Email Poem

Your IP Address: 216.73.216.110

Your Email Address:

To Email Address:

Subject

Personal Note:

Poem Title:

Poem

Panaginip

Ako'y isa lamang kaluluwang
dumaraan sa mundong ikaw ang nagpinta
Kung saan ang bawat halakhak ay walang kasiyahan
at ang pagluha ay pangkaraniwan

Ako ay isang hangin na dumaraan
Humahaplos sa tulalang nilalang
Dumadampi sa balat mong manhid sa nadarama
Nakatunghay sa naglalahong pangarap

Ako'y isang mapagpanggap na ikaw
Kung saan ang lahat ay kathang isip lamang
PInipilit isipin ang naghahabulang bukas
Na sa isang saglit lamang ay lalamunin sa kalawakan

Ako'y isang perpektong kawangis mo 
Kung saan ang ngiti mo'y tumatagos sa ikalawang ako
Bumabaon sa utak na sa hangin mo lang maipadadala
Ang mensaheng walang laman kungdi ikaw

Ako'y isang mapanuksong kaaway
at mabangis na kaibigan
kaya kong wasakin hindi lamang ikaw
kungdi maging ang sarili kong buhay

Ako'y isang  mabuting kaulayaw
sa mga pagkakataong ikaw ay nag iisa lamang
ibabahagi ko sa iyo ang aking kayamanan
Iinggitin sa kasiyahang ako lamang ang may alam

Ako'y ay ang iyong paningin
Kung saan ako'y mas malinaw pa sa dilim
Ipikit mo ang iyong mga mata
At duon ako'y masisilayan

Ako ay ang iyong nais
Isang nilalang na di kinakailangang magtiis
Hindi mo akong kayang pantayan
Sapagkat ako'y walang kamatayan

Ako ay isang ikaw
Na nagbabago ngunit walang buhay 
Walang mahikang ginamit kungdi isang unan
Na magsisilbing pintuan sa kawalan

CAPTCHA Preview

Type the characters you see in the picture

Required