Email Poem

Your IP Address: 216.73.216.246
Your Email Address:
To Email Address:
Subject
Personal Note:
Poem Title:
Poem
SAMHUINN
Wi samhuin fast approaching
When people start tae dread,
The gates of hell burst open
For the festival of the dead.

Bane shanks lifts his scythe
And scrieves his words in fire,
Welcome tae this earthly plane
Or be cast upon the pyre.

Brounies and banshees come tae life
Awakened from thir fankle,
Bogles bursting fae thir tombs
And the reaper dons his mantle.

There is nae time tae fouter
The haunting must resume,
Wirracows screaming fae the shadows
And witches on thir broom.

Hackit hags wi devilish cats
Stirrin up a brew,
Tae cast an evil cantrip
On the likes eh me and you.

The lightning flash and thunder crash
Aroond this drookit eldritch place,
The warlocks give it laldy
As the Deil shows his face.

Surrounded by the newly deed 
On their first trip oot fi hell,
Punishment fir thir evil deeds
Upon thum did befell.

 Thieves’ crooks and conmen
Bare the pain from aw thiv stolen,
Liars, deceivers and falsifiers
Thir tongues all black and swollen.

Three days fae All Hallows Eve
To roam the earth once more,
Then back below on all souls day
In keeping with folklore.

The Deil lifts his Tassie tae toast
As the numbers begin tae swell,
On yir way my minions
And promise to give thum hell.

SLAINTE MHATH the Deil cries oot
His Tassie pressed tae his lips,
As the borders between life and death 
Slowly begin tae rip.

Witches screamin in the nicht
As they fly of through the sky,
Banshees floating through the trees
Ye can hear thir wailing cry.

Goblins scurry through the nicht
Invisible and unseen,
And peelly wally ghosts
Will haunt for Halloween.

The streets are hoachin full eh guisers
With tumshies fir a licht,
They trick or treat on Halloween
Aw lookin fir a fricht.

They’ve been dookin deep fir apples
But the bairns ir pretty fly,
They`d rather go fir candy 
Or a penny fir the guy

Mony a mickle maks a muckle
And the pennies stack up high,
Ye can make yourself a fair wee pochle
Before the end is nigh.

The bairns all scunnered and haiverin
Bit gallus wi thir prize,
Then they aw see Scary Mary
They can’t believe thir eyes.

The wee yins scatter tae the winds
As Mary she wis bealin,
Sweeties scattered iverywhere
The bairns they aw start squealin.

Sittin mauchit in a bush
Fir somewhere good tae hide,
Prayin fir yir mither
Tae tak ye where ye bide.

Thirs witches flyin everywhere
You kin see thum through the cloud,
Demons runnin through the streets
And bodies in a shroud.

A braw nicht just oot guisin
Has turned intae a mare,
Bit dinny luft yer heed up
Or yell catch the witches glare.

Running ticht along the wa
Jist like a scared wee moose,
Ye niver even caught yir breath 
Ti ye were back inside yer hoose.

Ye tell yer maw an da 
Of the horrors thit yev seen,
Then ye lock the doors and shut the blinds
And hide fae Halloween.

Then yer keekin oot the windy
And ye see a demons claw,
It`s time tae git yer jammies on
And coorie in yer maw.

Thin the sun comes up eftir all souls day
As we bid farewell tae Samhuinn,
The deil closes the gates of hell
Till next year wi aw go again.

THE END.
CAPTCHA Preview
Type the characters you see in the picture
Required