Ang Asin Ng Sanlibutan
Ang asin ng sanlibutan
Ay nagmula sa dagat;
Gawa ng Inang Kalikasan,
Ang lasa ay maalat.
Ang asin ng sanlibutan
Ay totoong napakahalaga;
Kailangan ito ng katawan
Upang tubig di agad makawala.
Ang asin ng sanlibutan
Ay may iba't ibang uri;
May magaspang at pino,
May orihinal at peke.
Ang asin ng sanlibutan
Ay hindi lang para sa lutuin;
Gamit din upang di mabulok,
Karne ng hayop o isda rin.
Ang mga tao sa mundo
Ay alipin ng kabulukan;
Pinagtularan sa Iglesia ni Cristo
Ang asin ng sanlibutan.
Copyright © Bernard F. Asuncion | Year Posted 2017
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem.
Please
Login
to post a comment