Manlalaro

Ako’y manlalaro sa isang takbuhan. Dinidisiplina ang aking katawan. Ako’y nagsasanay at nakatalaga, Nakatanaw ako sa mismong medalya. Iniiwasan ko sa aking pagtakbo Na paa’y matisod, sa laba’y matalo. Di ko ginagawa, paglingon sa likod, Ni ang pagsuko sa hirap at sa pagod. Bagaman sa laro ay sadyang marami Ang mga kalahok o mga kasali Ay iisa lamang ang magtatamasa Ng nilulunggating gintong gantimpala. Sa paligsahan ay aking minimithi Na magtatagumpay ako’t magwawagi.