445. The Minstel at Lincluden

by
 AS I stood by yon roofless tower,
 Where the wa’flow’r scents the dery air,
Where the howlet mourns in her ivy bower,
 And tells the midnight moon her care.
Chorus.
—A lassie all alone, was making her moan, Lamenting our lads beyond the sea: In the bluidy wars they fa’, and our honour’s gane an’ a’, And broken-hearted we maun die.
The winds were laid, the air was till, The stars they shot along the sky; The tod was howling on the hill, And the distant-echoing glens reply.
A lassie all alone, &c.
The burn, adown its hazelly path, Was rushing by the ruin’d wa’, Hasting to join the sweeping Nith, Whase roarings seem’d to rise and fa’.
A lassie all alone, &c.
The cauld blae North was streaming forth Her lights, wi’ hissing, eerie din, Athort the lift they start and shift, Like Fortune’s favours, tint as win.
A lassie all alone, &c.
Now, looking over firth and fauld, Her horn the pale-faced Cynthia rear’d, When lo! in form of Minstrel auld, A stern and stalwart ghaist appear’d.
A lassie all alone, &c.
And frae his harp sic strains did flow, Might rous’d the slumbering Dead to hear; But oh, it was a tale of woe, As ever met a Briton’s ear! A lassie all alone, &c.
He sang wi’ joy his former day, He, weeping, wail’d his latter times; But what he said-it was nae play, I winna venture’t in my rhymes.
A lassie all alone, &c.

Poem by
Biography | Poems | Best Poems | Short Poems | Quotes | Email Poem - 445. The Minstel at LincludenEmail Poem | Create an image from this poem

Poems are below...



Top Robert Burns Poems

Analysis and Comments on 445. The Minstel at Lincluden

Provide your analysis, explanation, meaning, interpretation, and comments on the poem 445. The Minstel at Lincluden here.