Written by
Robert Burns |
THE LADDIES by the banks o’ Nith
Wad trust his Grace 1 wi a’, Jamie;
But he’ll sair them, as he sair’d the King—
Turn tail and rin awa’, Jamie.
Chorus.—Up and waur them a’, Jamie,
Up and waur them a’;
The Johnstones hae the guidin o’t,
Ye turncoat Whigs, awa’!
The day he stude his country’s friend,
Or gied her faes a claw, Jamie,
Or frae puir man a blessin wan,
That day the Duke ne’er saw, Jamie.
Up and waur them, &c.
But wha is he, his country’s boast?
Like him there is na twa, Jamie;
There’s no a callent tents the kye,
But kens o’ Westerha’, Jamie.
Up and waur them, &c.
To end the wark, here’s Whistlebirk,
Lang may his whistle blaw, Jamie;
And Maxwell true, o’ sterling blue;
And we’ll be Johnstones a’, Jamie.
Up and waur them, &c.
|
Written by
Robert Burns |
I GAT your letter, winsome Willie;
Wi’ gratefu’ heart I thank you brawlie;
Tho’ I maun say’t, I wad be silly,
And unco vain,
Should I believe, my coaxin billie
Your flatterin strain.
But I’se believe ye kindly meant it:
I sud be laith to think ye hinted
Ironic satire, sidelins sklented
On my poor Musie;
Tho’ in sic phraisin terms ye’ve penn’d it,
I scarce excuse ye.
My senses wad be in a creel,
Should I but dare a hope to speel
Wi’ Allan, or wi’ Gilbertfield,
The braes o’ fame;
Or Fergusson, the writer-chiel,
A deathless name.
(O Fergusson! thy glorious parts
Ill suited law’s dry, musty arts!
My curse upon your whunstane hearts,
Ye E’nbrugh gentry!
The tithe o’ what ye waste at cartes
Wad stow’d his pantry!)
Yet when a tale comes i’ my head,
Or lassies gie my heart a screed—
As whiles they’re like to be my dead,
(O sad disease!)
I kittle up my rustic reed;
It gies me ease.
Auld Coila now may fidge fu’ fain,
She’s gotten poets o’ her ain;
Chiels wha their chanters winna hain,
But tune their lays,
Till echoes a’ resound again
Her weel-sung praise.
Nae poet thought her worth his while,
To set her name in measur’d style;
She lay like some unkenn’d-of-isle
Beside New Holland,
Or whare wild-meeting oceans boil
Besouth Magellan.
Ramsay an’ famous Fergusson
Gied Forth an’ Tay a lift aboon;
Yarrow an’ Tweed, to monie a tune,
Owre Scotland rings;
While Irwin, Lugar, Ayr, an’ Doon
Naebody sings.
Th’ Illissus, Tiber, Thames, an’ Seine,
Glide sweet in monie a tunefu’ line:
But Willie, set your fit to mine,
An’ cock your crest;
We’ll gar our streams an’ burnies shine
Up wi’ the best!
We’ll sing auld Coila’s plains an’ fells,
Her moors red-brown wi’ heather bells,
Her banks an’ braes, her dens and dells,
Whare glorious Wallace
Aft bure the gree, as story tells,
Frae Suthron billies.
At Wallace’ name, what Scottish blood
But boils up in a spring-tide flood!
Oft have our fearless fathers strode
By Wallace’ side,
Still pressing onward, red-wat-shod,
Or glorious died!
O, sweet are Coila’s haughs an’ woods,
When lintwhites chant amang the buds,
And jinkin hares, in amorous whids,
Their loves enjoy;
While thro’ the braes the cushat croods
With wailfu’ cry!
Ev’n winter bleak has charms to me,
When winds rave thro’ the naked tree;
Or frosts on hills of Ochiltree
Are hoary gray;
Or blinding drifts wild-furious flee,
Dark’ning the day!
O Nature! a’ thy shews an’ forms
To feeling, pensive hearts hae charms!
Whether the summer kindly warms,
Wi’ life an light;
Or winter howls, in gusty storms,
The lang, dark night!
The muse, nae poet ever fand her,
Till by himsel he learn’d to wander,
Adown some trottin burn’s meander,
An’ no think lang:
O sweet to stray, an’ pensive ponder
A heart-felt sang!
The war’ly race may drudge an’ drive,
Hog-shouther, jundie, stretch, an’ strive;
Let me fair Nature’s face descrive,
And I, wi’ pleasure,
Shall let the busy, grumbling hive
Bum owre their treasure.
Fareweel, “my rhyme-composing” brither!
We’ve been owre lang unkenn’d to ither:
Now let us lay our heads thegither,
In love fraternal:
May envy wallop in a tether,
Black fiend, infernal!
While Highlandmen hate tools an’ taxes;
While moorlan’s herds like guid, fat braxies;
While terra firma, on her axis,
Diurnal turns;
Count on a friend, in faith an’ practice,
In Robert Burns.
POSTCRIPTMY memory’s no worth a preen;
I had amaist forgotten clean,
Ye bade me write you what they mean
By this “new-light,”
’Bout which our herds sae aft hae been
Maist like to fight.
In days when mankind were but callans
At grammar, logic, an’ sic talents,
They took nae pains their speech to balance,
Or rules to gie;
But spak their thoughts in plain, braid lallans,
Like you or me.
In thae auld times, they thought the moon,
Just like a sark, or pair o’ shoon,
Wore by degrees, till her last roon
Gaed past their viewin;
An’ shortly after she was done
They gat a new ane.
This passed for certain, undisputed;
It ne’er cam i’ their heads to doubt it,
Till chiels gat up an’ wad confute it,
An’ ca’d it wrang;
An’ muckle din there was about it,
Baith loud an’ lang.
Some herds, weel learn’d upo’ the beuk,
Wad threap auld folk the thing misteuk;
For ’twas the auld moon turn’d a neuk
An’ out of’ sight,
An’ backlins-comin to the leuk
She grew mair bright.
This was deny’d, it was affirm’d;
The herds and hissels were alarm’d
The rev’rend gray-beards rav’d an’ storm’d,
That beardless laddies
Should think they better wer inform’d,
Than their auld daddies.
Frae less to mair, it gaed to sticks;
Frae words an’ aiths to clours an’ nicks;
An monie a fallow gat his licks,
Wi’ hearty crunt;
An’ some, to learn them for their tricks,
Were hang’d an’ brunt.
This game was play’d in mony lands,
An’ auld-light caddies bure sic hands,
That faith, the youngsters took the sands
Wi’ nimble shanks;
Till lairds forbad, by strict commands,
Sic bluidy pranks.
But new-light herds gat sic a cowe,
Folk thought them ruin’d stick-an-stowe;
Till now, amaist on ev’ry knowe
Ye’ll find ane plac’d;
An’ some their new-light fair avow,
Just quite barefac’d.
Nae doubt the auld-light flocks are bleatin;
Their zealous herds are vex’d an’ sweatin;
Mysel’, I’ve even seen them greetin
Wi’ girnin spite,
To hear the moon sae sadly lied on
By word an’ write.
But shortly they will cowe the louns!
Some auld-light herds in neebor touns
Are mind’t, in things they ca’ balloons,
To tak a flight;
An’ stay ae month amang the moons
An’ see them right.
Guid observation they will gie them;
An’ when the auld moon’s gaun to lea’e them,
The hindmaist shaird, they’ll fetch it wi’ them
Just i’ their pouch;
An’ when the new-light billies see them,
I think they’ll crouch!
Sae, ye observe that a’ this clatter
Is naething but a “moonshine matter”;
But tho’ dull prose-folk Latin splatter
In logic tulyie,
I hope we bardies ken some better
Than mind sic brulyie.
|
Written by
Eugene Field |
There were two little skeezucks who lived in the isle
Of Boo in a southern sea;
They clambered and rollicked in heathenish style
In the boughs of their cocoanut tree.
They didn't fret much about clothing and such
And they recked not a whit of the ills
That sometimes accrue
From having to do
With tailor and laundry bills.
The two little skeezucks once heard of a Fair
Far off from their native isle,
And they asked of King Fan if they mightn't go there
To take in the sights for awhile.
Now old King Fan
Was a good-natured man
(As good-natured monarchs go),
And howbeit he swore that all Fairs were a bore,
He hadn't the heart to say "No."
So the two little skeezucks sailed off to the Fair
In a great big gum canoe,
And I fancy they had a good time there,
For they tarried a year or two.
And old King Fan at last began
To reckon they'd come to grief,
When glory! one day
They sailed into the bay
To the tune of "Hail to the Chief!"
The two little skeezucks fell down on the sand,
Embracing his majesty's toes,
Till his majesty graciously bade them stand
And salute him nose to nose.
And then quoth he:
"Divulge unto me
What happenings have hapt to you;
And how did they dare to indulge in a Fair
So far from the island of Boo?"
The two little skeezucks assured their king
That what he surmised was true;
That the Fair would have been a different thing
Had it only been held in Boo!
"The folk over there in no wise compare
With the folk of the southern seas;
Why, they comb out their heads
And they sleep in beds
Instead of in caverns and trees!"
The two little skeezucks went on to say
That children (so far as they knew)
Had a much harder time in that land far away
Than here in the island of Boo!
They have to wear clo'es
Which (as every one knows)
Are irksome to primitive laddies,
While, with forks and with spoons, they're denied the sweet boons
That accrue from free use of one's paddies!
"And now that you're speaking of things to eat,"
Interrupted the monarch of Boo,
"We beg to inquire if you happened to meet
With a nice missionary or two?"
"No, that we did not; in that curious spot
Where were gathered the fruits of the earth,
Of that special kind
Which Your Nibs has in mind
There appeared a deplorable dearth!"
Then loud laughed that monarch in heathenish mirth
And loud laughed his courtiers, too,
And they cried: "There is elsewhere no land upon earth
So good as our island of Boo!"
And the skeezucks, tho' glad
Of the journey they'd had,
Climbed up in their cocoanut trees,
Where they still may be seen with no shirts to keep clean
Or trousers that bag at the knees.
|
Written by
Robert Burns |
ELLISLAND, 21st Oct., 1789.WOW, but your letter made me vauntie!
And are ye hale, and weel and cantie?
I ken’d it still, your wee bit jauntie
Wad bring ye to:
Lord send you aye as weel’s I want ye!
And then ye’ll do.
The ill-thief blaw the Heron south!
And never drink be near his drouth!
He tauld myself by word o’ mouth,
He’d tak my letter;
I lippen’d to the chiel in trouth,
And bade nae better.
But aiblins, honest Master Heron
Had, at the time, some dainty fair one
To ware this theologic care on,
And holy study;
And tired o’ sauls to waste his lear on,
E’en tried the body.
But what d’ye think, my trusty fere,
I’m turned a gauger—Peace be here!
Parnassian queans, I fear, I fear,
Ye’ll now disdain me!
And then my fifty pounds a year
Will little gain me.
Ye glaikit, gleesome, dainty damies,
Wha, by Castalia’s wimplin streamies,
Lowp, sing, and lave your pretty limbies,
Ye ken, ye ken,
That strang necessity supreme is
’Mang sons o’ men.
I hae a wife and twa wee laddies;
They maun hae brose and brats o’ duddies;
Ye ken yoursels my heart right proud is—
I need na vaunt
But I’ll sned besoms, thraw saugh woodies,
Before they want.
Lord help me thro’ this warld o’ care!
I’m weary sick o’t late and air!
Not but I hae a richer share
Than mony ithers;
But why should ae man better fare,
And a’ men brithers?
Come, Firm Resolve, take thou the van,
Thou stalk o’ carl-hemp in man!
And let us mind, faint heart ne’er wan
A lady fair:
Wha does the utmost that he can,
Will whiles do mair.
But to conclude my silly rhyme
(I’m scant o’ verse and scant o’ time),
To make a happy fireside clime
To weans and wife,
That’s the true pathos and sublime
Of human life.
My compliments to sister Beckie,
And eke the same to honest Lucky;
I wat she is a daintie chuckie,
As e’er tread clay;
And gratefully, my gude auld cockie,
I’m yours for aye.ROBERT BURNS.
|
Written by
William Topaz McGonagall |
Ither laddies may ha's finer claes, and may be better fed,
But nane o' them a'has sic a bonnie curly heid,
O sie a blythe blink in their e'e,
As my ain curly fair-hair'd laddie, Little Jamie.
When I gang oot tae tak' a walk wi' him, alang the Magdalen Green,
It mak's my heart feel lichtsome tae see him sae sharp and keen,
And he pu's the wee gowans, and gie's them to me,
My ain curly fair-hair'd laddie, Little Jamie.
When he rises in the mornin' an' gets oot o' bed,
He says, mither, mind ye'll need tae toast my faither's bread.
For he aye gie's me a bawbee;
He's the best little laddie that ever I did see,
My ain curly fair-hair'd laddie, Little Jamie.
When I gang oot tae tak' a walk alang the streets o' Dundee,
And views a' the little laddies that I chance to see,
Nane o' them a' seems sae lovely to me,
As my ain curly fair-hair'd laddie, Little Jamie.
The laddie is handsome and fair to be seen,
He has a bonnie cheerie mou', and taw blue e'en,
And he prattles like an auld grandfaither richt merrily;
He's the funniest little laddie that ever I did see,
My ain curly fair-hair'd Iaddie, Little Jamie.
Whene'er that he kens I am coming hame frae my wark,
He runs oot tae meet me as cheerful as the lark,
And he says, faither, I'm wanting just a'e bawbee,
My ain curly fair-hair'd laddie, Little Jamie.
|