Kandilang nagliliwanag sa dilim
Ang katulad ng Iglesia Ni Cristo;
Upang magningning sa gawang mabuti
Sa gitna ng napakasamang mundo.
Kapag nakikita ng mga tao
Ang lingkod ng Ama sa kabanalan;
Sila man ay magpupuri sa Diyos,
At maaakay sa katotohanan.
Huwag itago ang ilaw kailanman,
Ipakita ang mabubuting gawa;
Sa malalaking mga pagtitipon,
Ipahayag ang magandang balita.
Huwag iwan ang pagpapalaganap,
Magmisyon sa bundok, bayan, at lunsod;
Sa walang tigil na pag-aanyaya
Ay utos ng Diyos ang sinusunod.
Bago magwakas ang sandaigdigan,
Ipabatid ang ebanghelyong lihim;
Hayaan nating magsilbing patnubay,
Kandilang nagliliwanag sa dilim
Balita ko ika'y huwara't marangal.
Natutuwid mo raw baluktot na asal?
Ngunit ano 'tong aking nabalitaang
Guro'y nabuwal. Guro' ka't nalimutan?
Balita ko sa iyo'y walang tutulad.
Nalilimot mo raw iyong mga hangad?
Ngunit ano 'tong aking nabalitaang
Ulirang guro, ika'y napagbintangan.
Aywan ba, bakit ka nila ginaganyan?
Papel mo'y kay laki naman sa lipunan.
Sana ang susunod kong mababalitaan
Minahal ka na nila't pinarangalan...
05/21/17