Bernardo F. Asuncion Poet Quatrain

Matiyaga Kong Hihintayin

Matiyaga kong hihintayin 
Ang magandang Bayang Banal; 
Alinlanga'y aalisin, 
Susundin Ka, Amang mahal.

Titiisin ko ang hirap, 
Habang narito sa mundo; 
Sa isip ay isasangkap 
Ang lakas buhat kay Cristo. 

Kailangan ko ang tatag 
Ng loob upang madaig 
Ang hilahil at bagabag 
Pati dusa sa daigdig. 

Pipilitin kong matapos 
Ang takbuhin ko, O Ama; 
Sasambahin Ka nang taos 
Sa puso at kaluluwa. 

Hindi ako matatakot 
Sa balisa't suliranin; 
Mapapawi na ang lungkot, 
Matiyaga kong hihintayin.

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment