Kakampi
Buhangin sa iyong balikat,
mula sa pagkakadapa,
Maiitim na markang iyong nakikita,
Di ba bumangon ka?
Di nga bat pinakita mo
ang tapang mong totoo?
Ng ngumiti ka lamang
sa galit ng mundo
Harapin ang pagsubok
Gabutil man oh gabundok
Pagkakaisa ng pananalig
Pusot isipay masigasig
CHORUS 1
Ng mawala ka sa panalangin
Mong malalim at taimtim
Dun mo nakita,
Nun nadama
Sa buhay kailanma’y di ka magiisa
Pagkat kasama mo siya
Palad mong magkadaop
Mga matang nakatiklop
Pagtawag mo…. Kapayapaan sa Puso
END OF CHORUS 1
kaliwa’t kanang sampal ng trahedya
matinding gutom ng sikmura
Sa gitna ng alinlangan
Di bat pumito ka lamang?
Lalim ng ngisi’y makahulugan,
Ininit na ng hulmahan,
Ng hipan mong papalayo,
Ang buhawi ng tukso
Dilim man o init ng araw
Wag kang bibitaw
Samot saring abala,
Sa tikas mo’y di uubra
CHORUS 2
Ng mawala ka sa panalangin
Mong malalim at taimtim
Lakas ay nabuhay
Ang puso’y tumibay
Sa sagupa at laban ng iyong buhay,
Pagkat kapiling mo siya,
Palad mong magkadaop
Mga matang nakatiklop
Pagsamo mo….. Gabay ng iyong mundo
END OF CHORUS 2
Habol mo ang iyong hininga,
Sa pagbubuhos ng lakas,
At ng maging talunan,
Di ba’t tumango ka lang?
Sa gitna ng pagkutya,
Kamao ba ang sandata?
Ng ialay mot ilahad,
Sa mabuti mong hangad
Sa laro man o sa buhay,
Lagi kang maging pantay,
Ilang beses ka mang mabigo,
Ang tulad mo’y di susuko
REPEAT CHORUS 1 THEN
CHORUS 2
Post Comments
Poetrysoup is an environment of encouragement and growth so only provide specific positive comments that indicate what you appreciate about the poem. Negative comments will result your account being banned.
Please
Login
to post a comment
Turn off ads, get more exposure for your poetry, and get more features with a
Premium Membership.
