375. Song—The Deuks dang o'er my Daddie
THE BAIRNS gat out wi’ an unco shout,
The deuks dang o’er my daddie, O!
The fien-ma-care, quo’ the feirrie auld wife,
He was but a paidlin’ body, O!
He paidles out, and he paidles in,
An’ he paidles late and early, O!
This seven lang years I hae lien by his side,
An’ he is but a fusionless carlie, O.
O haud your tongue, my feirrie auld wife,
O haud your tongue, now Nansie, O:
I’ve seen the day, and sae hae ye,
Ye wad na ben sae donsie, O.
I’ve seen the day ye butter’d my brose,
And cuddl’d me late and early, O;
But downa-do’s come o’er me now,
And oh, I find it sairly, O!
Poem by
Robert Burns
Biography |
Poems
| Best Poems | Short Poems
| Quotes
|
Email Poem |
More Poems by Robert Burns
Comments, Analysis, and Meaning on 375. Song—The Deuks dang o'er my Daddie
Provide your analysis, explanation, meaning, interpretation, and comments on the poem 375. Song—The Deuks dang o'er my Daddie here.
Commenting turned off, sorry.