
They are fools to the last degree.
"I'll go to the feast," quo' our Goodly Fere,
"Though I go to the gallows tree."
"Ye ha' seen me heal the lame and blind,
And wake the dead," says he,
"Ye shall see one thing to master all:
'Tis how a brave man dies on the tree."
A son of God was the Goodly Fere
That bade us his brothers be.
I ha' seen him cow a thousand men.
I have seen him upon the tree.
He cried no cry when they drave the nails
And the blood gushed hot and free,
The hounds of the crimson sky gave tongue
But never a cry cried he.
I ha' seen him cow a thousand men
On the hills o' Galilee,
They whined as he walked out calm between,
Wi' his eyes like the grey o' the sea,
Like the sea that brooks no voyaging
With the winds unleashed and free,
Like the sea that he cowed at Genseret
Wi' twey words spoke' suddently.
A master of men was the Goodly Fere,
A mate of the wind and sea,
If they think they ha' slain our Goodly Fere
They are fools eternally.
I ha' seen him eat o' the honey-comb
Sin' they nailed him to the tree.
|
Written by
Rudyard Kipling |
Now Tomlinson gave up the ghost in his house in Berkeley Square,
And a Spirit came to his bedside and gripped him by the hair --
A Spirit gripped him by the hair and carried him far away,
Till he heard as the roar of a rain-fed ford the roar of the Milky Way:
Till he heard the roar of the Milky Way die down and drone and cease,
And they came to the Gate within the Wall where Peter holds the keys.
"Stand up, stand up now, Tomlinson, and answer loud and high
The good that ye did for the sake of men or ever ye came to die --
The good that ye did for the sake of men in little earth so lone!"
And the naked soul of Tomlinson grew white as a rain-washed bone.
"O I have a friend on earth," he said, "that was my priest and guide,
And well would he answer all for me if he were by my side."
-- "For that ye strove in neighbour-love it shall be written fair,
But now ye wait at Heaven's Gate and not in Berkeley Square:
Though we called your friend from his bed this night, he could not speak for you,
For the race is run by one and one and never by two and two."
Then Tomlinson looked up and down, and little gain was there,
For the naked stars grinned overhead, and he saw that his soul was bare:
The Wind that blows between the worlds, it cut him like a knife,
And Tomlinson took up his tale and spoke of his good in life.
"This I have read in a book," he said, "and that was told to me,
And this I have thought that another man thought of a Prince in Muscovy."
The good souls flocked like homing doves and bade him clear the path,
And Peter twirled the jangling keys in weariness and wrath.
"Ye have read, ye have heard, ye have thought," he said, "and the tale is yet to run:
By the worth of the body that once ye had, give answer -- what ha' ye done?"
Then Tomlinson looked back and forth, and little good it bore,
For the Darkness stayed at his shoulder-blade and Heaven's Gate before: --
"O this I have felt, and this I have guessed, and this I have heard men say,
And this they wrote that another man wrote of a carl in Norroway."
-- "Ye have read, ye have felt, ye have guessed, good lack! Ye have hampered Heaven's Gate;
There's little room between the stars in idleness to prate!
O none may reach by hired speech of neighbour, priest, and kin
Through borrowed deed to God's good meed that lies so fair within;
Get hence, get hence to the Lord of Wrong, for doom has yet to run,
And. . .the faith that ye share with Berkeley Square uphold you, Tomlinson!"
. . . . .
The Spirit gripped him by the hair, and sun by sun they fell
Till they came to the belt of Naughty Stars that rim the mouth of Hell:
The first are red with pride and wrath, the next are white with pain,
But the third are black with clinkered sin that cannot burn again:
They may hold their path, they may leave their path, with never a soul to mark,
They may burn or freeze, but they must not cease in the Scorn of the Outer Dark.
The Wind that blows between the worlds, it nipped him to the bone,
And he yearned to the flare of Hell-Gate there as the light of his own hearth-stone.
The Devil he sat behind the bars, where the desperate legions drew,
But he caught the hasting Tomlinson and would not let him through.
"Wot ye the price of good pit-coal that I must pay?" said he,
"That ye rank yoursel' so fit for Hell and ask no leave of me?
I am all o'er-sib to Adam's breed that ye should give me scorn,
For I strove with God for your First Father the day that he was born.
Sit down, sit down upon the slag, and answer loud and high
The harm that ye did to the Sons of Men or ever you came to die."
And Tomlinson looked up and up, and saw against the night
The belly of a tortured star blood-red in Hell-Mouth light;
And Tomlinson looked down and down, and saw beneath his feet
The frontlet of a tortured star milk-white in Hell-Mouth heat.
"O I had a love on earth," said he, "that kissed me to my fall,
And if ye would call my love to me I know she would answer all."
-- "All that ye did in love forbid it shall be written fair,
But now ye wait at Hell-Mouth Gate and not in Berkeley Square:
Though we whistled your love from her bed to-night, I trow she would not run,
For the sin ye do by two and two ye must pay for one by one!"
The Wind that blows between the worlds, it cut him like a knife,
And Tomlinson took up the tale and spoke of his sin in life: --
"Once I ha' laughed at the power of Love and twice at the grip of the Grave,
And thrice I ha' patted my God on the head that men might call me brave."
The Devil he blew on a brandered soul and set it aside to cool: --
"Do ye think I would waste my good pit-coal on the hide of a brain-sick fool?
I see no worth in the hobnailed mirth or the jolthead jest ye did
That I should waken my gentlemen that are sleeping three on a grid."
Then Tomlinson looked back and forth, and there was little grace,
For Hell-Gate filled the houseless Soul with the Fear of Naked Space.
"Nay, this I ha' heard," quo' Tomlinson, "and this was noised abroad,
And this I ha' got from a Belgian book on the word of a dead French lord."
-- "Ye ha' heard, ye ha' read, ye ha' got, good lack! and the tale begins afresh --
Have ye sinned one sin for the pride o' the eye or the sinful lust of the flesh?"
Then Tomlinson he gripped the bars and yammered, "Let me in --
For I mind that I borrowed my neighbour's wife to sin the deadly sin."
The Devil he grinned behind the bars, and banked the fires high:
"Did ye read of that sin in a book?" said he; and Tomlinson said, "Ay!"
The Devil he blew upon his nails, and the little devils ran,
And he said: "Go husk this whimpering thief that comes in the guise of a man:
Winnow him out 'twixt star and star, and sieve his proper worth:
There's sore decline in Adam's line if this be spawn of earth."
Empusa's crew, so naked-new they may not face the fire,
But weep that they bin too small to sin to the height of their desire,
Over the coal they chased the Soul, and racked it all abroad,
As children rifle a caddis-case or the raven's foolish hoard.
And back they came with the tattered Thing, as children after play,
And they said: "The soul that he got from God he has bartered clean away.
We have threshed a stook of print and book, and winnowed a chattering wind
And many a soul wherefrom he stole, but his we cannot find:
We have handled him, we have dandled him, we have seared him to the bone,
And sure if tooth and nail show truth he has no soul of his own."
The Devil he bowed his head on his breast and rumbled deep and low: --
"I'm all o'er-sib to Adam's breed that I should bid him go.
Yet close we lie, and deep we lie, and if I gave him place,
My gentlemen that are so proud would flout me to my face;
They'd call my house a common stews and me a careless host,
And -- I would not anger my gentlemen for the sake of a shiftless ghost."
The Devil he looked at the mangled Soul that prayed to feel the flame,
And he thought of Holy Charity, but he thought of his own good name: --
"Now ye could haste my coal to waste, and sit ye down to fry:
Did ye think of that theft for yourself?" said he; and Tomlinson said, "Ay!"
The Devil he blew an outward breath, for his heart was free from care: --
"Ye have scarce the soul of a louse," he said, "but the roots of sin are there,
And for that sin should ye come in were I the lord alone.
But sinful pride has rule inside -- and mightier than my own.
Honour and Wit, fore-damned they sit, to each his priest and whore:
Nay, scarce I dare myself go there, and you they'd torture sore.
Ye are neither spirit nor spirk," he said; "ye are neither book nor brute --
Go, get ye back to the flesh again for the sake of Man's repute.
I'm all o'er-sib to Adam's breed that I should mock your pain,
But look that ye win to worthier sin ere ye come back again.
Get hence, the hearse is at your door -- the grim black stallions wait --
They bear your clay to place to-day. Speed, lest ye come too late!
Go back to Earth with a lip unsealed -- go back with an open eye,
And carry my word to the Sons of Men or ever ye come to die:
That the sin they do by two and two they must pay for one by one --
And. . .the God that you took from a printed book be with you, Tomlinson!"
|
Written by
Robert Burns |
THERE 1 was a lad was born in Kyle,
But whatna day o’ whatna style,
I doubt it’s hardly worth the while
To be sae nice wi’ Robin.
Chor.—Robin was a rovin’ boy,
Rantin’, rovin’, rantin’, rovin’,
Robin was a rovin’ boy,
Rantin’, rovin’, Robin!
Our monarch’s hindmost year but ane
Was five-and-twenty days begun, 2
’Twas then a blast o’ Janwar’ win’
Blew hansel in on Robin.
Robin was, &c.
The gossip keekit in his loof,
Quo’ scho, “Wha lives will see the proof,
This waly boy will be nae coof:
I think we’ll ca’ him Robin.”
Robin was, &c.
“He’ll hae misfortunes great an’ sma’,
But aye a heart aboon them a’,
He’ll be a credit till us a’—
We’ll a’ be proud o’ Robin.”
Robin was, &c.
“But sure as three times three mak nine,
I see by ilka score and line,
This chap will dearly like our kin’,
So leeze me on thee! Robin.”
Robin was, &c.
“Guid faith,” quo’, scho, “I doubt you gar
The bonie lasses lie aspar;
But twenty fauts ye may hae waur
So blessins on thee! Robin.”
Robin was, &c.
Note 1. Not published by Burns. [back]
Note 2. January 25, 1759, the date of my bardship’s vital existence.—R. B. [back]
|
Written by
Robert Burns |
WHILE new-ca’d kye rowte at the stake
An’ pownies reek in pleugh or braik,
This hour on e’enin’s edge I take,
To own I’m debtor
To honest-hearted, auld Lapraik,
For his kind letter.
Forjesket sair, with weary legs,
Rattlin the corn out-owre the rigs,
Or dealing thro’ amang the naigs
Their ten-hours’ bite,
My awkart Muse sair pleads and begs
I would na write.
The tapetless, ramfeezl’d hizzie,
She’s saft at best an’ something lazy:
Quo’ she, “Ye ken we’ve been sae busy
This month an’ mair,
That trowth, my head is grown right dizzie,
An’ something sair.”
Her dowff excuses pat me mad;
“Conscience,” says I, “ye thowless jade!
I’ll write, an’ that a hearty blaud,
This vera night;
So dinna ye affront your trade,
But rhyme it right.
“Shall bauld Lapraik, the king o’ hearts,
Tho’ mankind were a pack o’ cartes,
Roose you sae weel for your deserts,
In terms sae friendly;
Yet ye’ll neglect to shaw your parts
An’ thank him kindly?”
Sae I gat paper in a blink,
An’ down gaed stumpie in the ink:
Quoth I, “Before I sleep a wink,
I vow I’ll close it;
An’ if ye winna mak it clink,
By Jove, I’ll prose it!”
Sae I’ve begun to scrawl, but whether
In rhyme, or prose, or baith thegither;
Or some hotch-potch that’s rightly neither,
Let time mak proof;
But I shall scribble down some blether
Just clean aff-loof.
My worthy friend, ne’er grudge an’ carp,
Tho’ fortune use you hard an’ sharp;
Come, kittle up your moorland harp
Wi’ gleesome touch!
Ne’er mind how Fortune waft and warp;
She’s but a *****.
She ’s gien me mony a jirt an’ fleg,
Sin’ I could striddle owre a rig;
But, by the L—d, tho’ I should beg
Wi’ lyart pow,
I’ll laugh an’ sing, an’ shake my leg,
As lang’s I dow!
Now comes the sax-an’-twentieth simmer
I’ve seen the bud upon the timmer,
Still persecuted by the limmer
Frae year to year;
But yet, despite the kittle kimmer,
I, Rob, am here.
Do ye envy the city gent,
Behint a kist to lie an’ sklent;
Or pursue-proud, big wi’ cent. per cent.
An’ muckle wame,
In some bit brugh to represent
A bailie’s name?
Or is’t the paughty, feudal thane,
Wi’ ruffl’d sark an’ glancing cane,
Wha thinks himsel nae sheep-shank bane,
But lordly stalks;
While caps and bonnets aff are taen,
As by he walks?
“O Thou wha gies us each guid gift!
Gie me o’ wit an’ sense a lift,
Then turn me, if thou please, adrift,
Thro’ Scotland wide;
Wi’ cits nor lairds I wadna shift,
In a’ their pride!”
Were this the charter of our state,
“On pain o’ hell be rich an’ great,”
Damnation then would be our fate,
Beyond remead;
But, thanks to heaven, that’s no the gate
We learn our creed.
For thus the royal mandate ran,
When first the human race began;
“The social, friendly, honest man,
Whate’er he be—
’Tis he fulfils great Nature’s plan,
And none but he.”
O mandate glorious and divine!
The ragged followers o’ the Nine,
Poor, thoughtless devils! yet may shine
In glorious light,
While sordid sons o’ Mammon’s line
Are dark as night!
Tho’ here they scrape, an’ squeeze, an’ growl,
Their worthless nievefu’ of a soul
May in some future carcase howl,
The forest’s fright;
Or in some day-detesting owl
May shun the light.
Then may Lapraik and Burns arise,
To reach their native, kindred skies,
And sing their pleasures, hopes an’ joys,
In some mild sphere;
Still closer knit in friendship’s ties,
Each passing year!
|
Written by
Robert Burns |
THE BAIRNS gat out wi’ an unco shout,
The deuks dang o’er my daddie, O!
The fien-ma-care, quo’ the feirrie auld wife,
He was but a paidlin’ body, O!
He paidles out, and he paidles in,
An’ he paidles late and early, O!
This seven lang years I hae lien by his side,
An’ he is but a fusionless carlie, O.
O haud your tongue, my feirrie auld wife,
O haud your tongue, now Nansie, O:
I’ve seen the day, and sae hae ye,
Ye wad na ben sae donsie, O.
I’ve seen the day ye butter’d my brose,
And cuddl’d me late and early, O;
But downa-do’s come o’er me now,
And oh, I find it sairly, O!
|