Home » Poems » Best » Zakhele Bhekokwakhe » Best Zakhele Bhekokwakhe Poems

Best Poems Written by Zakhele Bhekokwakhe

Below are the all-time best Zakhele Bhekokwakhe poems as chosen by PoetrySoup members

Details | Zakhele Bhekokwakhe Poem

Ukube Ngangazi

Akukhona ukuthi ngifisa ukukuphazamisa,empilweni yakho etsha
  Ngeke ngakuqanganisela kepha ngangethembile ngoba ngangiwa ngivuk nawe
Nami ngangazi ngelinye ilanga ukuthi ngniyophumula ngibuse nje nge nkosi
   Kepha kuyangicacela ukuthi ngangiyikake la ingalele khona
Ngangikondla ngenkece engekho ngikukhulisa ngenkece yasemajalidini
      Uyihlo wakushiya wahamba okwe juba lika Nowa
Angimbeki cala ngalokho naye ngoba wuye owazi isizathu salokho
 
Ngiyofa inhliziyo yami igcwele ebuhlungu
Ngoba lawomabhilidi enfant is a khaki gazing angel okwelanga ukuth ngangizihemela
   Konke ebengikwenza ebengikwenza ngothando
Nangethemba lokuthi ikusasa uyoba lusizo kulomdeni
    Pho ke umuntu akathenjwa
Ungilahlisa okwenyongo yenyathi
     Ungiphika phambi kobuso bami
Ungitshena ezikabhoqo uthi awungazi

Uyongikhumbula  uyofisa ukulungisa izinto
Kepha Kobe sekonakele vele
         Uyosikhihla esika Mandi
Uyofisa ukukhulum nami
Kuyobe kusasizani vele?
Ngiyobe sengikwelama things
Ungisize ungahlabi zinkomo
Ungahlabi zimbuzi ungaqumi ngisho nezinkukhu
   Ngoba lokhu kofaka umkhokha ekhaya
Iyobe isiwuchithile inkonyane.

Details | Zakhele Bhekokwakhe Poem

Inxeba

Ngikhala kwaduma imihosha.
Ngikhala zoma,kepha izinyembezi zeminyaka.
Ungangibona ngihleka,ufunge ukuthi konke kulungile.
Kanti cha akunjalo,ngizama ukuzelapha.
Noma ngazi ukuthi ayizelaphi kepha ngisuke ngizama izaba nje.
Uma ungibona ngimile egcekeni ngibuka,ngasesangweni.
Ngisuke ngicabanga lezo nsuku ezandlulayo.
Lapho engangimbona,engena emamatheka umtakababa.
Qede sibingelelane kube mnadi.
Kwashabalala,konke njengamazola ebona ilanga.
Konke lokhu kuyawulimaza umphefumulo wami.
Ngibuka into engekho,ngibuka into engeke isenzeka.
Lokhu usengu mufi usekokhokho.

Inxeba,ngike ngithule ngibuka abazali bami ngidabuke.
Lokhu ngiyazi kubo kubuhlung ngokuphindiwe.
Ngisho ngoba nami,Nazi ezami izingane.
Uma ngizibheka kufika usizi qede zehle kancane.
Kungenzeka yini nakimi njengakubazali bami?
Ngisakhala namanje ngomfowethu ngohlala ngikhala.
Ngikhala njengomfelokazi ekhumbule umyeni wakhe .
Noma ngizama ukwendlulisa,kepha imicabango iziyela yona lapho ethanda khona.
Into ebuhlungu mangikhumbula umnewethu kuvele kuvuke usizi.

Inxeba enginalo alipholi.
Kunalokhu liyabhibha usuku nosuku.ngenza yeminjunju yenkumbulo.
Kuyoba nini ngo phela ngaphakathi?
Ngiqoma ukufa kwangempela.
Kunokufa ngibe ngidla  anhlavana.

Details | Zakhele Bhekokwakhe Poem

Inkungu

Ngiyeke ngihambe,njengomhambume.
Akucala lathethwa,kungenabufakazi.
Angifune kukhuluma, inkukhu inqunywe umlomo.
Inkumbulo yize,ithemba inhlansi yomlilo ongathembisi lutho.
Kwake kwaba njena umlando ke lowo.
Hleze umlando ungaziphinda?
Bathi lapho ake ama khona aphinde ame."
Ngifisa ukubhala lencwadi ngisho okungaphakathi kimi.

Inkungu ubulima abupheli ukuhlakanipha kuyaphela.
Izethembiso zamanga zinjalo.
Ubukhazikhazi bukushiya ukemile.
Inhliziyo engaphandle, iyashesha ukuncola.
Ukungazi kufana nokungaboni.
Angikhali,angibalisi kepha amanzi achithekile ngeke ngawabutha.
Yeka isikhathi wami nganginga ukuthi ngizishaye ngemfe iphindiwe.
Baqinisil mabethi wothemba itshe.
Umuntu ushitsha  amabala njengo nwabu.

Inkungu ,lixhoshwa libhekile akusenani.
Lawo mabhilidi  engangiwakhe ngemucabango lekusasalethu.
Ikusasa eli qhakazile okwembali namhlanje konke lokhu kuyize leze.
Amathe abuyele kwasifuba.
Yonke leminyaka ,kanti ikhohlisana ihlomile.
Akusenani vele  ikhiwane elihle ligcwala izibungu.
Bengingazi ukuthi kanti,ngiyikake lapho ingalele khona.

Details | Zakhele Bhekokwakhe Poem

Incwadi

Kukhala uthekwane kufakaze ingududu
   Izwe selaphathwa ngabanye ngiqinisile 
Ungadideki ngithunyiwe isithunyiwe isithunywa asoni njengomoni
    Kuntwela enzansi ukusa kwaziwa 
Ungafunga ukuthi ngiyobqnga emfuleni kanti phinde akunjalo 
      Ngithunywe umneumnewethu kuleya nkosazane emhlophe okwezihlabathi zolwandle
Esho ngamehlo  asankomo yona engafifiyeli
    Ingichaza mayilususa ilubeka unyawo
Ikhetha amabala njengongacathulele
    Ungadideki angazi anginalwazi ngiyisithunywa
Ngiyinhloli bengincoma nkosazane

Incwadi le engiyiphethe angisazi ibhalwe ukuthini
Kepha oyibhalile  ngiyamazi
     Mina ngiyiposi ngibuke ngiwumkhonzo
Engifisa ukukwazi ukuthi umbhali walencwadi uyamthanda yini?

Details | Zakhele Bhekokwakhe Poem

Ngiphendule

Angilwi lokhu impi yabulala,amaqhawe akithi.
Iqiniso angilazi,kepha kudala ngiloba.
Ngosiba,lokhu nginethemba lokuthi lapho ukho.
Lencwadi yami ehlala iza kuwe,uyoyithola.
Qede,kumamatheke inhliziyo yakho.
Ngiphathisa njalo,nxa behla beza emakhaya.
Yebo angehli njalo kepha,kanye ngonyaka.
Selokhu ngaqala ukukubhalela lutho impendulo.

Ngiphendule,phela angisazi nqindi nasibhakela.
Hleze imifula seyagcwala izihlabathi.
Okanye sekwaba semanxiweni .
Angiyena umuntu onovalo,kepha ithemba leze liyabulala.
Libulala inhliziyo yothando,qede kukhule kukhule inzondo.
Njengembali ehlala emanzini okwe nhlanzi.
Engimphathisayo nxa ngimbuza ngawe uvele athi.
"Incwadi uyithathile kepha awushongo lutho".
Kaze uyayifunda yini lezo  zincwadi zami?
Ithemba alisekho iqiniso lihle.
Awachithwe amanzi inkukhu ibalekile.
Ngiyavuma ithathwa esokeni.
Hleze vele sewabuyela,kulo isoka lakho lakudala.
Akusenani ngihosha imfe ngyabonga.

Details | Zakhele Bhekokwakhe Poem

Mtanami

Kuduma izulu, liwuhlome phansi.
Qede liwujikijele ngaphesheya.
Ngishitshe,indlela engihamba ngayo.
Isenzeka konke lokhu yini,loyal ngithithiza.
Ngihamba ngiqhaqhazela njengobanjwe amakhaza.
Ngiyasinga,njengoxoshwa ilanga kanti cha akunjalo.
Liphinde liwuphonse,ngamandla manje.
Angisaboni nakahle kuhlwile.

Ngiyacothoza,ngikhetha amabala.
Njengophethwe, impehla.
Ngisadidekile,nginjalo ngizithuku, sengise sangweni.
Liphinde,kuhlwengamandla ngike.
Awu nkosi yami okwami".
Ngiqhaqhazele, kakhulu manje.
Njengo phethwe idumbe.
Ngizofa "LA"" maze kukwabani?
Ngibone isalukazi siza siphinde some.
Sihleke kuvel igeqe.
Qede sithi "" mtanami.

Zivele zehle.
Hawu! umama phela,lo.
Kudala vele ngabhunguka ekhaya.