Political Lexophilia

2006 Fifa World Cup, ah jump and celebrate Trinidad in it But yuh know de saying, after joy is sorrow sh…..t Yeah boy, all skin teeth eh laugh Trinidadians like too much bacchanal Band yuh belly or just eat a food nah Behind back is dog’, before face is Mr. Dog ha! Geographically behind God back is Switzerland Shush! Bush have ears, corruption in Fifa and other far away land Well there is something brewing, something cooking up Come hell or high water America aim for control, headquarters swoop Yuh hear comess Corbeau doh eat sponge cake or wear dress Ey, cut eye doh kill Dis corruption thing is ah skill De mark buss De gloves are off who come fuss Boy beat the Iron while it hot Yuh ‘WARNER’ retire to be free ah what Well de mango doh fall far from the tree nah Yuh either a Havelange, a Blatter or ah ice Glazer Doh drink tea too sweet for nobody fever Doh cut off yuh nose tuh spoil yuh face forever Fifa put de cart before the horse Scandal and corruption investigation enforced Empty vessels make de most noise Whether partnership or independent every bread have he cheese Remember goat doh make sheep So whichever leader ent going to care He/she doh eat nice de say causing fear I dey with dem jus come attitude about de same old stuff Doh like tuh wok and jus loll off I am just a simple storyteller Political LEXOPHILIA ©Copyright June 9, 2015 by Brian PierreNasia Alexander