Written by
Robert Burns |
IF ye gae up to yon hill-tap,
Ye’ll there see bonie Peggy;
She kens her father is a laird,
And she forsooth’s a leddy.
There Sophy tight, a lassie bright,
Besides a handsome fortune:
Wha canna win her in a night,
Has little art in courtin’.
Gae down by Faile, and taste the ale,
And tak a look o’ Mysie;
She’s dour and din, a deil within,
But aiblins she may please ye.
If she be shy, her sister try,
Ye’ll maybe fancy Jenny;
If ye’ll dispense wi’ want o’ sense—
She kens hersel she’s bonie.
As ye gae up by yon hillside,
Speir in for bonie Bessy;
She’ll gie ye a beck, and bid ye light,
And handsomely address ye.
There’s few sae bonie, nane sae guid,
In a’ King George’ dominion;
If ye should doubt the truth o’ this—
It’s Bessy’s ain opinion!
|
Written by
Mother Goose |
Bessy Bell and Mary Gray, They were two bonny lasses;They built their house upon the lea, And covered it with rushes.Bessy kept the garden gate, And Mary kept the pantry;Bessy always had to wait, While Mary lived in plenty.
|
Written by
Robert Burns |
O LEEZE me on my spinnin’ wheel,
And leeze me on my rock and reel;
Frae tap to tae that cleeds me bien,
And haps me biel and warm at e’en;
I’ll set me down and sing and spin,
While laigh descends the simmer sun,
Blest wi’ content, and milk and meal,
O leeze me on my spinnin’ wheel.
On ilka hand the burnies trot,
And meet below my theekit cot;
The scented birk and hawthorn white,
Across the pool their arms unite,
Alike to screen the birdie’s nest,
And little fishes’ caller rest;
The sun blinks kindly in the beil’,
Where blythe I turn my spinnin’ wheel.
On lofty aiks the cushats wail,
And Echo cons the doolfu’ tale;
The lintwhites in the hazel braes,
Delighted, rival ither’s lays;
The craik amang the claver hay,
The pairtrick whirring o’er the ley,
The swallow jinkin’ round my shiel,
Amuse me at my spinnin’ wheel.
Wi’ sma’ to sell, and less to buy,
Aboon distress, below envy,
O wha wad leave this humble state,
For a’ the pride of a’ the great?
Amid their flairing, idle toys,
Amid their cumbrous, dinsome joys,
Can they the peace and pleasure feel
Of Bessy at her spinnin’ wheel?
|
Written by
Mother Goose |
As Tommy Snooks and Bessy Brooks Were walking out one Sunday,Says Tommy Snooks to Bessy Brooks, "Wilt marry me on Monday?"
|