Email Poem

Your IP Address: 216.73.216.228
Your Email Address:
To Email Address:
Subject
Personal Note:
Poem Title:
Poem
ang bidlisiw sa adlaw adunay buot nga ipasabot,
     ug ang mga isda nagpatim-aw aron mo saksi sa bag-ong adlaw,
     nangamuyo sa kahitas-an, nanghinaot nga mawagtang kining katalagman,
     apan ang huyuhoy sa kadagatan puwerteng linawa,
     ug miduyog na ang mga langgam sa pagkanta,
     klasi-klasi nga tingog ang imong masayran ug madunggan,
     adunay kasuko, kasagmuyo, ug kalinaw,
     kahibolungan ang panghitabo apan padayon lang.

sa paggakos sa bidlisiw sa adlaw sa kalibutan,
     ang kabudlay ug kalalylay sa lawas nailisan og kalagsik,
     apan timan-i nga ang kapildihan ug kapakyasan dili maoy katapusan,
     usa lang kini sa mga sinugdanan sa imong paglaroy-laroy,
     apan ang katalagman nga atong nasinati adunay kasulbaran,
     salig, dasig, tuo, sugdi sa pag-ampo nga walang pagpamakak,
     moabot kanimo ang kalinaw nga dugay ra nimong gihandom.

     daghan kaayong balabag aron mawala ang imong kadasig,
     apan lungkaba ang imong hunahuna ug kasingkasing,
     ayaw padala sa hunghong nga napuno sa kasagmuyo,
     bentaha na gyud ang usa ka butang nga adunay pagsalig ug pagtuo,
     apan kon kan-on sa kangitngit ang kalibotan,
     ayaw kahadlok—ayaw toguti nga dan-on kas kalibog,
     kay bisan sa pinakangitngit nga dalan adunay kahayag,

     paglaom nga imo rang makita sa imong dughan,
     kuhaa ang yawi dinha sa imong giliran,
     sugdi na sa pagsaysay ang imong sugilanon,
     ayaw kaulaw—walay angay itago, dili perpekto ang tawo,
     hinay-hinaya pagbadbad ang hikot sa imong kasingkasing,
     sugdi na sa pagbasa ang berso nga angay sa imoha,
     tan-awa ang panganod maanindot kaayo—walay sama;

apan nasayod ba ka nga sa imong pagpiyong adunay pasabot,
     sa pagsidlak sa adlaw, sa pagsalop sa adlaw, 
     sa pagmata sa kabuntag, ang kapildihan,
     ang kapakyasan, ang katalagman sa kalibutan—
     nayasod ba ka nga aduna kini buot ipasabot?

lantawa ang luyong bahin anang mga panghitaboa,
     masayran nimo ang PAGLAOM nga napuno sa KADASIG ug GUGMA
     sa usa’g usa nga dili mawala bisan pag mapakyas ang tanan,
     tuo kaniya—maimoha ang kalinaw nga dugay ra nimong gihandom;

     kay adunay kahayag luyo sa kangitngit.

— John Wilhelm.
CAPTCHA Preview
Type the characters you see in the picture
Required