Written by
Robert Burns |
UPON 1 a simmer Sunday morn
When Nature’s face is fair,
I walked forth to view the corn,
An’ snuff the caller air.
The rising sun owre Galston muirs
Wi’ glorious light was glintin;
The hares were hirplin down the furrs,
The lav’rocks they were chantin
Fu’ sweet that day.
As lightsomely I glowr’d abroad,
To see a scene sae gay,
Three hizzies, early at the road,
Cam skelpin up the way.
Twa had manteeles o” dolefu’ black,
But ane wi’ lyart lining;
The third, that gaed a wee a-back,
Was in the fashion shining
Fu’ gay that day.
The twa appear’d like sisters twin,
In feature, form, an’ claes;
Their visage wither’d, lang an’ thin,
An’ sour as only slaes:
The third cam up, hap-stap-an’-lowp,
As light as ony lambie,
An’ wi’a curchie low did stoop,
As soon as e’er she saw me,
Fu’ kind that day.
Wi’ bonnet aff, quoth I, “Sweet lass,
I think ye seem to ken me;
I’m sure I’ve seen that bonie face
But yet I canna name ye.”
Quo’ she, an’ laughin as she spak,
An’ taks me by the han’s,
“Ye, for my sake, hae gien the feck
Of a’ the ten comman’s
A screed some day.”
“My name is Fun—your cronie dear,
The nearest friend ye hae;
An’ this is Superstitution here,
An’ that’s Hypocrisy.
I’m gaun to Mauchline Holy Fair,
To spend an hour in daffin:
Gin ye’ll go there, yon runkl’d pair,
We will get famous laughin
At them this day.”
Quoth I, “Wi’ a’ my heart, I’ll do’t;
I’ll get my Sunday’s sark on,
An’ meet you on the holy spot;
Faith, we’se hae fine remarkin!”
Then I gaed hame at crowdie-time,
An’ soon I made me ready;
For roads were clad, frae side to side,
Wi’ mony a weary body
In droves that day.
Here farmers gash, in ridin graith,
Gaed hoddin by their cotters;
There swankies young, in braw braid-claith,
Are springing owre the gutters.
The lasses, skelpin barefit, thrang,
In silks an’ scarlets glitter;
Wi’ sweet-milk cheese, in mony a whang,
An’ farls, bak’d wi’ butter,
Fu’ crump that day.
When by the plate we set our nose,
Weel heaped up wi’ ha’pence,
A greedy glowr black-bonnet throws,
An’ we maun draw our tippence.
Then in we go to see the show:
On ev’ry side they’re gath’rin;
Some carrying dails, some chairs an’ stools,
An’ some are busy bleth’rin
Right loud that day.
Here stands a shed to fend the show’rs,
An’ screen our countra gentry;
There “Racer Jess, 2 an’ twa-three whores,
Are blinkin at the entry.
Here sits a raw o’ tittlin jads,
Wi’ heaving breast an’ bare neck;
An’ there a batch o’ wabster lads,
Blackguarding frae Kilmarnock,
For fun this day.
Here, some are thinkin on their sins,
An’ some upo’ their claes;
Ane curses feet that fyl’d his shins,
Anither sighs an’ prays:
On this hand sits a chosen swatch,
Wi’ screwed-up, grace-proud faces;
On that a set o’ chaps, at watch,
Thrang winkin on the lasses
To chairs that day.
O happy is that man, an’ blest!
Nae wonder that it pride him!
Whase ain dear lass, that he likes best,
Comes clinkin down beside him!
Wi’ arms repos’d on the chair back,
He sweetly does compose him;
Which, by degrees, slips round her neck,
An’s loof upon her bosom,
Unkend that day.
Now a’ the congregation o’er
Is silent expectation;
For Moodie 3 speels the holy door,
Wi’ tidings o’ damnation:
Should Hornie, as in ancient days,
’Mang sons o’ God present him,
The vera sight o’ Moodie’s face,
To ’s ain het hame had sent him
Wi’ fright that day.
Hear how he clears the point o’ faith
Wi’ rattlin and wi’ thumpin!
Now meekly calm, now wild in wrath,
He’s stampin, an’ he’s jumpin!
His lengthen’d chin, his turned-up snout,
His eldritch squeel an’ gestures,
O how they fire the heart devout,
Like cantharidian plaisters
On sic a day!
But hark! the tent has chang’d its voice,
There’s peace an’ rest nae langer;
For a’ the real judges rise,
They canna sit for anger,
Smith 4 opens out his cauld harangues,
On practice and on morals;
An’ aff the godly pour in thrangs,
To gie the jars an’ barrels
A lift that day.
What signifies his barren shine,
Of moral powers an’ reason?
His English style, an’ gesture fine
Are a’ clean out o’ season.
Like Socrates or Antonine,
Or some auld pagan heathen,
The moral man he does define,
But ne’er a word o’ faith in
That’s right that day.
In guid time comes an antidote
Against sic poison’d nostrum;
For Peebles, 5 frae the water-fit,
Ascends the holy rostrum:
See, up he’s got, the word o’ God,
An’ meek an’ mim has view’d it,
While Common-sense has taen the road,
An’ aff, an’ up the Cowgate 6
Fast, fast that day.
Wee Miller 7 neist the guard relieves,
An’ Orthodoxy raibles,
Tho’ in his heart he weel believes,
An’ thinks it auld wives’ fables:
But faith! the birkie wants a manse,
So, cannilie he hums them;
Altho’ his carnal wit an’ sense
Like hafflins-wise o’ercomes him
At times that day.
Now, butt an’ ben, the change-house fills,
Wi’ yill-caup commentators;
Here ’s cryin out for bakes and gills,
An’ there the pint-stowp clatters;
While thick an’ thrang, an’ loud an’ lang,
Wi’ logic an’ wi’ scripture,
They raise a din, that in the end
Is like to breed a rupture
O’ wrath that day.
Leeze me on drink! it gies us mair
Than either school or college;
It kindles wit, it waukens lear,
It pangs us fou o’ knowledge:
Be’t whisky-gill or penny wheep,
Or ony stronger potion,
It never fails, or drinkin deep,
To kittle up our notion,
By night or day.
The lads an’ lasses, blythely bent
To mind baith saul an’ body,
Sit round the table, weel content,
An’ steer about the toddy:
On this ane’s dress, an’ that ane’s leuk,
They’re makin observations;
While some are cozie i’ the neuk,
An’ forming assignations
To meet some day.
But now the L—’s ain trumpet touts,
Till a’ the hills are rairin,
And echoes back return the shouts;
Black Russell is na sparin:
His piercin words, like Highlan’ swords,
Divide the joints an’ marrow;
His talk o’ Hell, whare devils dwell,
Our vera “sauls does harrow”
Wi’ fright that day!
A vast, unbottom’d, boundless pit,
Fill’d fou o’ lowin brunstane,
Whase raging flame, an’ scorching heat,
Wad melt the hardest whun-stane!
The half-asleep start up wi’ fear,
An’ think they hear it roarin;
When presently it does appear,
’Twas but some neibor snorin
Asleep that day.
’Twad be owre lang a tale to tell,
How mony stories past;
An’ how they crouded to the yill,
When they were a’ dismist;
How drink gaed round, in cogs an’ caups,
Amang the furms an’ benches;
An’ cheese an’ bread, frae women’s laps,
Was dealt about in lunches
An’ dawds that day.
In comes a gawsie, gash guidwife,
An’ sits down by the fire,
Syne draws her kebbuck an’ her knife;
The lasses they are shyer:
The auld guidmen, about the grace
Frae side to side they bother;
Till some ane by his bonnet lays,
An’ gies them’t like a tether,
Fu’ lang that day.
Waesucks! for him that gets nae lass,
Or lasses that hae naething!
Sma’ need has he to say a grace,
Or melvie his braw claithing!
O wives, be mindfu’ ance yoursel’
How bonie lads ye wanted;
An’ dinna for a kebbuck-heel
Let lasses be affronted
On sic a day!
Now Clinkumbell, wi’ rattlin tow,
Begins to jow an’ croon;
Some swagger hame the best they dow,
Some wait the afternoon.
At slaps the billies halt a blink,
Till lasses strip their shoon:
Wi’ faith an’ hope, an’ love an’ drink,
They’re a’ in famous tune
For crack that day.
How mony hearts this day converts
O’ sinners and o’ lasses!
Their hearts o’ stane, gin night, are gane
As saft as ony flesh is:
There’s some are fou o’ love divine;
There’s some are fou o’ brandy;
An’ mony jobs that day begin,
May end in houghmagandie
Some ither day.
Note 1. “Holy Fair” is a common phrase in the west of Scotland for a sacramental occasion.—R. B. [back]
Note 2. Racer Jess (d. 1813) was a half-witted daughter of Poosie Nansie. She was a great pedestrian. [back]
Note 3. Rev. Alexander Moodie of Riccarton. [back]
Note 4. Rev. George Smith of Galston. [back]
Note 5. Rev. Wm. Peebles of Newton-upon-Ayr. [back]
Note 6. A street so called which faces the tent in Mauchline.—R. B. [back]
Note 7. Rev. Alex. Miller, afterward of Kilmaurs. [back]
|
Written by
Robert Burns |
O THOU! whatever title suit thee—
Auld Hornie, Satan, Nick, or Clootie,
Wha in yon cavern grim an’ sootie,
Clos’d under hatches,
Spairges about the brunstane cootie,
To scaud poor wretches!
Hear me, auld Hangie, for a wee,
An’ let poor damned bodies be;
I’m sure sma’ pleasure it can gie,
Ev’n to a deil,
To skelp an’ scaud poor dogs like me,
An’ hear us squeel!
Great is thy pow’r an’ great thy fame;
Far ken’d an’ noted is thy name;
An’ tho’ yon lowin’ heuch’s thy hame,
Thou travels far;
An’ faith! thou’s neither lag nor lame,
Nor blate, nor scaur.
Whiles, ranging like a roarin lion,
For prey, a’ holes and corners tryin;
Whiles, on the strong-wind’d tempest flyin,
Tirlin the kirks;
Whiles, in the human bosom pryin,
Unseen thou lurks.
I’ve heard my rev’rend graunie say,
In lanely glens ye like to stray;
Or where auld ruin’d castles grey
Nod to the moon,
Ye fright the nightly wand’rer’s way,
Wi’ eldritch croon.
When twilight did my graunie summon,
To say her pray’rs, douse, honest woman!
Aft’yont the dyke she’s heard you bummin,
Wi’ eerie drone;
Or, rustlin, thro’ the boortrees comin,
Wi’ heavy groan.
Ae dreary, windy, winter night,
The stars shot down wi’ sklentin light,
Wi’ you, mysel’ I gat a fright,
Ayont the lough;
Ye, like a rash-buss, stood in sight,
Wi’ wavin’ sough.
The cudgel in my nieve did shake,
Each brist’ld hair stood like a stake,
When wi’ an eldritch, stoor “quaick, quaick,”
Amang the springs,
Awa ye squatter’d like a drake,
On whistlin’ wings.
Let warlocks grim, an’ wither’d hags,
Tell how wi’ you, on ragweed nags,
They skim the muirs an’ dizzy crags,
Wi’ wicked speed;
And in kirk-yards renew their leagues,
Owre howkit dead.
Thence countra wives, wi’ toil and pain,
May plunge an’ plunge the kirn in vain;
For oh! the yellow treasure’s ta’en
By witchin’ skill;
An’ dawtit, twal-pint hawkie’s gane
As yell’s the bill.
Thence mystic knots mak great abuse
On young guidmen, fond, keen an’ crouse,
When the best wark-lume i’ the house,
By cantrip wit,
Is instant made no worth a louse,
Just at the bit.
When thowes dissolve the snawy hoord,
An’ float the jinglin’ icy boord,
Then water-kelpies haunt the foord,
By your direction,
And ’nighted trav’llers are allur’d
To their destruction.
And aft your moss-traversin Spunkies
Decoy the wight that late an’ drunk is:
The bleezin, curst, mischievous monkies
Delude his eyes,
Till in some miry slough he sunk is,
Ne’er mair to rise.
When masons’ mystic word an’ grip
In storms an’ tempests raise you up,
Some cock or cat your rage maun stop,
Or, strange to tell!
The youngest brither ye wad whip
Aff straught to hell.
Lang syne in Eden’s bonie yard,
When youthfu’ lovers first were pair’d,
An’ all the soul of love they shar’d,
The raptur’d hour,
Sweet on the fragrant flow’ry swaird,
In shady bower; 1
Then you, ye auld, snick-drawing dog!
Ye cam to Paradise incog,
An’ play’d on man a cursèd brogue,
(Black be your fa’!)
An’ gied the infant warld a shog,
’Maist rui’d a’.
D’ye mind that day when in a bizz
Wi’ reekit duds, an’ reestit gizz,
Ye did present your smoutie phiz
’Mang better folk,
An’ sklented on the man of Uzz
Your spitefu’ joke?
An’ how ye gat him i’ your thrall,
An’ brak him out o’ house an hal’,
While scabs and botches did him gall,
Wi’ bitter claw;
An’ lows’d his ill-tongu’d wicked scaul’,
Was warst ava?
But a’ your doings to rehearse,
Your wily snares an’ fechtin fierce,
Sin’ that day Michael 2 did you pierce,
Down to this time,
Wad ding a Lallan tounge, or Erse,
In prose or rhyme.
An’ now, auld Cloots, I ken ye’re thinkin,
A certain bardie’s rantin, drinkin,
Some luckless hour will send him linkin
To your black pit;
But faith! he’ll turn a corner jinkin,
An’ cheat you yet.
But fare-you-weel, auld Nickie-ben!
O wad ye tak a thought an’ men’!
Ye aiblins might-I dinna ken—
Stil hae a stake
I’m wae to think up’ yon den,
Ev’n for your sake!
Note 1. The verse originally ran:
“Lang syne, in Eden’s happy scene
When strappin Adam’s days were green,
And Eve was like my bonie Jean,
My dearest part,
A dancin, sweet, young handsome quean,
O’ guileless heart.”
[back]
Note 2. Vide Milton, Book vi.—R. B. [back]
|
Written by
Robert Burns |
O ROUGH, rude, ready-witted Rankine,
The wale o’ cocks for fun an’ drinkin!
There’s mony godly folks are thinkin,
Your dreams and tricks
Will send you, Korah-like, a-sinkin
Straught to auld Nick’s.
Ye hae saw mony cracks an’ cants,
And in your wicked, drucken rants,
Ye mak a devil o’ the saunts,
An’ fill them fou;
And then their failings, flaws, an’ wants,
Are a’ seen thro’.
Hypocrisy, in mercy spare it!
That holy robe, O dinna tear it!
Spare’t for their sakes, wha aften wear it—
The lads in black;
But your curst wit, when it comes near it,
Rives’t aff their back.
Think, wicked Sinner, wha ye’re skaithing:
It’s just the Blue-gown badge an’ claithing
O’ saunts; tak that, ye lea’e them naething
To ken them by
Frae ony unregenerate heathen,
Like you or I.
I’ve sent you here some rhyming ware,
A’ that I bargain’d for, an’ mair;
Sae, when ye hae an hour to spare,
I will expect,
Yon sang ye’ll sen’t, wi’ cannie care,
And no neglect.
Tho’ faith, sma’ heart hae I to sing!
My muse dow scarcely spread her wing;
I’ve play’d mysel a bonie spring,
An’ danc’d my fill!
I’d better gaen an’ sair’t the king,
At Bunker’s Hill.
’Twas ae night lately, in my fun,
I gaed a rovin’ wi’ the gun,
An’ brought a paitrick to the grun’—
A bonie hen;
And, as the twilight was begun,
Thought nane wad ken.
The poor, wee thing was little hurt;
I straikit it a wee for sport,
Ne’er thinkin they wad fash me for’t;
But, Deil-ma-care!
Somebody tells the poacher-court
The hale affair.
Some auld, us’d hands had taen a note,
That sic a hen had got a shot;
I was suspected for the plot;
I scorn’d to lie;
So gat the whissle o’ my groat,
An’ pay’t the fee.
But by my gun, o’ guns the wale,
An’ by my pouther an’ my hail,
An’ by my hen, an’ by her tail,
I vow an’ swear!
The game shall pay, o’er muir an’ dale,
For this, niest year.
As soon’s the clockin-time is by,
An’ the wee pouts begun to cry,
Lord, I’se hae sporting by an’ by
For my gowd guinea,
Tho’ I should herd the buckskin kye
For’t in Virginia.
Trowth, they had muckle for to blame!
’Twas neither broken wing nor limb,
But twa-three draps about the wame,
Scarce thro’ the feathers;
An’ baith a yellow George to claim,
An’ thole their blethers!
It pits me aye as mad’s a hare;
So I can rhyme nor write nae mair;
But pennyworths again is fair,
When time’s expedient:
Meanwhile I am, respected Sir,
Your most obedient.
|
Written by
Robert William Service |
The poppies gleamed like bloody pools through cotton-woolly mist;
The Captain kept a-lookin' at the watch upon his wrist;
And there we smoked and squatted, as we watched the shrapnel flame;
'Twas wonnerful, I'm tellin' you, how fast them bullets came.
'Twas weary work the waiting, though; I tried to sleep a wink,
For waitin' means a-thinkin', and it doesn't do to think.
So I closed my eyes a little, and I had a niceish dream
Of a-standin' by a dresser with a dish of Devon cream;
But I hadn't time to sample it, for suddenlike I woke:
"Come on, me lads!" the Captain says, 'n I climbed out through the smoke.
We spread out in the open: it was like a bath of lead;
But the boys they cheered and hollered fit to raise the bloody dead,
Till a beastly bullet copped 'em, then they lay without a sound,
And it's odd -- we didn't seem to heed them corpses on the ground.
And I kept on thinkin', thinkin', as the bullets faster flew,
How they picks the werry best men, and they lets the rotters through;
So indiscriminatin' like, they spares a man of sin,
And a rare lad wot's a husband and a father gets done in.
And while havin' these reflections and advancin' on the run,
A bullet biffs me shoulder, and says I: "That's number one."
Well, it downed me for a jiffy, but I didn't lose me calm,
For I knew that I was needed: I'm a bomber, so I am.
I 'ad lost me cap and rifle, but I "carried on" because
I 'ad me bombs and knew that they was needed, so they was.
We didn't 'ave no singin' now, nor many men to cheer;
Maybe the shrapnel drowned 'em, crashin' out so werry near;
And the Maxims got us sideways, and the bullets faster flew,
And I copped one on me flipper, and says I: "That's number two."
I was pleased it was the left one, for I 'ad me bombs, ye see,
And 'twas 'ard if they'd be wasted like, and all along o' me.
And I'd lost me 'at and rifle -- but I told you that before,
So I packed me mit inside me coat and "carried on" once more.
But the rumpus it was wicked, and the men were scarcer yet,
And I felt me ginger goin', but me jaws I kindo set,
And we passed the Boche first trenches, which was 'eapin' 'igh with dead,
And we started for their second, which was fifty feet ahead;
When something like a 'ammer smashed me savage on the knee,
And down I came all muck and blood: Says I: "That's number three."
So there I lay all 'elpless like, and bloody sick at that,
And worryin' like anythink, because I'd lost me 'at;
And thinkin' of me missis, and the partin' words she said:
"If you gets killed, write quick, ol' man, and tell me as you're dead."
And lookin' at me bunch o' bombs -- that was the 'ardest blow,
To think I'd never 'ave the chance to 'url them at the foe.
And there was all our boys in front, a-fightin' there like mad,
And me as could 'ave 'elped 'em wiv the lovely bombs I 'ad.
And so I cussed and cussed, and then I struggled back again,
Into that bit of battered trench, packed solid with its slain.
Now as I lay a-lyin' there and blastin' of me lot,
And wishin' I could just dispose of all them bombs I'd got,
I sees within the doorway of a shy, retirin' dug-out
Six Boches all a-grinnin', and their Captain stuck 'is mug out;
And they 'ad a nice machine gun, and I twigged what they was at;
And they fixed it on a tripod, and I watched 'em like a cat;
And they got it in position, and they seemed so werry glad,
Like they'd got us in a death-trap, which, condemn their souls! they 'ad.
For there our boys was fightin' fifty yards in front, and 'ere
This lousy bunch of Boches they 'ad got us in the rear.
Oh it set me blood a-boilin' and I quite forgot me pain,
So I started crawlin', crawlin' over all them mounds of slain;
And them barstards was so busy-like they 'ad no eyes for me,
And me bleedin' leg was draggin', but me right arm it was free. . . .
And now they 'ave it all in shape, and swingin' sweet and clear;
And now they're all excited like, but -- I am drawin' near;
And now they 'ave it loaded up, and now they're takin' aim. . . .
Rat-tat-tat-tat! Oh here, says I, is where I join the game.
And my right arm it goes swingin', and a bomb it goes a-slingin',
And that "typewriter" goes wingin' in a thunderbolt of flame.
Then these Boches, wot was left of 'em, they tumbled down their 'ole,
And up I climbed a mound of dead, and down on them I stole.
And oh that blessed moment when I heard their frightened yell,
And I laughed down in that dug-out, ere I bombed their souls to hell.
And now I'm in the hospital, surprised that I'm alive;
We started out a thousand men, we came back thirty-five.
And I'm minus of a trotter, but I'm most amazin' gay,
For me bombs they wasn't wasted, though, you might say, "thrown away".
|
Written by
Robert William Service |
When a man gits on his uppers in a hard-pan sort of town,
An' he ain't got nothin' comin' an' he can't afford ter eat,
An' he's in a fix for lodgin' an' he wanders up an' down,
An' you'd fancy he'd been boozin', he's so locoed 'bout the feet;
When he's feelin' sneakin' sorry an' his belt is hangin' slack,
An' his face is peaked an' gray-like an' his heart gits down an' whines,
Then he's apt ter git a-thinkin' an' a-wishin' he was back
In the little ol' log cabin in the shadder of the pines.
When he's on the blazin' desert an' his canteen's sprung a leak,
An' he's all alone an' crazy an' he's crawlin' like a snail,
An' his tongue's so black an' swollen that it hurts him fer to speak,
An' he gouges down fer water an' the raven's on his trail;
When he's done with care and cursin' an' he feels more like to cry,
An' he sees ol' Death a-grinnin' an' he thinks upon his crimes,
Then he's like ter hev' a vision, as he settles down ter die,
Of the little ol' log cabin an' the roses an' the vines.
Oh, the little ol' log cabin, it's a solemn shinin' mark,
When a feller gits ter sinnin' an' a-goin' ter the wall,
An' folks don't understand him an' he's gropin' in the dark,
An' he's sick of bein' cursed at an' he's longin' fer his call!
When the sun of life's a-sinkin' you can see it 'way above,
On the hill from out the shadder in a glory 'gin the sky,
An' your mother's voice is callin', an' her arms are stretched in love,
An' somehow you're glad you're goin', an' you ain't a-scared to die;
When you'll be like a kid again an' nestle to her breast,
An' never leave its shelter, an' forget, an' love, an' rest.
|
Written by
Badger Clark |
One time, 'way back where the year marks fade,
God said: "I see I must lose my West,
The prettiest part of the world I made,
The place where I've always come to rest,
For the White Man grows till he fights for bread
And he begs and prays for a chance to spread.
"Yet I won't give all of my last retreat;
I'll help him to fight his long trail through,
But I'll keep some land from his field and street
The way that it was when the world was new.
He'll cry for it all, for that's his way,
And yet he may understand some day."
And so, from the painted Bad Lands, 'way
To the sun-beat home of the 'Pache kin,
God stripped some places to sand and clay
And dried up the beds where the streams had been.
He marked His reserves with these plain signs
And stationed His rangers to guard the lines.
Then the White Man came, as the East growed old,
And blazed his trail with the wreck of war.
He riled the rivers to hunt for gold
And found the stuff he was lookin' for;
Then he trampled the Injun trails to ruts
And gashed through the hills with railroad cuts.
He flung out his barb-wire fences wide
And plowed up the ground where the grass was high.
He stripped off the trees from the mountain side
And ground out his ore where the streams run by,
Till last came the cities, with smoke and roar,
And the White Man was feelin' at home once more.
But Barrenness, Loneliness, suchlike things
That gall and grate on the White Man's nerves,
Was the rangers that camped by the bitter springs
And guarded the lines of God's reserves.
So the folks all shy from the desert land,
'Cept mebbe a few that kin understand.
There the world's the same as the day 'twas new,
With the land as clean as the smokeless sky
And never a noise as the years have flew,
But the sound of the warm wind driftin' by;
And there, alone, with the man's world far,
There's a chance to think who you really are.
And over the reach of the desert bare,
When the sun drops low and the day wind stills,
Sometimes you kin almost see Him there,
As He sits alone on the blue-gray hills,
A-thinkin' of things that's beyond our ken
And restin' Himself from the noise of men.
|
Written by
Robert Burns |
MY love, she’s but a lassie yet,
My love, she’s but a lassie yet;
We’ll let her stand a year or twa,
She’ll no be half sae saucy yet;
I rue the day I sought her, O!
I rue the day I sought her, O!
Wha gets her needs na say she’s woo’d,
But he may say he’s bought her, O.
Come, draw a drap o’ the best o’t yet,
Come, draw a drap o’ the best o’t yet,
Gae seek for pleasure whare you will,
But here I never miss’d it yet,
We’re a’ dry wi’ drinkin o’t,
We’re a’ dry wi’ drinkin o’t;
The minister kiss’d the fiddler’s wife;
He could na preach for thinkin o’t.
|