Written by
Robert Burns |
GUID-MORNIN’ to our Majesty!
May Heaven augment your blisses
On ev’ry new birth-day ye see,
A humble poet wishes.
My bardship here, at your Levee
On sic a day as this is,
Is sure an uncouth sight to see,
Amang thae birth-day dresses
Sae fine this day.
I see ye’re complimented thrang,
By mony a lord an’ lady;
“God save the King” ’s a cuckoo sang
That’s unco easy said aye:
The poets, too, a venal gang,
Wi’ rhymes weel-turn’d an’ ready,
Wad gar you trow ye ne’er do wrang,
But aye unerring steady,
On sic a day.
For me! before a monarch’s face
Ev’n there I winna flatter;
For neither pension, post, nor place,
Am I your humble debtor:
So, nae reflection on your Grace,
Your Kingship to bespatter;
There’s mony waur been o’ the race,
And aiblins ane been better
Than you this day.
’Tis very true, my sovereign King,
My skill may weel be doubted;
But facts are chiels that winna ding,
An’ downa be disputed:
Your royal nest, beneath your wing,
Is e’en right reft and clouted,
And now the third part o’ the string,
An’ less, will gang aboot it
Than did ae day. 1
Far be’t frae me that I aspire
To blame your legislation,
Or say, ye wisdom want, or fire,
To rule this mighty nation:
But faith! I muckle doubt, my sire,
Ye’ve trusted ministration
To chaps wha in barn or byre
Wad better fill’d their station
Than courts yon day.
And now ye’ve gien auld Britain peace,
Her broken shins to plaister,
Your sair taxation does her fleece,
Till she has scarce a tester:
For me, thank God, my life’s a lease,
Nae bargain wearin’ faster,
Or, faith! I fear, that, wi’ the geese,
I shortly boost to pasture
I’ the craft some day.
I’m no mistrusting Willie Pitt,
When taxes he enlarges,
(An’ Will’s a true guid fallow’s get,
A name not envy spairges),
That he intends to pay your debt,
An’ lessen a’ your charges;
But, God-sake! let nae saving fit
Abridge your bonie barges
An’boats this day.
Adieu, my Liege; may freedom geck
Beneath your high protection;
An’ may ye rax Corruption’s neck,
And gie her for dissection!
But since I’m here, I’ll no neglect,
In loyal, true affection,
To pay your Queen, wi’ due respect,
May fealty an’ subjection
This great birth-day.
Hail, Majesty most Excellent!
While nobles strive to please ye,
Will ye accept a compliment,
A simple poet gies ye?
Thae bonie bairntime, Heav’n has lent,
Still higher may they heeze ye
In bliss, till fate some day is sent
For ever to release ye
Frae care that day.
For you, young Potentate o’Wales,
I tell your highness fairly,
Down Pleasure’s stream, wi’ swelling sails,
I’m tauld ye’re driving rarely;
But some day ye may gnaw your nails,
An’ curse your folly sairly,
That e’er ye brak Diana’s pales,
Or rattl’d dice wi’ Charlie
By night or day.
Yet aft a ragged cowt’s been known,
To mak a noble aiver;
So, ye may doucely fill the throne,
For a’their clish-ma-claver:
There, him 2 at Agincourt wha shone,
Few better were or braver:
And yet, wi’ funny, ***** Sir John, 3
He was an unco shaver
For mony a day.
For you, right rev’rend Osnaburg,
Nane sets the lawn-sleeve sweeter,
Altho’ a ribbon at your lug
Wad been a dress completer:
As ye disown yon paughty dog,
That bears the keys of Peter,
Then swith! an’ get a wife to hug,
Or trowth, ye’ll stain the mitre
Some luckless day!
Young, royal Tarry-breeks, I learn,
Ye’ve lately come athwart her—
A glorious galley, 4 stem and stern,
Weel rigg’d for Venus’ barter;
But first hang out, that she’ll discern,
Your hymeneal charter;
Then heave aboard your grapple airn,
An’ large upon her quarter,
Come full that day.
Ye, lastly, bonie blossoms a’,
Ye royal lasses dainty,
Heav’n mak you guid as well as braw,
An’ gie you lads a-plenty!
But sneer na British boys awa!
For kings are unco scant aye,
An’ German gentles are but sma’,
They’re better just than want aye
On ony day.
Gad bless you a’! consider now,
Ye’re unco muckle dautit;
But ere the course o’ life be through,
It may be bitter sautit:
An’ I hae seen their coggie fou,
That yet hae tarrow’t at it.
But or the day was done, I trow,
The laggen they hae clautit
Fu’ clean that day.
Note 1. The American colonies had recently been lost. [back]
Note 2. King Henry V.—R. B. [back]
Note 3. Sir John Falstaff, vid. Shakespeare.—R. B. [back]
Note 4. Alluding to the newspaper account of a certain Royal sailor’s amour.—R. B. This was Prince William Henry, third son of George III, afterward King William IV. [back]
|
Written by
John Donne |
Why are we by all creatures waited on?
Why do the prodigal elements supply
Life and food to me, being more pure than I,
Simple, and further from corruption?
Why brook'st thou, ignorant horse, subjection?
Why dost thou, bull, and bore so seelily,
Dissemble weakness, and by one man's stroke die,
Whose whole kind you might swallow and feed upon?
Weaker I am, woe is me, and worse than you,
You have not sinned, nor need be timorous.
But wonder at a greater wonder, for to us
Created nature doth these things subdue,
But their Creator, whom sin nor nature tied,
For us, His creatures, and His foes, hath died.
|
Written by
Isaac Watts |
Christian virtues; or, The difficulty of conversion.
Strait is the way, the door is strait,
That leads to joys on high;
'Tis but a few that find the gate,
While crowds mistake, and die.
Beloved self must be denied,
The mind and will renewed
Passion suppressed, and patience tried,
And vain desires subdued.
[Flesh is a dangerous foe to grace,
Where it prevails and rules;
Flesh must be humbled, pride abased,
Lest they destroy our souls.
The love of gold be banished hence,
That vile idolatry,
And every member, every sense,
in sweet subjection lie.]
The tongue, that most unruly power,
Requires a strong restraint;
We must be watchful every hour,
And pray, but never faint.
Lord, can a feeble, helpless worm
Fulfil a task so hard?
Thy grace must all my work perform,
And give the free reward.
|