Written by
Robert Burns |
WHILE briers an’ woodbines budding green,
An’ paitricks scraichin loud at e’en,
An’ morning poussie whiddin seen,
Inspire my muse,
This freedom, in an unknown frien’,
I pray excuse.
On Fasten-e’en we had a rockin,
To ca’ the crack and weave our stockin;
And there was muckle fun and jokin,
Ye need na doubt;
At length we had a hearty yokin
At sang about.
There was ae sang, amang the rest,
Aboon them a’ it pleas’d me best,
That some kind husband had addrest
To some sweet wife;
It thirl’d the heart-strings thro’ the breast,
A’ to the life.
I’ve scarce heard ought describ’d sae weel,
What gen’rous, manly bosoms feel;
Thought I “Can this be Pope, or Steele,
Or Beattie’s wark?”
They tauld me ’twas an odd kind chiel
About Muirkirk.
It pat me fidgin-fain to hear’t,
An’ sae about him there I speir’t;
Then a’ that kent him round declar’d
He had ingine;
That nane excell’d it, few cam near’t,
It was sae fine:
That, set him to a pint of ale,
An’ either douce or merry tale,
Or rhymes an’ sangs he’d made himsel,
Or witty catches—
’Tween Inverness an’ Teviotdale,
He had few matches.
Then up I gat, an’ swoor an aith,
Tho’ I should pawn my pleugh an’ graith,
Or die a cadger pownie’s death,
At some dyke-back,
A pint an’ gill I’d gie them baith,
To hear your crack.
But, first an’ foremost, I should tell,
Amaist as soon as I could spell,
I to the crambo-jingle fell;
Tho’ rude an’ rough—
Yet crooning to a body’s sel’
Does weel eneugh.
I am nae poet, in a sense;
But just a rhymer like by chance,
An’ hae to learning nae pretence;
Yet, what the matter?
Whene’er my muse does on me glance,
I jingle at her.
Your critic-folk may cock their nose,
And say, “How can you e’er propose,
You wha ken hardly verse frae prose,
To mak a sang?”
But, by your leaves, my learned foes,
Ye’re maybe wrang.
What’s a’ your jargon o’ your schools—
Your Latin names for horns an’ stools?
If honest Nature made you fools,
What sairs your grammars?
Ye’d better taen up spades and shools,
Or knappin-hammers.
A set o’ dull, conceited hashes
Confuse their brains in college classes!
They gang in stirks, and come out asses,
Plain truth to speak;
An’ syne they think to climb Parnassus
By dint o’ Greek!
Gie me ae spark o’ nature’s fire,
That’s a’ the learning I desire;
Then tho’ I drudge thro’ dub an’ mire
At pleugh or cart,
My muse, tho’ hamely in attire,
May touch the heart.
O for a ***** o’ Allan’s glee,
Or Fergusson’s the bauld an’ slee,
Or bright Lapraik’s, my friend to be,
If I can hit it!
That would be lear eneugh for me,
If I could get it.
Now, sir, if ye hae friends enow,
Tho’ real friends, I b’lieve, are few;
Yet, if your catalogue be fu’,
I’se no insist:
But, gif ye want ae friend that’s true,
I’m on your list.
I winna blaw about mysel,
As ill I like my fauts to tell;
But friends, an’ folk that wish me well,
They sometimes roose me;
Tho’ I maun own, as mony still
As far abuse me.
There’s ae wee faut they whiles lay to me,
I like the lasses—Gude forgie me!
For mony a plack they wheedle frae me
At dance or fair;
Maybe some ither thing they gie me,
They weel can spare.
But Mauchline Race, or Mauchline Fair,
I should be proud to meet you there;
We’se gie ae night’s discharge to care,
If we forgather;
An’ hae a swap o’ rhymin-ware
Wi’ ane anither.
The four-gill chap, we’se gar him clatter,
An’ kirsen him wi’ reekin water;
Syne we’ll sit down an’ tak our whitter,
To cheer our heart;
An’ faith, we’se be acquainted better
Before we part.
Awa ye selfish, war’ly race,
Wha think that havins, sense, an’ grace,
Ev’n love an’ friendship should give place
To catch-the-plack!
I dinna like to see your face,
Nor hear your crack.
But ye whom social pleasure charms
Whose hearts the tide of kindness warms,
Who hold your being on the terms,
“Each aid the others,”
Come to my bowl, come to my arms,
My friends, my brothers!
But, to conclude my lang epistle,
As my auld pen’s worn to the gristle,
Twa lines frae you wad gar me fissle,
Who am, most fervent,
While I can either sing or whistle,
Your friend and servant.
|
Written by
William Strode |
Is Death so cunning now that all her blowe
Aymes at the heade? Doth now her wary Bowe
Make surer worke than heertofore? The steele
Slew warlike heroes onely in the heele.
New found out slights, when men themselves begin
To be theyr proper Fates by new found sinne.
Tis cowardize to make a wound so sure;
No Art in killing where no Art can cure.
Was it for hate of learning that she smote
This upper shoppe where all the Muses wrought?
Learning shall crosse her drift, and duly trie
All wayes and meanes of immortalitie.
Because her heade was crusht, doth shee desire
Our equall shame? In vayne she doth aspire.
No: noe: Wee know where ere shee make a breach
Her poysened Sting onely the Heele can reach.
Looke on the Soule of man, the very Heart;
The Head itselfe is but a lower parte:
Yet hath shee straynde her utmost tyranny,
And done her worst in that she came so high.
Had she reservde this stroke for haughty men,
For politique Contrivers; justly then
The Punishment were matcht with the offence:
But when Humility and Innocence
So indiscreetly in the Heade are hitt,
Death hath done Murther, and shall die for itt:
Thinke it no Favour showne because the Braine
Is voyde of sence, and therefore free from payne.
Thinke it noe kindness when so stealingly
He rather seemde to jest away than die,
And like that Innocent, the Widdows childe
Cryde out, My head, my head: and so it dyde.
Thinke it was rather double cruelty,
Slaughter intended on his Name, that Hee
Whose thoughts were nothing taynted, nothing vayne,
Might seeme to hide Corruption in his brayne.
How easy might this Blott bee wipte away
If any Pen his worth could open lay?
For which those Harlott-prayses, which wee reare
In common dust, as much too slender are
As great for others. Boasting Elegies
Must here bee dumbe. Desert that overweighs
All our Reward stoppes all our Prayse: lest wee
Might seeme to give alike to Them and Thee:
Wherfore an humble Verse, and such a strayne
As mine will hide the truth while others fayne.
|