297. Election Ballad for Westerha'

Read '297. Election Ballad for Westerha'' by 'Robert Burns' and provide your summary and literary analysis in the comments section below.

297. Election Ballad for Westerha' by Robert Burns

 THE LADDIES by the banks o’ Nith
 Wad trust his Grace 1 wi a’, Jamie;
But he’ll sair them, as he sair’d the King—
 Turn tail and rin awa’, Jamie.


Chorus.—Up and waur them a’, Jamie,
 Up and waur them a’;
The Johnstones hae the guidin o’t,
 Ye turncoat Whigs, awa’!


The day he stude his country’s friend,
 Or gied her faes a claw, Jamie,
Or frae puir man a blessin wan,
 That day the Duke ne’er saw, Jamie.
 Up and waur them, &c.


But wha is he, his country’s boast?
 Like him there is na twa, Jamie;
There’s no a callent tents the kye,
 But kens o’ Westerha’, Jamie.
 Up and waur them, &c.


To end the wark, here’s Whistlebirk,
 Lang may his whistle blaw, Jamie;
And Maxwell true, o’ sterling blue;
 And we’ll be Johnstones a’, Jamie.
 Up and waur them, &c.

Form: Ballad

♡Like0

Share Comments