Written by
Robert Burns |
I GAT your letter, winsome Willie;
Wi’ gratefu’ heart I thank you brawlie;
Tho’ I maun say’t, I wad be silly,
And unco vain,
Should I believe, my coaxin billie
Your flatterin strain.
But I’se believe ye kindly meant it:
I sud be laith to think ye hinted
Ironic satire, sidelins sklented
On my poor Musie;
Tho’ in sic phraisin terms ye’ve penn’d it,
I scarce excuse ye.
My senses wad be in a creel,
Should I but dare a hope to speel
Wi’ Allan, or wi’ Gilbertfield,
The braes o’ fame;
Or Fergusson, the writer-chiel,
A deathless name.
(O Fergusson! thy glorious parts
Ill suited law’s dry, musty arts!
My curse upon your whunstane hearts,
Ye E’nbrugh gentry!
The tithe o’ what ye waste at cartes
Wad stow’d his pantry!)
Yet when a tale comes i’ my head,
Or lassies gie my heart a screed—
As whiles they’re like to be my dead,
(O sad disease!)
I kittle up my rustic reed;
It gies me ease.
Auld Coila now may fidge fu’ fain,
She’s gotten poets o’ her ain;
Chiels wha their chanters winna hain,
But tune their lays,
Till echoes a’ resound again
Her weel-sung praise.
Nae poet thought her worth his while,
To set her name in measur’d style;
She lay like some unkenn’d-of-isle
Beside New Holland,
Or whare wild-meeting oceans boil
Besouth Magellan.
Ramsay an’ famous Fergusson
Gied Forth an’ Tay a lift aboon;
Yarrow an’ Tweed, to monie a tune,
Owre Scotland rings;
While Irwin, Lugar, Ayr, an’ Doon
Naebody sings.
Th’ Illissus, Tiber, Thames, an’ Seine,
Glide sweet in monie a tunefu’ line:
But Willie, set your fit to mine,
An’ cock your crest;
We’ll gar our streams an’ burnies shine
Up wi’ the best!
We’ll sing auld Coila’s plains an’ fells,
Her moors red-brown wi’ heather bells,
Her banks an’ braes, her dens and dells,
Whare glorious Wallace
Aft bure the gree, as story tells,
Frae Suthron billies.
At Wallace’ name, what Scottish blood
But boils up in a spring-tide flood!
Oft have our fearless fathers strode
By Wallace’ side,
Still pressing onward, red-wat-shod,
Or glorious died!
O, sweet are Coila’s haughs an’ woods,
When lintwhites chant amang the buds,
And jinkin hares, in amorous whids,
Their loves enjoy;
While thro’ the braes the cushat croods
With wailfu’ cry!
Ev’n winter bleak has charms to me,
When winds rave thro’ the naked tree;
Or frosts on hills of Ochiltree
Are hoary gray;
Or blinding drifts wild-furious flee,
Dark’ning the day!
O Nature! a’ thy shews an’ forms
To feeling, pensive hearts hae charms!
Whether the summer kindly warms,
Wi’ life an light;
Or winter howls, in gusty storms,
The lang, dark night!
The muse, nae poet ever fand her,
Till by himsel he learn’d to wander,
Adown some trottin burn’s meander,
An’ no think lang:
O sweet to stray, an’ pensive ponder
A heart-felt sang!
The war’ly race may drudge an’ drive,
Hog-shouther, jundie, stretch, an’ strive;
Let me fair Nature’s face descrive,
And I, wi’ pleasure,
Shall let the busy, grumbling hive
Bum owre their treasure.
Fareweel, “my rhyme-composing” brither!
We’ve been owre lang unkenn’d to ither:
Now let us lay our heads thegither,
In love fraternal:
May envy wallop in a tether,
Black fiend, infernal!
While Highlandmen hate tools an’ taxes;
While moorlan’s herds like guid, fat braxies;
While terra firma, on her axis,
Diurnal turns;
Count on a friend, in faith an’ practice,
In Robert Burns.
POSTCRIPTMY memory’s no worth a preen;
I had amaist forgotten clean,
Ye bade me write you what they mean
By this “new-light,”
’Bout which our herds sae aft hae been
Maist like to fight.
In days when mankind were but callans
At grammar, logic, an’ sic talents,
They took nae pains their speech to balance,
Or rules to gie;
But spak their thoughts in plain, braid lallans,
Like you or me.
In thae auld times, they thought the moon,
Just like a sark, or pair o’ shoon,
Wore by degrees, till her last roon
Gaed past their viewin;
An’ shortly after she was done
They gat a new ane.
This passed for certain, undisputed;
It ne’er cam i’ their heads to doubt it,
Till chiels gat up an’ wad confute it,
An’ ca’d it wrang;
An’ muckle din there was about it,
Baith loud an’ lang.
Some herds, weel learn’d upo’ the beuk,
Wad threap auld folk the thing misteuk;
For ’twas the auld moon turn’d a neuk
An’ out of’ sight,
An’ backlins-comin to the leuk
She grew mair bright.
This was deny’d, it was affirm’d;
The herds and hissels were alarm’d
The rev’rend gray-beards rav’d an’ storm’d,
That beardless laddies
Should think they better wer inform’d,
Than their auld daddies.
Frae less to mair, it gaed to sticks;
Frae words an’ aiths to clours an’ nicks;
An monie a fallow gat his licks,
Wi’ hearty crunt;
An’ some, to learn them for their tricks,
Were hang’d an’ brunt.
This game was play’d in mony lands,
An’ auld-light caddies bure sic hands,
That faith, the youngsters took the sands
Wi’ nimble shanks;
Till lairds forbad, by strict commands,
Sic bluidy pranks.
But new-light herds gat sic a cowe,
Folk thought them ruin’d stick-an-stowe;
Till now, amaist on ev’ry knowe
Ye’ll find ane plac’d;
An’ some their new-light fair avow,
Just quite barefac’d.
Nae doubt the auld-light flocks are bleatin;
Their zealous herds are vex’d an’ sweatin;
Mysel’, I’ve even seen them greetin
Wi’ girnin spite,
To hear the moon sae sadly lied on
By word an’ write.
But shortly they will cowe the louns!
Some auld-light herds in neebor touns
Are mind’t, in things they ca’ balloons,
To tak a flight;
An’ stay ae month amang the moons
An’ see them right.
Guid observation they will gie them;
An’ when the auld moon’s gaun to lea’e them,
The hindmaist shaird, they’ll fetch it wi’ them
Just i’ their pouch;
An’ when the new-light billies see them,
I think they’ll crouch!
Sae, ye observe that a’ this clatter
Is naething but a “moonshine matter”;
But tho’ dull prose-folk Latin splatter
In logic tulyie,
I hope we bardies ken some better
Than mind sic brulyie.
|
Written by
Anne Kingsmill Finch |
Silvia, let's from the Crowd retire;
For, What to you and me
(Who but each other do desire)
Is all that here we see?
Apart we'll live, tho' not alone;
For, who alone can call
Those, who in Desarts live with One,
If in that One they've All?
The World a vast Meander is,
Where Hearts confus'dly stray;
Where Few do hit, whilst Thousands miss
The happy mutual Way:
Where Hands are by stern Parents ty'd,
Who oft, in Cupid's Scorn,
Do for the widow'd State provide,
Before that Love is born:
Where some too soon themselves misplace;
Then in Another find
The only Temper, Wit, or Face,
That cou'd affect their Mind.
Others (but oh! avert that Fate!)
A well-chose Object change:
Fly, Silvia, fly, ere 'tis too late;
Fall'n Nature's prone to range.
And, tho' in heat of Love we swear
More than perform we can;
No Goddess, You, but Woman are,
And I no more than Man.
Th' impatient Silvia heard thus long;
Then with a Smile reply'd;
Those Bands cou'd ne'er be very strong,
Which Accidents divide.
Who e'er was mov'd yet to go down,
By such o'er-cautious Fear;
Or for one Lover left the Town,
Who might have Numbers here?
Your Heart, 'tis true, is worth them all,
And still preferr'd the first;
But since confess'd so apt to fall,
'Tis good to fear the worst.
In ancient History we meet
A flying Nymph betray'd;
Who, had she kept in fruitful Crete,
New Conquest might have made.
And sure, as on the Beach she stood,
To view the parting Sails;
She curs'd her self, more than the Flood,
Or the conspiring Gales.
False Theseus, since thy Vows are broke,
May following Nymphs beware:
Methinks I hear how thus she spoke,
And will not trust too far.
In Love, in Play, in Trade, in War
They best themselves acquit,
Who, tho' their Int'rests shipwreckt are,
Keep unreprov'd their Wit.
|
Written by
Francesco Petrarch |
[Pg 145] SONNET CXVI. Non Tesin, Po, Varo, Arno, Adige e Tebro. HE EXTOLS THE LAUREL AND ITS FAVOURITE STREAM. Not all the streams that water the bright earth,Not all the trees to which its breast gives birth,Can cooling drop or healing balm impartTo slack the fire which scorches my sad heart,As one fair brook which ever weeps with me,Or, which I praise and sing, as one dear tree.This only help I find amid Love's strife;Wherefore it me behoves to live my lifeIn arms, which else from me too rapid goes.Thus on fresh shore the lovely laurel grows;Who planted it, his high and graceful thought'Neath its sweet shade, to Sorga's murmurs, wrote. Macgregor. [IMITATION.] Nor Arne, nor Mincius, nor stately Tiber,Sebethus, nor the flood into whose streamsHe fell who burnt the world with borrow'd beams;Gold-rolling Tagus, Munda, famous Iber,Sorgue, Rhone, Loire, Garron, nor proud-bank'd Seine,Peneus, Phasis, Xanthus, humble Ladon,Nor she whose nymphs excel her who loved Adon,Fair Tamesis, nor Ister large, nor Rhine,Euphrates, Tigris, Indus, Hermus, Gange,Pearly Hydaspes, serpent-like Meander,—The gulf bereft sweet Hero her Leander—Nile, that far, far his hidden head doth range,Have ever had so rare a cause of praiseAs Ora, where this northern Phœnix stays. Drummond.
|