Get Your Premium Membership

493. Song—Contented wi' little and cantie wi' mair

 CONTENTED wi’ little, and cantie wi’ mair,
Whene’er I forgather wi’ Sorrow and Care,
I gie them a skelp as they’re creeping alang,
Wi’ a cog o’ gude swats and an auld Scottish sang.
—Contented wi’ little, &c.
I whiles claw the elbow o’ troublesome thought; But Man is a soger, and Life is a faught; My mirth and gude humour are coin in my pouch, And my Freedom’s my Lairdship nae monarch dare touch.
Contented wi’ little, &c.
A townmond o’ trouble, should that be may fa’, A night o’ gude fellowship sowthers it a’: When at the blythe end o’ our journey at last, Wha the deil ever thinks o’ the road he has past? Contented wi’ little, &c.
Blind Chance, let her snapper and stoyte on her way; Be’t to me, be’t frae me, e’en let the jade gae: Come Ease, or come Travail, come Pleasure or Pain, My warst word is: “Welcome, and welcome again!” Contented wi’ little, &c.

Poem by Robert Burns
Biography | Poems | Best Poems | Short Poems | Quotes | Email Poem - 493. Song—Contented wiEmail Poem | Create an image from this poem

Poems are below...

More Poems by Robert Burns

Comments, Analysis, and Meaning on 493. Song—Contented wi' little and cantie wi' mair

Provide your analysis, explanation, meaning, interpretation, and comments on the poem 493. Song—Contented wi' little and cantie wi' mair here.

Commenting turned off, sorry.