Written by
Robert Burns |
GUID-MORNIN’ to our Majesty!
May Heaven augment your blisses
On ev’ry new birth-day ye see,
A humble poet wishes.
My bardship here, at your Levee
On sic a day as this is,
Is sure an uncouth sight to see,
Amang thae birth-day dresses
Sae fine this day.
I see ye’re complimented thrang,
By mony a lord an’ lady;
“God save the King” ’s a cuckoo sang
That’s unco easy said aye:
The poets, too, a venal gang,
Wi’ rhymes weel-turn’d an’ ready,
Wad gar you trow ye ne’er do wrang,
But aye unerring steady,
On sic a day.
For me! before a monarch’s face
Ev’n there I winna flatter;
For neither pension, post, nor place,
Am I your humble debtor:
So, nae reflection on your Grace,
Your Kingship to bespatter;
There’s mony waur been o’ the race,
And aiblins ane been better
Than you this day.
’Tis very true, my sovereign King,
My skill may weel be doubted;
But facts are chiels that winna ding,
An’ downa be disputed:
Your royal nest, beneath your wing,
Is e’en right reft and clouted,
And now the third part o’ the string,
An’ less, will gang aboot it
Than did ae day. 1
Far be’t frae me that I aspire
To blame your legislation,
Or say, ye wisdom want, or fire,
To rule this mighty nation:
But faith! I muckle doubt, my sire,
Ye’ve trusted ministration
To chaps wha in barn or byre
Wad better fill’d their station
Than courts yon day.
And now ye’ve gien auld Britain peace,
Her broken shins to plaister,
Your sair taxation does her fleece,
Till she has scarce a tester:
For me, thank God, my life’s a lease,
Nae bargain wearin’ faster,
Or, faith! I fear, that, wi’ the geese,
I shortly boost to pasture
I’ the craft some day.
I’m no mistrusting Willie Pitt,
When taxes he enlarges,
(An’ Will’s a true guid fallow’s get,
A name not envy spairges),
That he intends to pay your debt,
An’ lessen a’ your charges;
But, God-sake! let nae saving fit
Abridge your bonie barges
An’boats this day.
Adieu, my Liege; may freedom geck
Beneath your high protection;
An’ may ye rax Corruption’s neck,
And gie her for dissection!
But since I’m here, I’ll no neglect,
In loyal, true affection,
To pay your Queen, wi’ due respect,
May fealty an’ subjection
This great birth-day.
Hail, Majesty most Excellent!
While nobles strive to please ye,
Will ye accept a compliment,
A simple poet gies ye?
Thae bonie bairntime, Heav’n has lent,
Still higher may they heeze ye
In bliss, till fate some day is sent
For ever to release ye
Frae care that day.
For you, young Potentate o’Wales,
I tell your highness fairly,
Down Pleasure’s stream, wi’ swelling sails,
I’m tauld ye’re driving rarely;
But some day ye may gnaw your nails,
An’ curse your folly sairly,
That e’er ye brak Diana’s pales,
Or rattl’d dice wi’ Charlie
By night or day.
Yet aft a ragged cowt’s been known,
To mak a noble aiver;
So, ye may doucely fill the throne,
For a’their clish-ma-claver:
There, him 2 at Agincourt wha shone,
Few better were or braver:
And yet, wi’ funny, ***** Sir John, 3
He was an unco shaver
For mony a day.
For you, right rev’rend Osnaburg,
Nane sets the lawn-sleeve sweeter,
Altho’ a ribbon at your lug
Wad been a dress completer:
As ye disown yon paughty dog,
That bears the keys of Peter,
Then swith! an’ get a wife to hug,
Or trowth, ye’ll stain the mitre
Some luckless day!
Young, royal Tarry-breeks, I learn,
Ye’ve lately come athwart her—
A glorious galley, 4 stem and stern,
Weel rigg’d for Venus’ barter;
But first hang out, that she’ll discern,
Your hymeneal charter;
Then heave aboard your grapple airn,
An’ large upon her quarter,
Come full that day.
Ye, lastly, bonie blossoms a’,
Ye royal lasses dainty,
Heav’n mak you guid as well as braw,
An’ gie you lads a-plenty!
But sneer na British boys awa!
For kings are unco scant aye,
An’ German gentles are but sma’,
They’re better just than want aye
On ony day.
Gad bless you a’! consider now,
Ye’re unco muckle dautit;
But ere the course o’ life be through,
It may be bitter sautit:
An’ I hae seen their coggie fou,
That yet hae tarrow’t at it.
But or the day was done, I trow,
The laggen they hae clautit
Fu’ clean that day.
Note 1. The American colonies had recently been lost. [back]
Note 2. King Henry V.—R. B. [back]
Note 3. Sir John Falstaff, vid. Shakespeare.—R. B. [back]
Note 4. Alluding to the newspaper account of a certain Royal sailor’s amour.—R. B. This was Prince William Henry, third son of George III, afterward King William IV. [back]
|
Written by
Lascelles Abercrombie |
All round the knoll, on days of quietest air,
Secrets are being told; and if the trees
Speak out — let them make uproar loud as drums —
'Tis secrets still, shouted instead of whisper'd.
There must have been a warning given once:
No tree, on pain of withering and sawfly,
To reach the slimmest of his snaky toes
Into this mounded sward and rumple it;
All trees stand back: taboo is on this soil. —
The trees have always scrupulously obeyed.
The grass, that elsewhere grows as best it may
Under the larches, countable long nesh blades,
Here in clear sky pads the ground thick and close
As wool upon a Southdown wether's back;
And as in Southdown wool, your hand must sink
Up to the wrist before it find the roots.
A bed for summer afternoons, this grass;
But in the Spring, not too softly entangling
For lively feet to dance on, when the green
Flashes with daffodils. From Marcle way,
From Dymock, Kempley, Newent, Bromesberrow,
Redmarley, all the meadowland daffodils seem
Running in golden tides to Ryton Firs,
To make the knot of steep little wooded hills
Their brightest show: O bella età de l'oro!
Now I breathe you again, my woods of Ryton:
Not only golden with your daffodil-fires
Lying in pools on the loose dusky ground
Beneath the larches, tumbling in broad rivers
Down sloping grass under the cherry trees
And birches: but among your branches clinging
A mist of that Ferrara-gold I first
Loved in the easy hours then green with you;
And as I stroll about you now, I have
Accompanying me — like troops of lads and lasses
Chattering and dancing in a shining fortune —
Those mornings when your alleys of long light
And your brown rosin-scented shadows were
Enchanted with the laughter of my boys.
|
Written by
Robert Burns |
EXPECT na, sir, in this narration,
A fleechin, fleth’rin Dedication,
To roose you up, an’ ca’ you guid,
An’ sprung o’ great an’ noble bluid,
Because ye’re surnam’d like His Grace—
Perhaps related to the race:
Then, when I’m tir’d-and sae are ye,
Wi’ mony a fulsome, sinfu’ lie,
Set up a face how I stop short,
For fear your modesty be hurt.
This may do—maun do, sir, wi’ them wha
Maun please the great folk for a wamefou;
For me! sae laigh I need na bow,
For, Lord be thankit, I can plough;
And when I downa yoke a naig,
Then, Lord be thankit, I can beg;
Sae I shall say—an’ that’s nae flatt’rin—
It’s just sic Poet an’ sic Patron.
The Poet, some guid angel help him,
Or else, I fear, some ill ane skelp him!
He may do weel for a’ he’s done yet,
But only—he’s no just begun yet.
The Patron (sir, ye maun forgie me;
I winna lie, come what will o’ me),
On ev’ry hand it will allow’d be,
He’s just—nae better than he should be.
I readily and freely grant,
He downa see a poor man want;
What’s no his ain, he winna tak it;
What ance he says, he winna break it;
Ought he can lend he’ll no refus’t,
Till aft his guidness is abus’d;
And rascals whiles that do him wrang,
Ev’n that, he does na mind it lang;
As master, landlord, husband, father,
He does na fail his part in either.
But then, nae thanks to him for a’that;
Nae godly symptom ye can ca’ that;
It’s naething but a milder feature
Of our poor, sinfu’ corrupt nature:
Ye’ll get the best o’ moral works,
’Mang black Gentoos, and pagan Turks,
Or hunters wild on Ponotaxi,
Wha never heard of orthodoxy.
That he’s the poor man’s friend in need,
The gentleman in word and deed,
It’s no thro’ terror of damnation;
It’s just a carnal inclination.
Morality, thou deadly bane,
Thy tens o’ thousands thou hast slain!
Vain is his hope, whase stay an’ trust is
In moral mercy, truth, and justice!
No—stretch a point to catch a plack:
Abuse a brother to his back;
Steal through the winnock frae a whore,
But point the rake that taks the door;
Be to the poor like ony whunstane,
And haud their noses to the grunstane;
Ply ev’ry art o’ legal thieving;
No matter—stick to sound believing.
Learn three-mile pray’rs, an’ half-mile graces,
Wi’ weel-spread looves, an’ lang, wry faces;
Grunt up a solemn, lengthen’d groan,
And damn a’ parties but your own;
I’ll warrant they ye’re nae deceiver,
A steady, sturdy, staunch believer.
O ye wha leave the springs o’ Calvin,
For gumlie dubs of your ain delvin!
Ye sons of Heresy and Error,
Ye’ll some day squeel in quaking terror,
When Vengeance draws the sword in wrath.
And in the fire throws the sheath;
When Ruin, with his sweeping besom,
Just frets till Heav’n commission gies him;
While o’er the harp pale Misery moans,
And strikes the ever-deep’ning tones,
Still louder shrieks, and heavier groans!
Your pardon, sir, for this digression:
I maist forgat my Dedication;
But when divinity comes ’cross me,
My readers still are sure to lose me.
So, sir, you see ’twas nae daft vapour;
But I maturely thought it proper,
When a’ my works I did review,
To dedicate them, sir, to you:
Because (ye need na tak it ill),
I thought them something like yoursel’.
Then patronize them wi’ your favor,
And your petitioner shall ever——
I had amaist said, ever pray,
But that’s a word I need na say;
For prayin, I hae little skill o’t,
I’m baith dead-sweer, an’ wretched ill o’t;
But I’se repeat each poor man’s pray’r,
That kens or hears about you, sir.——
“May ne’er Misfortune’s gowling bark,
Howl thro’ the dwelling o’ the clerk!
May ne’er his genrous, honest heart,
For that same gen’rous spirit smart!
May Kennedy’s far-honour’d name
Lang beet his hymeneal flame,
Till Hamiltons, at least a dizzen,
Are frae their nuptial labours risen:
Five bonie lasses round their table,
And sev’n braw fellows, stout an’ able,
To serve their king an’ country weel,
By word, or pen, or pointed steel!
May health and peace, with mutual rays,
Shine on the ev’ning o’ his days;
Till his wee, curlie John’s ier-oe,
When ebbing life nae mair shall flow,
The last, sad, mournful rites bestow!”
I will not wind a lang conclusion,
With complimentary effusion;
But, whilst your wishes and endeavours
Are blest with Fortune’s smiles and favours,
I am, dear sir, with zeal most fervent,
Your much indebted, humble servant.
But if (which Pow’rs above prevent)
That iron-hearted carl, Want,
Attended, in his grim advances,
By sad mistakes, and black mischances,
While hopes, and joys, and pleasures fly him,
Make you as poor a dog as I am,
Your humble servant then no more;
For who would humbly serve the poor?
But, by a poor man’s hopes in Heav’n!
While recollection’s pow’r is giv’n—
If, in the vale of humble life,
The victim sad of fortune’s strife,
I, thro’ the tender-gushing tear,
Should recognise my master dear;
If friendless, low, we meet together,
Then, sir, your hand—my Friend and Brother!
|
Written by
Robert Burns |
A Tale
"Of Brownyis and of Bogilis full is this Buke."
—Gawin Douglas.
When chapman billies leave the street,
And drouthy neebors neebors meet,
As market-days are wearing late,
An' folk begin to tak' the gate;
While we sit bousing at the nappy,
An' getting fou and unco happy,
We think na on the lang Scots miles,
The mosses, waters, slaps, and stiles,
That lie between us and our hame,
Whare sits our sulky, sullen dame,
Gathering her brows like gathering storm,
Nursing her wrath to keep it warm.
This truth fand honest Tam o'Shanter,
As he frae Ayr ae night did canter,
(Auld Ayr, wham ne'er a town surpasses,
For honest men and bonie lasses).
O Tam! hadst thou but been sae wise,
As ta'en thy ain wife Kate's advice!
She tauld thee weel thou was a skellum,
A blethering, blustering, drunken blellum,
That frae November till October,
Ae market-day thou was nae sober;
That ilka melder, wi' the miller,
Thou sat as lang as thou had siller;
That ev'ry naig was ca'd a shoe on,
The smith and thee gat roarin fou on;
That at the Lord's house, ev'n on Sunday,
Thou drank wi' Kirkton Jean till Monday.
She prophesied that, late or soon,
Thou would be found deep drowned in Doon;
Or catched wi' warlocks in the mirk,
By Alloway's auld haunted kirk.
Ah, gentle dames! it gars me greet,
To think how mony counsels sweet,
How mony lengthened sage advices,
The husband frae the wife despises!
But to our tale: Ae market-night,
Tam had got planted unco right;
Fast by an ingle, bleezing finely,
Wi' reaming swats, that drank divinely;
And at his elbow, Souter Johnny,
His ancient, trusty, drouthy crony;
Tam lo'ed him like a vera brither;
They had been fou for weeks thegither.
The night drave on wi' sangs an' clatter;
And aye the ale was growing better:
The landlady and Tam grew gracious,
Wi' favours, secret, sweet, and precious:
The Souter tauld his queerest stories;
The landlord's laugh was ready chorus:
The storm without might rair and rustle,
Tam did na mind the storm a whistle.
Care, mad to see a man sae happy,
E'en drowned himself amang the nappy;
As bees flee hame wi' lades o' treasure,
The minutes winged their way wi' pleasure:
Kings may be blest, but Tam was glorious,
O'er a' the ills o' life victorious!
But pleasures are like poppies spread,
You seize the flow'r, its bloom is shed;
Or like the snow falls in the river,
A moment white—then melts for ever;
Or like the borealis race,
That flit ere you can point their place;
Or like the rainbow's lovely form
Evanishing amid the storm.—
Nae man can tether time or tide;
The hour approaches Tam maun ride;
That hour, o' night's black arch the key-stane,
That dreary hour he mounts his beast in;
And sic a night he tak's the road in,
As ne'er poor sinner was abroad in.
The wind blew as 'twad blawn its last;
The rattling showers rose on the blast;
The speedy gleams the darkness swallowed;
Loud, deep, and lang the thunder bellowed:
That night, a child might understand,
The De'il had business on his hand.
Weel mounted on his grey mare, Meg,
A better never lifted leg,
Tam skelpit on thro' dub and mire,
Despising wind, and rain, and fire;
Whiles holding fast his gude blue bonnet;
Whiles crooning o'er some auld Scots sonnet;
Whiles glow'rin round wi' prudent cares,
Lest bogles catch him unawares;
Kirk-Alloway was drawing nigh,
Whare ghaists and houlets nightly cry.
By this time he was cross the ford,
Whare in the snaw the chapman smoored;
And past the birks and meikle stane,
Whare drunken Charlie brak's neck-bane;
And thro' the whins, and by the cairn,
Whare hunters fand the murdered bairn;
And near the thorn, aboon the well,
Whare Mungo's mither hanged hersel'.
Before him Doon pours all his floods;
The doubling storm roars thro' the woods;
The lightnings flash from pole to pole;
Near and more near the thunders roll;
When, glimmering thro' the groaning trees,
Kirk-Alloway seemed in a bleeze;
Thro' ilka bore the beams were glancing;
And loud resounded mirth and dancing.
Inspiring bold John Barleycorn!
What dangers thou canst mak' us scorn!
Wi' tippenny, we fear nae evil;
Wi' usquabae, we'll face the devil!
The swats sae reamed in Tammie's noddle,
Fair play, he cared na deils a boddle.
But Maggie stood right sair astonished,
Till, by the heel and hand admonished,
She ventured forward on the light;
And, wow! Tam saw an unco sight!
Warlocks and witches in a dance;
Nae cotillion, brent new frae France,
But hornpipes, jigs, strathspeys, and reels,
Put life and mettle in their heels.
A winnock-bunker in the east,
There sat auld Nick, in shape o' beast;
A towzie tyke, black, grim, and large,
To gie them music was his charge:
He screwed the pipes and gart them skirl,
Till roof and rafters a' did dirl.—
Coffins stood round, like open presses,
That shawed the Dead in their last dresses;
And by some devilish cantraip sleight
Each in its cauld hand held a light,
By which heroic Tam was able
To note upon the haly table,
A murderer's banes in gibbet-airns;
Twa span-lang, wee, unchristened bairns;
A thief, new-cutted frae a rape,
Wi' his last gasp his gab did gape;
Five tomahawks, wi' blude red-rusted;
Five scimitars, wi' murder crusted;
A garter, which a babe had strangled;
A knife, a father's throat had mangled,
Whom his ain son o' life bereft,
The grey hairs yet stack to the heft;
Wi' mair of horrible and awfu',
Which even to name wad be unlawfu'.
As Tammie glowered, amazed and curious,
The mirth and fun grew fast and furious:
The Piper loud and louder blew;
The dancers quick and quicker flew;
They reeled, they set, they crossed, they cleekit,
Till ilka carlin swat and reekit,
And coost her duddies to the wark,
And linket at it in her sark!
Now Tam, O Tam! had they been queans,
A' plump and strapping in their teens;
Their sarks, instead o' creeshie flainen,
Been snaw-white seventeen hunder linen!—
Thir breeks o' mine, my only pair,
That ance were plush, o' gude blue hair,
I wad hae gi'en them off my hurdies,
For ae blink o' the bonie burdies!
But withered beldams, auld and droll,
Rigwoodie hags wad spean a foal,
Lowping and flinging on a crummock,
I wonder didna turn thy stomach.
But Tam kenned what was what fu' brawlie:
`There was ae winsome wench and waulie',
That night enlisted in the core
(Lang after kenned on Carrick shore;
For mony a beast to dead she shot,
And perished mony a bonie boat,
And shook baith meikle corn and bear,
And kept the country-side in fear);
Her cutty sark, o' Paisley harn,
That while a lassie she had worn,
In longitude tho' sorely scanty,
It was her best, and she was vauntie.
Ah! little kenned thy reverend grannie,
That sark she coft for her wee Nannie,
Wi' twa pund Scots ('twas a' her riches),
Wad ever graced a dance of witches!
But here my Muse her wing maun cour,
Sic flights are far beyond her power;
To sing how Nannie lap and flang,
(A souple jade she was and strang),
And how Tam stood, like ane bewitched,
And thought his very een enriched;
Even Satan glowered, and fidged fu' fain,
And hotched and blew wi' might and main:
Till first ae caper, syne anither,
Tam tint his reason a' thegither,
And roars out, "Weel done, Cutty-sark!"
And in an instant all was dark:
And scarcely had he Maggie rallied,
When out the hellish legion sallied.
As bees bizz out wi' angry fyke,
When plundering herds assail their byke;
As open pussie's mortal foes,
When, pop! she starts before their nose;
As eager runs the market-crowd,
When "Catch the thief!" resounds aloud;
So Maggie runs, the witches follow,
Wi' mony an eldritch screech and hollow.
Ah, Tam! ah, Tam! thou'll get thy fairin!
In hell they'll roast thee like a herrin!
In vain thy Kate awaits thy comin!
Kate soon will be a woefu' woman!
Now, do thy speedy utmost, Meg,
And win the key-stane of the brig;
There at them thou thy tail may toss,
A running stream they dare na cross.
But ere the key-stane she could make,
The fient a tail she had to shake!
For Nannie, far before the rest,
Hard upon noble Maggie prest,
And flew at Tam wi' furious ettle;
But little wist she Maggie's mettle—
Ae spring brought off her master hale,
But left behind her ain grey tail:
The carlin claught her by the rump,
And left poor Maggie scarce a stump.
Now, wha this tale o' truth shall read,
Ilk man and mother's son, take heed:
Whene'er to drink you are inclined,
Or cutty-sarks run in your mind,
Think, ye may buy the joys o'er dear,
Remember Tam o'Shanter's mare.
|
Written by
William Blake |
When silver snow decks Susan's clothes,
And jewel hangs at th' shepherd's nose,
The blushing bank is all my care,
With hearth so red, and walls so fair;
`Heap the sea-coal, come, heap it higher,
The oaken log lay on the fire.'
The well-wash'd stools, a circling row,
With lad and lass, how fair the show!
The merry can of nut-brown ale,
The laughing jest, the love-sick tale,
Till, tir'd of chat, the game begins.
The lasses prick the lads with pins;
Roger from Dolly twitch'd the stool,
She, falling, kiss'd the ground, poor fool!
She blush'd so red, with sidelong glance
At hob-nail Dick, who griev'd the chance.
But now for Blind man's Buff they call;
Of each encumbrance clear the hall--
Jenny her silken 'kerchief folds,
And blear-eyed Will the black lot holds.
Now laughing stops, with `Silence! hush!'
And Peggy Pout gives Sam a push.
The Blind man's arms, extended wide,
Sam slips between:--`O woe betide
Thee, clumsy Will!'--but titt'ring Kate
Is penn'd up in the corner straight!
And now Will's eyes beheld the play;
He thought his face was t'other way.
`Now, Kitty, now! what chance hast thou,
Roger so near thee!--Trips, I vow!'
She catches him--then Roger ties
His own head up--but not his eyes;
For thro' the slender cloth he sees,
And runs at Sam, who slips with ease
His clumsy hold; and, dodging round,
Sukey is tumbled on the ground!--
`See what it is to play unfair!
Where cheating is, there's mischief there.'
But Roger still pursues the chase,--
`He sees! he sees!' cries, softly, Grace;
`O Roger, thou, unskill'd in art,
Must, surer bound, go thro' thy part!'
Now Kitty, pert, repeats the rimes,
And Roger turns him round three times,
Then pauses ere he starts--but Dick
Was mischief bent upon a trick;
Down on his hands and knees he lay
Directly in the Blind man's way,
Then cries out `Hem!' Hodge heard, and ran
With hood-wink'd chance--sure of his man;
But down he came. -- Alas, how frail
Our best of hopes, how soon they fail!
With crimson drops he stains the ground;
Confusion startles all around.
Poor piteous Dick supports his head,
And fain would cure the hurt he made.
But Kitty hasted with a key,
And down his back they straight convey
The cold relief; the blood is stay'd,
And Hodge again holds up his head.
Such are the fortunes of the game,
And those who play should stop the same
By wholesome laws; such as all those
Who on the blinded man impose
Stand in his stead; as, long a-gone,
When men were first a nation grown,
Lawless they liv'd, till wantonness
A 1000 nd liberty began t' increase,
And one man lay in another's way;
Then laws were made to keep fair play.
|
Written by
Robert Burns |
O ONCE I lov’d a bonie lass,
Ay, and I love her still;
And whilst that virtue warms my breast,
I’ll love my handsome Nell.
As bonie lasses I hae seen,
And mony full as braw;
But, for a modest gracefu’ mein,
The like I never saw.
A bonie lass, I will confess,
Is pleasant to the e’e;
But, without some better qualities,
She’s no a lass for me.
But Nelly’s looks are blythe and sweet,
And what is best of a’,
Her reputation is complete,
And fair without a flaw.
She dresses aye sae clean and neat,
Both decent and genteel;
And then there’s something in her gait
Gars ony dress look weel.
A gaudy dress and gentle air
May slightly touch the heart;
But it’s innocence and modesty
That polishes the dart.
’Tis this in Nelly pleases me,
’Tis this enchants my soul;
For absolutely in my breast
She reigns without control.
Note 1. The first of my performances.—R. B. [back]
|
Written by
John Masefield |
OH some are fond of red wine, and some are fond of white,
And some are all for dancing by the pale moonlight;
But rum alone's the tipple, and the heart's delight
Of the old bold mate of Henry Morgan.
Oh some are fond of Spanish wine, and some are fond of French,
And some'll swallow tay and stuff fit only for a wench;
But I'm for right Jamaica till I roll beneath the bench,
Says the old bold mate of Henry Morgan.
Oh some are for the lily, and some are for the rose,
But I am for the sugar-cane that in Jamaica grows;
For it's that that makes the bonny drink to warm my copper nose,
Says the old bold mate of Henry Morgan.
Oh some are fond of fiddles, and a song well sung,
And some are all for music for to lilt upon the tongue;
But mouths were made for tankards, and for sucking at the bung,
Says the old bold mate of Henry Morgan.
Oh some are fond of dancing, and some are fond of dice,
And some are all for red lips, and pretty lasses' eyes;
But a right Jamaica puncheon is a finer prize
To the old bold mate of Henry Morgan.
Oh some that's good and godly ones they hold that it's a sin
To troll the jolly bowl around, and let the dollars spin;
But I'm for toleration and for drinking at an inn,
Says the old bold mate of Henry Morgan.
Oh some are sad and wretched folk that go in silken suits,
And there's a mort of wicked rogues that live in good reputes;
So I'm for drinking honestly, and dying in my boots,
Like an old bold mate of Henry Morgan.
|
Written by
Matthew Prior |
Releas'd from the noise of the butcher and baker
Who, my old friends be thanked, did seldom forsake her,
And from the soft duns of my landlord the Quaker,
From chiding the footmen and watching the lasses,
From Nell that burn'd milk, and Tom that broke glasses
(Sad mischiefs thro' which a good housekeeper passes!)
From some real care but more fancied vexation,
From a life parti-colour'd half reason half passion,
Here lies after all the best wench in the nation.
From the Rhine to the Po, from the Thames to the Rhone,
Joanna or Janneton, Jinny or Joan,
'Twas all one to her by what name she was known.
For the idiom of words very little she heeded,
Provided the matter she drove at succeeded,
She took and gave languages just as she needed.
So for kitchen and market, for bargain and sale,
She paid English or Dutch or French down on the nail,
But in telling a story she sometimes did fail;
Then begging excuse as she happen'd to stammer,
With respect to her betters but none to her grammar,
Her blush helped her out and her jargon became her.
Her habit and mien she endeavor'd to frame
To the different gout of the place where she came;
Her outside still chang'd, but her inside the same:
At the Hague in her slippers and hair as the mode is,
At Paris all falbalow'd fine as a goddess,
And at censuring London in smock sleeves and bodice.
She order'd affairs that few people could tell
In what part about her that mixture did dwell
Of Frow, or Mistress, or Mademoiselle.
For her surname and race let the herald's e'en answer;
Her own proper worth was enough to advance her,
And he who liked her, little value her grandsire.
But from what house so ever her lineage may come
I wish my own Jinny but out of her tomb,
Tho' all her relations were there in her room.
Of such terrible beauty she never could boast
As with absolute sway o'er all hearts rules the roast
When J___ bawls out to the chair for a toast;
But of good household features her person was made,
Nor by faction cried up nor of censure afraid,
And her beauty was rather for use than parade.
Her blood so well mix't and flesh so well pasted
That, tho' her youth faded, her comeliness lasted;
The blue was wore off, but the plum was well tasted.
Less smooth than her skin and less white than her breast
Was this polished stone beneath which she lies pressed:
Stop, reader, and sigh while thou thinkst on the rest.
With a just trim of virtue her soul was endued,
Not affectedly pious nor secretly lewd
She cut even between the coquette and the prude.
Her will with her duty so equally stood
That, seldom oppos'd, she was commonly good,
And did pretty well, doing just what she would.
Declining all power she found means to persuade,
Was then most regarded when most she obey'd,
The mistress in truth when she seem'd but the maid.
Such care of her own proper actions she took
That on other folk's lives she had not time to look,
So censure and praise were struck out of her book.
Her thought still confin'd to its own little sphere,
She minded not who did excel or did err
But just as the matter related to her.
Then too when her private tribunal was rear'd
Her mercy so mix'd with her judgment appear'd
That her foes were condemn'd and her friends always clear'd.
Her religion so well with her learning did suit
That in practice sincere, and in controverse mute,
She showed she knew better to live than dispute.
Some parts of the Bible by heart she recited,
And much in historical chapters delighted,
But in points about Faith she was something short sighted;
So notions and modes she refer'd to the schools,
And in matters of conscience adher'd to two rules,
To advise with no bigots, and jest with no fools.
And scrupling but little, enough she believ'd,
By charity ample small sins she retriev'd,
And when she had new clothes she always receiv'd.
Thus still whilst her morning unseen fled away
In ord'ring the linen and making the tea
That scarce could have time for the psalms of the day;
And while after dinner the night came so soon
That half she propos'd very seldom was done;
With twenty God bless me's, how this day is gone! --
While she read and accounted and paid and abated,
Eat and drank, play'd and work'd, laugh'd and cried, lov'd and hated,
As answer'd the end of her being created:
In the midst of her age came a cruel disease
Which neither her juleps nor receipts could appease;
So down dropp'd her clay -- may her Soul be at peace!
Retire from this sepulchre all the profane,
You that love for debauch, or that marry for gain,
Retire lest ye trouble the Manes of J___.
But thou that know'st love above int'rest or lust,
Strew the myrle and rose on this once belov'd dust,
And shed one pious tear upon Jinny the Just.
Tread soft on her grave, and do right to her honor,
Let neither rude hand nor ill tongue light upon her,
Do all the small favors that now can be done her.
And when what thou lik'd shall return to her clay,
For so I'm persuaded she must do one day
-- Whatever fantastic John Asgill may say --
When as I have done now, thou shalt set up a stone
For something however distinguished or known,
May some pious friend the misfortune bemoan,
And make thy concern by reflexion his own.
|
Written by
Robert Burns |
ON Cessnock banks a lassie dwells;
Could I describe her shape and mein;
Our lasses a’ she far excels,
An’ she has twa sparkling roguish een.
She’s sweeter than the morning dawn,
When rising Phoebus first is seen,
And dew-drops twinkle o’er the lawn;
An’ she has twa sparkling roguish een.
She’s stately like yon youthful ash,
That grows the cowslip braes between,
And drinks the stream with vigour fresh;
An’ she has twa sparkling roguish een.
She’s spotless like the flow’ring thorn,
With flow’rs so white and leaves so green,
When purest in the dewy morn;
An’ she has twa sparkling roguish een.
Her looks are like the vernal May,
When ev’ning Phoebus shines serene,
While birds rejoice on every spray;
An’ she has twa sparkling roguish een.
Her hair is like the curling mist,
That climbs the mountain-sides at e’en,
When flow’r-reviving rains are past;
An’ she has twa sparkling roguish een.
Her forehead’s like the show’ry bow,
When gleaming sunbeams intervene
And gild the distant mountain’s brow;
An’ she has twa sparkling roguish een.
Her cheeks are like yon crimson gem,
The pride of all the flowery scene,
Just opening on its thorny stem;
An’ she has twa sparkling roguish een.
Her bosom’s like the nightly snow,
When pale the morning rises keen,
While hid the murm’ring streamlets flow;
An’ she has twa sparkling roguish een.
Her lips are like yon cherries ripe,
That sunny walls from Boreas screen;
They tempt the taste and charm the sight;
An’ she has twa sparkling roguish een.
Her teeth are like a flock of sheep,
With fleeces newly washen clean,
That slowly mount the rising steep;
An’ she has twa sparkling roguish een.
Her breath is like the fragrant breeze,
That gently stirs the blossom’d bean,
When Phoebus sinks behind the seas;
An’ she has twa sparkling roguish een.
Her voice is like the ev’ning thrush,
That sings on Cessnock banks unseen,
While his mate sits nestling in the bush;
An’ she has twa sparkling roguish een.
But it’s not her air, her form, her face,
Tho’ matching beauty’s fabled queen;
’Tis the mind that shines in ev’ry grace,
An’ chiefly in her roguish een.
Note 1. The lass is identified as Ellison Begbie, a servant wench, daughter of a farmer.—Lang. [back]
|
Written by
Robert Burns |
A’ YE wha live by sowps o’ drink,
A’ ye wha live by crambo-clink,
A’ ye wha live and never think,
Come, mourn wi’ me!
Our billie ’s gien us a’ a jink,
An’ owre the sea!
Lament him a’ ye rantin core,
Wha dearly like a random splore;
Nae mair he’ll join the merry roar;
In social key;
For now he’s taen anither shore.
An’ owre the sea!
The bonie lasses weel may wiss him,
And in their dear petitions place him:
The widows, wives, an’ a’ may bless him
Wi’ tearfu’ e’e;
For weel I wat they’ll sairly miss him
That’s owre the sea!
O Fortune, they hae room to grumble!
Hadst thou taen aff some drowsy bummle,
Wha can do nought but fyke an’ fumble,
’Twad been nae plea;
But he was gleg as ony wumble,
That’s owre the sea!
Auld, cantie Kyle may weepers wear,
An’ stain them wi’ the saut, saut tear;
’Twill mak her poor auld heart, I fear,
In flinders flee:
He was her Laureat mony a year,
That’s owre the sea!
He saw Misfortune’s cauld nor-west
Lang mustering up a bitter blast;
A jillet brak his heart at last,
Ill may she be!
So, took a berth afore the mast,
An’ owre the sea.
To tremble under Fortune’s cummock,
On a scarce a bellyfu’ o’ drummock,
Wi’ his proud, independent stomach,
Could ill agree;
So, row’t his hurdies in a hammock,
An’ owre the sea.
He ne’er was gien to great misguidin,
Yet coin his pouches wad na bide in;
Wi’ him it ne’er was under hiding;
He dealt it free:
The Muse was a’ that he took pride in,
That’s owre the sea.
Jamaica bodies, use him weel,
An’ hap him in cozie biel:
Ye’ll find him aye a dainty chiel,
An’ fou o’ glee:
He wad na wrang’d the vera deil,
That’s owre the sea.
Farewell, my rhyme-composing billie!
Your native soil was right ill-willie;
But may ye flourish like a lily,
Now bonilie!
I’ll toast you in my hindmost gillie,
Tho’ owre the sea!
|