Imagination
'Imagine'. Life's wurth without, 'imagination',
could we iver contemplate creation?
A gif' to have in oor ain mind's een,
without it, nuthin' wundrous wid be iver seen.
Rabbie."O wad some Power the giftie gie us to see oursels as ithers see us"!
Wid that no' be a wundrous plus?
Imagine if, oor een had that gif' tae see,
aw' whit in life ,we wid luve tae be.
As a lad, tae see aw' lass's ways,
tae see their mind's een an' be ofay.
Tae ken whit they imagine life tae be,
whit they wid want aw' lad's tae see.
An' as a lassy, tae ken aw' Lad's minds,
an' their wishes, fur their ain mind's, tae find.
An' dugs an' cats an' aw' wee creatures aw',
tae see their wundrous thoughts we've niver saw.
An' tae see through wee burdies eens,
beautiful fields below o' verdant green.
An' tae soar wae oor imagination free,
Tae see life's wunders, in aw degrees.
Tae feel , the sounds, and see the breeze,
an imagine the thoughts o' aw' the trees.
Fur oor minds tae feel like aw' the fluers,
tae be coloured aw' day an' at ivery 'our.
Banish Poverty wid a'ways be in oor minds,
nae wars tae poverish aw mankind.
Equal rights fur aw' creatures livin' oan this earth,
let oor imagination gei strife the widest berth.
Aye , Imagine if aw' that an' aw that could be,
Nae sleekit thoughts o' oany degree.
Jist the power tae see hoo ithers see life,
Imagination tae banish, aw life's strife.
Imagine tae rid oorsels o' aw life's disease,
nae mair tae pay aw thay awsum fees.
An if we could imagine ithers point o' view,
nae need fur lawyers or the need tae sue.
Oh a wush in sum wee way,
aw' the wurld's folks kid be ofay.
O 'the power o' imaginative thoughts,
an' fur those thoughts niver tae be bought.
See aw' ithers points o' view, fur free,
Ithers views, as we wid like them tae see.
Jist hoo wunnerful the wurld wid be fur us,
a gigantic, brammer, humungus plus.
A'ways, afore a lay ma heid doon tae sleep,
Imagine guid things an' fur ma soul tae keep.
Oh whit a brammer wundrous gif'
Imagination,----- jist imagine. ----- If.
The Auld Yin.
Copyright © Alex Gardiner | Year Posted 2012
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment