Sonya Stewart Poet Free verse

Man a Yard

Man a yard help mi fi understand what a gwan in yuh ministry 
A set them set yuh up ar' a lie yuh a tell bout yuh phone bill run up 
Data... A wah that?    
Over 8 million dollars,  mi can't even tell yuh how mi disappointed inna yuh 
Mi a live hand to mouth and yuh a give FLOW 8 million dollaz
Shake Mi head 

Mi just eat piece a bread no money fi buy butter
No money fi pay fi the little one bedroom,  over Portmore
Mi drink a glass a wata to wash dung the bread... Thank yuh Lord 
Shake mi head 
Life rough... Hand to mouth is how I live 

8million could pay off fi mi little house and help Paul fi finish law school and yes,  help Miss Brown with her cancer treatment 
At 74 mi coulda stop sell newspaper.. 8 million dollarz... Them news people must a read wrong... 8 million dollaz? 
Mi disappointed in yuh man a yard, mi need fi hear what a gwan in a yuh ministry ar' a lie yuh tell 

Mi nuh understand this data ting 

Mi just know 8 million would help mi condition 
Life rough... Hand to mouth is how I live

♡Like0

Share Poem

---

Post Comments

Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.

Please Login to post a comment