| |
Mula Sa Malayo
Dito sa tahanang ulap sa himpapawid,
Kung saan lahat ng pangyayari ay batid
Nakikita kitang sa ngayo'y nagkukubli
Linuluko ang pasya nang iyong sarili.
Oo, magmula sa rurok man ng mga ulap
‘Di ko tangging ako ay sawi't naiiyak.
Ang makita kang malayo’t ‘di makausap,
Bakit ka ba nasasakdal diyan, o, dilag?
Mula dito sa malayo'y sinasambit ko;
“Diyos ba'y nagbiling huwag mahalin ako?”
Sabihin mo ng hayag ngayon ang totoo
Nang habang dito pa'y matanggap kong 'di ako.
INIHIHINGGIL KAY Bb. MA. JESSA SANDOVAL
Copyright ©
Milbert Salmasan
|