888.
10 Meron si Jose Radin 8:
Expertise as a Historian
Si Jose Radin ay may "Expertise as a Historian"
Sa loob at labas ng paaralan
History Quiz Bee Champion
History QB Coach ng mga ganon
Historical Poetry Champion sa Tertiary
History Major sa UP
Historical Fantasy Novel Author
Historical Treatise Translator
Historical Narrative Interpreter
Salamat sa Dios ako'y naging History Teacher.
-10/08/2025
(Dumarao)
*10 Meron si Jose Radin
864.
Pag-asa kay San Jose ng Dumarao
(1) Noong naghahanap ako
Ng ikapito kong trabaho
Nagnobena ako sa Simbahan ng Dumarao
At humiling kay San Jose dito
Na bigyan ako muli ng trabaho
(2) Nakinig Siya sa panalangin ko
Ako ay muling nakapagtrabaho
Sa aming munisipyo
Kahit noon ay nag-resign ako dito
Pangalawang pagkakataon ko na ito
(3) Oh! Purihin ang Dios ko
Purihin si San Jose ng Dumarao
Salamat sa Inyo
Sa pagdinig ng panalangin ko
Purihin at pasalamatan Kayo
(4) Tulungan Niyo rin po
Ang ibang naging gaya ko
Na walang trabaho
Tulungan Niyo rin ang mga ito
Kapag nagnobena rin sila sa Iyo
(5) Upang ang purihin ay Kayo
Upang ang pasalamatan ay Kayo
Kayo ang pag-asa ng mga ito
Oh! Dios ko patunayan Niyo
Na may "Pag-asa kay San Jose ng Dumarao".
-03/19/2025
(Dumarao)
*Feast Day of San Jose...
4 of 5 "Jubileo ng Pag-asa" poem
863.
Pag-asa kay Birhen ng Candelaria sa Jaro
(1) Noong kukuha ako
Ng Board Exam sa pagka-guro
Dumulog ako sa Katedral ng Jaro
At humiling sa Birhen ng Candelaria dito
Na papasahin ako sa exam na ito
(2) Pinakinggan Niya ang aking samo
Ako ay naging pasado
Sa Board Exam ng pagka-guro
Kahit mahirap ito
At komplikado ang proseso
(3) Oh! Purihin ang Dios ko
Purihin si Birhen ng Candelaria sa Jaro
Salamat sa Inyo
Sa pagtupad ng hiling ko
Purihin at pasalamatan Kayo
(4) Tulungan Niyo rin po
Ang ibang nais maging pasado
Sa Board Exam ng pagka-guro
Tulungan Niyo rin ang mga ito
Lalo na ang dumulog sa Katedral ng Jaro
(5) Upang ang purihin ay Kayo
Upang ang pasalamatan ay Kayo
Kayo ang pag-asa ng mga ito
Oh! Dios ko patunayan Niyo
Na may "Pag-asa kay Birhen ng Candelaria sa Jaro".
-02/02/2025
(Dumarao)
*Feast Day of the Our Lady of Candles...
3 of 5 "Jubileo ng Pag-asa" poem
862.
Pag-asa kay Santo Niño
(1) Noong bata pa ako
Sa bahay namin sa Casimiro
Nang ako'y nasa pang-unang grado
Humiling ako sa aming Santo Niño
Na bigyan ng kapatid ako
(2) Dininig Niya ang hiling ko
Nagkaroon ng kapatid ako
Nung ako'y nasa pangalawang grado
Kahit may edad na Nanay ko
At Caesarian labor pa ito
(3) Oh! Purihin ang Dios ko
Purihin si Santo Niño
Salamat sa Inyo
Sa pagtupad ng dasal ko
Purihin at pasalamatan Kayo
(4) Tulungan Niyo rin po
Ang mga naging gaya ko
Na magkaroon ng kapatid ang gusto
Tulungan Niyo rin po ang mga ito
Kapag dumulog sila sa Inyo
(5) Upang ang purihin ay Kayo
Upang ang pasalamatan ay Kayo
Kayo ang pag-asa ng mga ito
Oh! Dios ko patunayan Niyo
Na may "Pag-asa kay Santo Niño".
-01/19/2025
(Dumarao)
*Feast Day of Santo Niño....
2 of 5 "Jubileo ng Pag-asa" poem
802.
CoViD sa Kasuotan
Itong si CoViD na pandemya
Sa kasuotan naging abala
Dapat naka-facemask at/o naka-faceshield ka
Naka-PPE pa yung iba
Nang CoViD ay lumaganap na
Bilang isang pandaigdigang pandemya
Mga mukha may takip na
Mga katawan balot na balot pa
Oh CoViD sa mundo, tama na!
Sa kasuotan umalis ka na!
Mga kasuotan luwagan na!
Mga mukha at katawan pagaanin na!
-01/08/2022
(Dumarao)
*CoViD sa Mundo
794.
Ang Alamat ng Bunggaitan
Bakit at paano nga ba
Na ang tawag sa
Kanilang inalagaan
Noong 2010 ay “Bunggaitan”?
Gayong ang salitang ito
Ay nagsimula lamang mauso
Noong 2011 sa isang programa
Na kung tawagin ay “Amaya”
Isang binukot na mahiwaga
Naging guro rin siya
Nagturo rin sa mga bata
Gaya ng Adviser ng “Ang Bunga”
Ito ang tawag nila
Sa babasahin kong nilikha
Tinawag nga rin itong muta
Ng isa sa ating tagapangalaga
Kakulay nga ng dilaw na dumi sa MATA
Ang logo nitong hinog na mangga
Na sa simula palang ay nais nang pitasin
Dahil sa laylayan lamang ito nakabitin
Itong Bunga ng Bunggaitan
Sa wakas ay natikman
Ilang buwan sa pagsisimula
Na mapanood si Amaya
Na kinamuhian din ng mga
Nakatataas sa kanya
Ani Aristotle: “Sa Ed, ang Bunga matamis
Samntalang ang mga ugat ay nakakainis.”
-07/25/2020
(Dumarao)
*Alamat ng Kanilang mga Expressions
793.
Ang Alamat ng Jowa
Bakit at paano nga ba
Na ang tawag sa
Boyfriend, Girlfriend o Siyota
Ay naging “Jowa”?
Tanungin mo kaya
Ang VICE na maGANDA
Dahil hindi ba't siya
Ang nagpauso ng ganyang salita?
Dahil kung ako ang tatanungin
Di maganda para sa akin
Para bang shortcut sa
“JO WAla”
Wala pa akong naging jowa
Mula sa aking pagkabata
Hindi ang aking MiJo
Isa lamang siyang EXperimento
Pero bakit ako concern dito
Gayung ayoko namang magkaganito
Ayoko lang kasi na
Parang tunog “JO WAla”
Dahil si JO ng Doremi
At si Jo ng Dumarao-Makati
Ay prehong ini-#Waay
Ng nagliliyab na bye-bye
Anong masasabi mo
DB Paolo
Die Beautiful bang mamatay
Nang may ganitong aray?
-07/24/2020
(Dumarao)
*Alamat ng Kanilang mga Expressions
674.
Hangad Ko Para sa Ating Bansa:
Ika-4 na Utos ng Dios Ama
Ang pairalin ang Ika-4 na Utos ng Dios Ama
Ay hangad ko para sa ating bansa
Ating igalang ang mga magulang natin
Sila ay mahalagang biyaya ng Dios sa atin
Igalang ang mga magulang sa pamamagitan ni Hesukristo
Na ang mga magulang ay iginalang nang Siya ay naging tao
Igalang ang mga magulang na kumupkop at nag-aruga sa iyo
Sila ay itinalaga ng Dios para buhayin tayo
Igalang ang mga magulang sa pamamagitan ng Espiritu Santo
Na sa Kanyang grasya ay ipinanganak ang mga tao
Igalang ang mga magulang at ang Banal na Espirito
Pumarito sa lupa upang lalangin tayo
Igalang ang mga magulang sa pamamagitan ni Inang Maria
Na kay Hesukristo ay naging dakilang ina
At siya ring lumuwal sa Panginoon natin
Nawa'y ang bansang Pilipinas mga magulang ay galangin.
-08/11/2019
*Hangad Ko Para sa Ating Bansa
(conceptualized while in the Holy Mass of our Town Fiesta…
intended to be in Tagalog for this Buwan ng Wika)
560.
Sa CapSU-Dumarao ay Nakamit Ko…
Sa CapSU-Dumarao ay nakamit ko…
Ang BSEd Uniting para sa pagiging guro
Dito ay naging kaklase ko ang mga estudyante ko
Sa CapSU-Dumarao ay nakamit ko…
Ang Masteral sa FCU para level-up sa trabaho
Kahit hindi ko natapos ay puntos parin ito
Sa CapSU-Dumarao ay nakamit ko…
Ang 5 taong karanasan sa pagtuturo
Na sana ay magamit ko sa mga susunod na tatahakin ko.
-10/24/2017
(Dumarao)
*a tribute to my accomplishments in CapSU-Dumarao
557.
Ang TED sa Puso Ko
Ang TED sa puso ko ay parang Lireo ng Encantadia
Bughaw ang simbolong kulay nila
Narito ang mga Sanggre o dugong bughaw ng Encapsudia
Danaya/Dela Cruz, Amihan/Arriola, Pirena/Penson, Alena/Araneta
Ang TED sa puso ko ay parang Terran sa Starcraft na laro
Bughaw ang sagisag na kulay ng mga ito
Nais nila ang pangunguna at pamumuno
Nasa dugo ng lahing tao – katangian ng pagiging guro
Ang TED sa puso ko ang nagturo sa akin
Kung paano ang pagiging guro ay tangkilikin at mahalin
Mag-aaral higit sa lahat ang dapat unahin
Responsibilidad sa klase ang dapat atupagin
Ang TED sa puso ko ay parang Terran at Lireo
Dito ko nadama ang pangarap kong totoo
Ang maging tao na makaguro, ang maging guro na makatao
Salamat sa mga taga-TED na naging bahagi ng buhay ko!
-10/23/2017
(Dumarao)
*a tribute to TED of CapSU-Dumarao
400.
Agosto at Setyembre 2015 ng MiJo
Agosto at Setyembre 2015 –
Ika-19 ng Agosto, Crim. Mini Intrams na pinaka-una
Naging hurado si Mi sa pagguhit at pagpinta
Ika-10 ng Setyembre, ika-28 kaarawan ni Jo
Ipinagdiwang sa Crim., si Mi ay dumalo
Ika-15, nagbukas si Jo ng unang account sa BDO
Nananghalian sa Mang Inasal ang MiJo!
-11/11/2015
(Dumarao)
*4th MiJo poem
320.
Huling Araw ni Papa Francisco sa Pilipinas
Enero Diez y Nueve, Dos mil Kinse
Tulad ng pagdating, pag-alis naging simple
Subalit tulad ng unang araw
Mga nag-antabay sa daan nag-umapaw
‘Di parin natinag ang hiyawan
Ng mga taong sumalubong sa lansangan
Tulad ng pagdatal, panahon ay maganda
Napakaganda ng araw sa umaga
Paglipas ng mga araw na inulan
Bumalik din sa maaraw na pinagmulan
Mula umpisa hanggang sa wakas
Lulan parin ng Pope Mobile na bukas
Sa Villamor meron paring sayawan
Tulad ng unang paglapag sa bayan
Salamat sa wakas maayos na nakabalik
Ang Supremo ng Simbahan na sa bansa humalik.
-01/20/2015
(Dumarao)
*Pope Francis Fever Collection
313.
Mundong Presinto
Ang mundo ay parang presinto
Tampulan ng mga problema at reklamo
Mga naging salot ng lipunan
Dito humahantong upang maparusahan.
-01/13/2015
(Dumarao)
*Ang Mundong Pook Collection
296.
Kilabot ng Diktador
(Corazon Aquino)
Dalawang kurso nakumpleto – Wika at Matematika
Simpleng maybahay na biglang naging pulitiko
Pinatayo at pinatatag nagibang demokrasya
Sa kambal na mga kalamidad tinulungan mga Pilipino.
-12/26/2016
(Dumarao)
*Pinuno Namin sa Panahong Pilak Collection
294.
Ngiti ng Kawal
(Diosdado Macapagal)
Nagtagumpay sa kursong abogasya
Negosyador bago naging Pangalawang Pangulo
Araw ng Kalayaan naging Hunyo 12 ang petsa
Napalawak serbisyo, naitatag MaPhilIndo.
-12/24/2014
(Dumarao)
*Pinuno Namin sa Panahong Pilak Collection
Sub Categories
Looking for the formal definition, structure, and history of this poetry form? Visit the Poetry Dictionary entry below. Then return to explore how PoetrySoup members bring the form to life through their own poems.