Londeka Mchunu Poet ABC

Sicimile Isibani Sami

SICIMILE ISIBANI SAMI
Ibhalwe ngu :N.W. Mchunu

Sicimile isibani sami 
Sicimile isibani sempilo yami
Sicimile ngasala ebumyameni 
Sicimile ngasala osizini 

Ubuyisibani sokuphila kwami
Sona ebesikhanyisa kimi
Bengingesabi lutho 
Ngoba wena ubukhona
kufikile isiphepho somoya 
Sacima isibani sempilo yami
Kube sengathi liyaduma izulu 
Kube nomoya onezintuli empilweni yami
Izivunguvungu zivunguzile kimi
Kwaphela konke ngami
Kwashabalala wonke amathemba

Lathi uma lifika igama elithi
Umphefumulo wakhe usuhlukene nenyama 
Ngazizwa ngithuthumela ngashaywa uvalo
Zaphophoza izinyembezi. Kwaxega amadolo 
Umvelinqangi ukuthathile sacima isibani kimi
Sicimile isibani empilweni yami 
Ungishiyile ngincela isithupha
Ngigqemeke engeqiwantwala 
Ungishiyile ngingenamuntu  engizotho mama kuye 
Ungishiye ngezwa kunomzwangedwa empilweni yami 
Ushiye usizi kimi
Ngithi noma ngibuka izwe ngizwe ikhanda lizula
Kube sengathi ngisele ngedwa emhlabeni

Intandane enhle ngumakhothwa unina
Lo mina engingasenaye
Kazi ngizothi mama kubani
Kazi ubani ozongikhombisa indlela
uma sengiya kwa-mama ongemama
Iziyalo zona ngizozithola kubani
Ungishiyile ebumnyameni
Sacimile isibani sempilo yami
Hamba kahle  mama wami
Ngiyohlala ngikukhumbula
Lala ngoxolo

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment

Beata Agustin February 16, 2025 at 5:55 AM I wish I could understand this... Meanwhile, I greet you with the love of the Lord, expressed by John 3:16 of the Bible, "For God so loved the world, that he gave his only begotten Son, that whosoever believeth in him should not perish, but have everlasting life." Have a blessed day.

Londeka Mchunu May 15, 2018 at 9:07 AM This poem is talking about death. To lost someone you love in life its very difficult