Details |
Parth Shrivastava Poem
Mujhe rehne do sapno me
Ki jeevan jeene se darr lagta he
Mujhe rehne do sannaton me
Ayurbal ke shor se darr lagta he
Bahut saare padav abhi baaki he
Par path chalne se darr lagta he
Abhi Kayi log milne baaki he
Par pehle walo se darr lagta he
Ve paraye aaj apno se lagte he
Lekin apno ki yaari se darr lagta he
Naye logo ko aaj na jaane Kyu
Dost kehne me darr lagta he
Jeevan ki ekantata tod , Bheed
ka hissa banne se darr lagta he
Bina kisi ka haath Thame Ab to
age badne se bhi darr lagta he
Kuch log mere liye bhi Jeete he
Unka soch marne se darr lagta he
marne ki kabhi sochta hu to
Maa papa ke ansu se darr lagta he
(Parth)
Copyright © Parth Shrivastava | Year Posted 2016
|
Details |
Parth Shrivastava Poem
Mene jab-jab dekha andhera dikha
Khwab bhi mele the dhuan dikha
Mene zindagi ko jeene ki koshish ki
Jeene ka maksad bhi maut me mila
(Parth)
Copyright © Parth Shrivastava | Year Posted 2015
|
Details |
Parth Shrivastava Poem
Vo thandi sarsarati hawa
Mujhe kuch keh ke chali gayi
Ranj-o-gam ki syahi me lipti
Kuch panne zindagi ke bhar gayi
Panne jab palat ke dekhe
To ek kahani simti dikhi
Na jane kab se dhool me padi thi
Kisi ke jeevan ki rubai mitati chali gayi
Kayi saal ho gaye uss sehar ko guzre hue
Ab to door tak vo hawa fir dikhti nahi
Meri zindagi ke vo panne jo usne bhare the
Unme jhakti meri rooh bhi marti rahi
Na jane vo hawa kya kehna chahti thi
Uski parchai bhi sirf yadon ko naseeb thi
Raton me bhi uska hi khayal ata he
Hum samajhte rahe aur vo udti chali gayi
Copyright © Parth Shrivastava | Year Posted 2016
|
Details |
Parth Shrivastava Poem
Meri shaksiyat pe gor karna,
Unsuljhi si lagegi
Mere beete kal pe gor karna,
Zindagi roothi si lagegi
Himmat ho tumme………..
To meri rooh dekh lena
Zarre zarre me maut ki,
Dastan dikhegi
(Parth)
Copyright © Parth Shrivastava | Year Posted 2015
|
Details |
Parth Shrivastava Poem
Beete kal ke nishaan nirantar cheekha karte he
Sher ki dhahad se mujhpe gurraya karte he
Apne aane wale kal ko behtar karne me chala tha
Mujhe kya pata tha ye jeevan ke baad bhi peecha karte he
Copyright © Parth Shrivastava | Year Posted 2016
|
Details |
Parth Shrivastava Poem
Kya batau kese batau
Ki kya mushkile he
Bas itna samajhlo tum
Ki mustakbil gardish me he
Mene saha kese saha
Ki kya halat the wo
Bas tum itna Jaan lo
Ki Jung ab tabish se he
Me jeeyu ese jeeyu
Ki kya majbooriyan thi
Tumko bas itna ilm ho
Taare mere jumbish me he
Me kahu jese kahu
Ki kya me tujhe batalau
sun le tu khajaalat se
ki me ab khalish me hu
Copyright © Parth Shrivastava | Year Posted 2016
|
Details |
Parth Shrivastava Poem
Shayad meri zindagi me andhera bahut tha
Din ke baad raat me ujala bahut tha
Uss ujale se zindagi roshan hui meri
Zindagi ke baad maut me andhera bahut tha
(Parth)
Copyright © Parth Shrivastava | Year Posted 2015
|
Details |
Parth Shrivastava Poem
Dosto se bichadne ka gum jaante he hum
Unse milne ki tadap ko mante he hum
Dosti nibhayi he sacche dil se humne
Tabhi to,
Sekdo ki bheeed me unki dhadkan pehchaante he hum
(Parth)
Copyright © Parth Shrivastava | Year Posted 2015
|